Znajści
Ałharytmičny łacinski varyjant
11.12.2023 / 19:598RusŁacBieł

«Kali palityka pytajuć, ahient ty ci nie ahient, ja nie viedaju, što jon musić adkazvać». Siarhiej Vaźniak patłumačyŭ, dla čaho im z Kalakinym partyja

9 śniežnia ŭ Minsku byŭ sfarmiravany arhanizacyjny kamitet pa stvareńni ŭ Biełarusi novaj levaj demakratyčnaj partyi. Partyju, idejnaj asnovaj jakoj budzie marksizm, pasprabujuć stvaryć zamiest likvidavanaj Viarchoŭnym sudom Biełaruskaj partyi levych «Spraviadlivy śviet» (da 2009 hoda — Partyja kamunistaŭ Biełarusi). Adzin ź jaje stvaralnikaŭ, adzin z kolišnich lidaraŭ «Spraviadlivaha śvietu» Siarhiej Vaźniak, raskazaŭ niekatoryja padrabiaznaści ŭ kamientary Biełaruskaj redakcyi Polskaha radyjo.

Siarhiej Vaźniak. Fota: gazetaby.com

Siarhiej Vaźniak kaža, što letam, jašče da likvidacyi partyi «Spraviadlivy śviet», prachodziŭ źjezd, i niekatoryja jaje čalcy ahučvali dumku, što kali rehistracyja budzie zabranaja ŭładami, varta pasprabavać abjadnoŭvacca chacia b pad ehidaj arhkamiteta pa stvareńni partyi.

«Vidavočna, ciapier biełaruskaje hramadstva znachodzicca ŭ stadyi palityčnaha zaniapadu, intares da palityki źniziŭsia, my nazirajem sindrom 2020 hoda. Ale heta časovaja źjava, bo ničoha zastyłaha niama, asabliva ŭ hramadskim žyćci. Projdzie čas, i ŭ ludziej znoŭ pračniecca cikaŭnaść da palityki, budzie prajaŭlacca žadańnie ŭpłyvać na dziaržaŭnyja rašeńni niejkim čynam. A takija ludzi schilnyja abjadnoŭvacca ŭ palityčnyja partyi niejkim čynam, hramadskija arhanizacyi, prafsajuzy, hramadskija inicyjatyvy. Heta narmalny praces.

Treba pieražyć hety čas, spadziavacca. Ja dakładna viedaju, što pryjduć inšyja časy. A my budziem rabić toje, što mahčyma ŭ ciapierašnich umovach. I ja razumieju, što mahčymaści buduć vielmi abmiežavanyja. Adna reč, kali ty zarehistravanaja palityčnaja partyja, inšaja — kali ty arhkamitet pa stvareńni partyi, mahčymaściaŭ mienš. Ale jany jość i my budziem ich vykarystoŭvać», — havoryć Vaźniak.

Jon niekalki razoŭ u razmovie kaža pra mahčymaści, jakija daje biełaruskaje zakanadaŭstva:

«Adbyvajecca toje, što adbyvajecca. Tak, likvidavanyja partyi, u tym liku i niekatoryja praŭładnyja. Jany likvidavanyja, ale jość zakon, jaki dazvalaje stvarać hramadzianam palityčnyja partyi. To-bok jość pravavoje pole, u jakim možna dziejničać», — padkreślivaje palityk.

Va ŭmovach razhromlenaha hramadska-palityčnaha žyćcia inicyjatyva raspačać stvareńnie palityčnaj partyi vyhladaje jak minimum niečakana. U Vaźniaka adkryta zapytalisia, ci nie było kansultacyi adnosna hetaha kroku z KDB. Toj u adkaz zaśmiajaŭsia:

«Ja nie viedaju, jak na takija pytańni adkazvać. Viedajecie, kali palityka pytajuć, ahient ty ci nie ahient, ja nie viedaju, što jon musić adkazvać. Rvać na sabie kašulu i kazać, što jon nie ahient ci što ahient? Mnie ničoha takoha nieviadoma, pra što vy mianie pytajecie».

Što tyčycca kamunistyčnych idej, to Vaźniak spakojna zaŭvažaje, što nikoha, chto nie padzialaje ich śvietapohladu, inicyjatary za saboju nie kličuć.

«My kličam tolki prychilnikaŭ levych marksisckich pohladaŭ, narmalnaja situacyja, kali niechta z nami nie zhodny, kali łaska! Narmalnaja situacyja, kali niechta myślić inakš».

Čytajcie taksama:

«Kamunist, jaki vystupaje za buržuaznuju revalucyju». Piać faktaŭ pra Siarhieja Kalakina, jaki stvaraje «partyju marksisckich pohladaŭ»

Buchvostaŭ, Vaźniak i Kalakin pasprabujuć stvaryć novuju partyju na bazie marksizmu

Kamunist Vaźniak: Ja adziny čałaviek, jaki byŭ davieranaj asobaj u piaci roznych kandydataŭ u prezidenty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
detektar anuč/adkazać/
11.12.2023
Jak adroźnić hebešnuju anuču ad śviadomaha čałavieka? Vielmi prosta. Kali ty narmalny, to siadziš u turmie jak Statkievič, Sievieryniec, Babaryka dy tysiačy inšych. Ci za miažoj jak Łatuška, Cichanoŭskaja dy tysiačy inšych. A voś kali ty Čerečeń, ci Kanapackaja, to ŭsio z taboj zrazumieła, spadar.
0
Apošni klijent/adkazać/
12.12.2023
[Red. vydalena]
0
Ćfu!/adkazać/
12.12.2023
Kamunist? 🤮🤮🤮🤮 Kamunisty zhnaili maju siamju ŭ HUŁAHie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera