Znajści
Ałharytmičny łacinski varyjant
12.12.2023 / 21:1911RusŁacBieł

«Kibierpartyzany» stvaryli klijent Telegram dla iOS. Što jon umieje i čamu pakul niedastupny dla biełarusaŭ unutry krainy

«Kibierpartyzany» kažuć, što novy klijent budzie karysny dla ŭsich biełarusaŭ. A tych, chto za miažoj, zaprašajuć da teściravańnia Vartagram, kab dapamahčy chutčej vypuścić jaho i dla tych, chto ŭnutry krainy.

Vartagram. Fota: «Kibierpartyzany»

Što takoje Vartagram i jakija ŭ jaho jość unikalnyja funkcyi?

Vartagram — heta telehram-klijent dla iOS ad «Kibierpartyzan». Voś što jon umieje ŭ paraŭnańni sa standartnym:

  • Klijent dazvalaje aŭtamatyčna schavać akaŭnty i sakretnyja čaty, kali telehram nieaktyŭny. Ad ich nie buduć prychodzić paviedamleńni abo apaviaščeńni. Dziela taho, kab jany znoŭku pakazvalisia, daviadziecca ŭvieści sakretny kod.
  • Možna vykarystoŭvać da dziesiaci akaŭntaŭ adnačasova. Taksama možna pierakładać źmieściva kanałaŭ, hrupaŭ i čataŭ biez Telegram Premium — praŭda, elemienty z vydzialeńniem (naprykład, kursiŭ abo tłusty šryft) biez premiuma pierakładacca nie buduć. A jašče možna budzie pieraŭtvarać hałasavyja ŭ tekst biez padpiski Telegram Premium.
  • Taksama jon dazvalaje naładžvać pad siabie šmat jakija elemienty telehrama: naprykład, u kanałach možna budzie schavać kamientary abo reakcyi, adklučyć apaviaščeńni pra łajki vašych paviedamleńniaŭ, zrabić tak, kab publikacyi adlustroŭvalisia na ŭvieś ekran. Možna źmianiać kamieru pa zmoŭčańni dla «kružočkaŭ» u prahramie — z frantalnaj na tyłavuju i naadvarot.
  • Klijent pašyryć funkcyi standartnaha Telegram. Da prykładu, možna budzie bačyć u profili ID ludziej abo kanałaŭ, a taksama datu ichniaha stvareńnia. A numar telefona i ID buduć schavanyja ad čužych vačej va ŭkładcy «Nałady», kab ich nie moh pahladzieć vypadkovy čałaviek, kab vy jaje adkryjecie. Kab ich znoŭku pakazać, treba paciahnuć uniz.
  • Kali ŭ vas Telegram Premium, to ŭsie funkcyi buduć pracavać i ŭ Vartagram.
  • Vartagram nie budzie źniešnie identyčny aryhinalnamu, jak na Android — u iOS heta niemahčyma.

Ci nadziejny novy klijent?

«Kibierpartyzany» raskazali «Našaj Nivie», što ciapier adbyvajecca teściravańnie klijenta. Jany zaprašajuć biełarusaŭ zamiežža dapamahčy z hetym. Kali vy zdolnyja teściravać prahramy i vyjechali ź Biełarusi, to napišycie ŭ bot «Kibierpartyzanaŭ» i vam daduć dostup da TestFlight. Kali vy raspracoŭščyk, to možacie prahladzieć zychodny kod prahramy i napisać svaje zaŭvahi ŭ bot abo na Github.

Taksama płanujecca aŭdyt koda. «Kibiery» pakul nie rehistravalisia na jaho, ale buduć heta rabić.

Kali jon budzie dastupny dla ŭsich?

«Kibierpartyzany» kažuć, što pakul prahnazavać heta dakładna niemahčyma. Pa-pieršaje, musić prajści test koda prahramy. Pa-druhoje, treba prajści aŭdyt. Pa-treciaje, jany chočuć uličyć pažadańni tych, chto prymie ŭdzieł u teście.

Składanaść jašče i ŭ tym, što ŭ iOS bolš abmiežavańniaŭ i raspracoŭščyki zaležnyja ad App Store i jahonaj palityki. Toje, kab patrapić u App Store, taksama zojmie čas.

«Naša Niva» — bastyjon biełaruščyny

PADTRYMAĆ

Čytajcie taksama:

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Kibierpartyzany — pra vykačanyja bazy, ahientaŭ režymu, Paźniaka i KDB. Novy «Tok» ź Julijanaj Šamietaviec

Stała viadoma imia administratara taksičnych homielskich pablikaŭ — rasśledavańnie «Fłahštoka»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
2
Ха-ха
3
Ого
0
Сумна
1
Абуральна
2
1
Babuška/adkazać/
13.12.2023
Boston, a ty vierojatnyj? Umnik, plať, kuchonnyj. Napisał jerundu na połstranicy. Idi uroki diełaj, a to mama riemnia dast.
0
V les/adkazać/
13.12.2023
Babuška, odnokłaśśniki na druhoj vkładkie.
0
Janka/adkazać/
20.12.2023
Kibiery stvaryli šmat čaho karysnaha, ale pryncypova ŭsie hetyja sproby nahadvajuć čarhovyja mylicy dla nie samaha lepšaha ŭ častcy ananimizacyi karystalnikaŭ miesiendžera. Bo Duraŭ inviestavaŭ u pracazdolnaść Telehram, ale ananimizacyja karystalnikaŭ supiarečyć jahonym kamiercyjnym intaresam.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera