Znajści
Ałharytmičny łacinski varyjant
11.12.2023 / 18:405RusŁacBieł

«Kola ŭziaŭ usio blizka da serca». Na «Mazyrsoli» rabočy pamior paśla taho, jak dyrektar pryhraziŭ jamu nie padoŭžyć kantrakta

1 śniežnia na pradpryjemstvie AAT «Mazyrsol» pamior rabočy. Jak raskazaŭ vydańniu «Fłahštok» znajomy pamierłaha, rabotnika zvali Mikałaj Zajac, i jon staŭ mižvolnaj achviaraj zaviedzienych dyrektaram pradpryjemstva «vajskovych paradkaŭ».

Mikałaj Zajac. Skrynšot ź videa telekanała «Mazyr»

«Paśla ŭviadzieńnia zabarony na kureńnie rabočyja solzavoda chavalisia i kuryli ŭ cechach. Mikałaja złaviŭ načalnik i dałažyŭ kiraŭnictvu. Dyrektar jamu pryhraziŭ, što jamu nie padoŭžać kantrakta. Kola ŭziaŭ usio blizka da serca. Pierad zakančeńniem toj ža źmieny pamior», — raskazaŭ znajomy Zajca.

U 2020 hodzie adnym z hierojaŭ pieradačy telekanała «Mazyr» byŭ sušylščyk cecha № 2 AAT «Mazyrsol» z takim samym imieniem i proźviščam. Miarkujučy z kamientara, jaki Mikałaj Zajac daŭ tady televizijnikam, na pradpryjemstvie jon prapracavaŭ nie adzin dziasiatak hadoŭ.

Błohier Andrej Pavuk pieradaŭ u redakcyju «Fłahštoka» zapis zvanka, u jakim kiraŭnik pradpryjemstva Uładzimir Dvornik adkazvaje na pytańnie ab hibieli rabotnika.

«Nie zahinuŭ. Prosta sardečnaja niedastatkovaść. Pamior», — skazaŭ Dvornik, a paśla kinuŭ słuchaŭku.

Raniej Uładzimir Dvornik uvioŭ na pradpryjemstvie žorstkija miery, skiravanyja suprać kurcoŭ. Zhodna ź jaho zahadam toj, chto nie kuryć na terytoryi zavoda, atrymlivaje materyjalnaje štomiesiačnaje zaachvočvańnie. Pry hetym na «Mazyrsoli» dziejničaje kalektyŭnaja adkaznaść: dastatkova adnamu čałavieku z bryhady trapicca na kureńni ŭ nienaležnym miescy, kab spahnańnie było nakładziena na ŭsiu bryhadu. Dla kantrolu rabotnikaŭ u arhanizacyjnaj struktury pradpryjemstva stvorana «kamisija pa kultury vytvorčaści», jakuju ŭznačalvaje hałoŭny inžynier.

Čytajcie taksama:

Prapahandysty pasprabavali asprečyć, što cieła zahinułaj ukrainskaj dziaŭčynki było ŭ mazyrskim morhu. Ale supiarečać sabie raniejšym

Rabotnik «Homsielmaša» skončyŭ žyćcio samahubstvam na pracy — Fłahštok

Homielskim ratavalnikam čamuści spatrebiŭsia palihraf

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
MikołkaParavoz/adkazać/
11.12.2023
Paleńnie zabivaje!!! Ups...
4
sumna/adkazać/
11.12.2023
Pamior z-za strachu zhubić pracu. Chto tam žartavaŭ, što biełarusy buduć dapłačvać kab na pracu chadzić? A heta nie žart, voś takija Mikałai buduć płacić. Nie dabivacca kab im kuryłki zrabili, a maŭčać i pamirać. 
0
Kirovca na panov /adkazać/
17.02.2024
Vybačajcie, no budu izjaśniaťsia na russkom. Zaciepił nie fakt kurienija, a imienno kollektivnaja otvietstviennosť vsiej brihady za "prostupok" odnoho iz. Eto pzdc. Vozvraŝajemsia v 19** hody...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera