Znajści
Ałharytmičny łacinski varyjant
12.12.2023 / 18:48RusŁacBieł

VW upieršyniu pakazaŭ novy Transporter. Fanaty marki mohuć być rasčaravanyja, bo heta budzie nie zusim Volkswagen

Novy mikraatobus ad VW budzie amal takim samym, jak Ford Transit Custom.

Fota: skrynšot videa ź jutub-kanała Volkswagen Nutzfahrzeuge

Kancern Volkswagen apublikavaŭ videa, dzie ŭpieršyniu pakazaŭ novy Transporter.

Novaje pakaleńnie Volkswagen Transporter budzie vypuskacca na adnoj płatformie z Ford Transit Custom. Čakajecca, što VW na Transporter budzie vykarystoŭvać akumulatary, elektramatory, ruchaviki, karobki pieradač i kanstrukcyi šasi Ford. Hałoŭnaje adroźnieńnie VW Transporter ad Ford Transit Custom budzie ŭ źniešnaści. 

Fota: skrynšot videa ź jutub-kanała Volkswagen Nutzfahrzeuge

Transporter novaha pakaleńnia stylistyčna budzie padobny da VW Multivan T7, jaki vyjšaŭ u 2021 hodzie. 

VW Multivan T7. Miniven ad VW, jaki vypuskajecca z 2021 hoda.

Novy Transporter budzie dastupny jak z dyzielnym ruchavikom, tak i z hibrydnaj ustanoŭkaj. Taksama źjavicca całkam elektryčnaja viersija e-Transporter. Budzie i poŭnapryvadnaja viersija 4motion.

Fota: skrynšot videa ź jutub-kanała Volkswagen Nutzfahrzeuge

Novy Transporter budzie dastupny ŭ dvuch varyjantach daŭžyni i vyšyni dachu. Trecim vykanańniem stanie bartavy hruzavik z dvuchradkovaj kabinaj. Usie hetyja viersii schiematyčna namalavanyja na kantejnierach, jakija trapili na videa.

Pieradzamovy płanujuć pačać prymać da kanca biahučaha hoda, u dyleraŭ navinka źjavicca tolki nastupnaj viasnoj.

Kaniec epochi

Z ulikam taho, što VW Transporter novaha pakaleńnia paradnicca z Ford Transit, možna kazać pra zaviaršeńnie epochi «transparcioraŭ», kali VW całkam samastojna raspracoŭvaŭ i vyrablaŭ mikraaŭtobusy. Pačynajučy z T3, mikraaŭtobusy ad VW stali narodnymi dla biełarusaŭ. Asablivaj luboŭju našy aŭtaamatary praniklisia da aŭtamabilaŭ čaćviortaha pakaleńnia T4. 

A voś samaj doŭhajhrajučaj madellu možna nazvać Transporter T5. Bus piataha pakaleńnia faktyčna zastajecca na kanviejery z 2003 hoda, pakolki Transporter T6 i T6.1 pabudavanyja na bazie T5, tamu ŭsie jany majuć adnolkavyja habaryty i kalosnuju bazu. Źniešnie Transporter 2023 i 2003 hadoŭ vypusku taksama davoli padobnyja, asabliva ŭ profil.

Čytajcie taksama:

Nakolki zručna karystacca elektrakarami ŭ Biełarusi? Spytali ŭ aŭtaamataraŭ

U Biełarusi vystavili na prodaž Mercedes-Benz W124 za 54 000 dalaraŭ. Za što prosiać takija hrošy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
5
Ого
7
Сумна
4
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930