Znajści
Ałharytmičny łacinski varyjant
11.12.2023 / 17:1813RusŁacBieł

«Pacany MTZ» dajuć pierad kamieraj «słova pacana», kab patłumačyć, «što takoje dobra i što takoje drenna»

Pres-słužba Minskaha traktarnaha zavoda vypuściła proma-rolik, u jakoj apieluje da rasijskaha sieryjała «Słova pacana. Kroŭ na asfalcie». U videa svajo słova na fonie zahałoŭnaha saŭnd-treka sieryjała skazali «tyja samyja pacany — pacany MTZ».

Skrynšot ź videa

U vydadzienym MTZ roliku mužčyny, supracoŭniki roznych adździełaŭ pradpryjemstva dali šerah «sacyjalnych» abiacańniaŭ — havaryć praŭdu, dziejničać pa sumleńni, kožny dzień vučycca novamu, dapamahać tym, chto maje ŭ hetym patrebu, nie paŭtarać pamyłak minułaha, abaraniać Radzimu słovam i spravaj, być zakonapasłuchmianym i hetak dalej.

Kožnaje z dadzienych na kamieru abiacańniaŭ mužčyny padmacoŭvajuć frazaj «Słova pacana!» z papularnaha rasijskaha sieryjała.

Sieryjał «Słova pacana. Kroŭ na asfalcie» raskazvaje pra fienomien kryminalnaj Kazani 1980-ch hadoŭ, jon poŭny scenaŭ hvałtu i žorstkaści.

Pry hetym pres-słužba MTZ supravadžaje rolik zajavaj, što tyja, «chto staleŭ u 90-ja, nikoli nie zachoča, kab navat namiokam tyja časy viarnulisia».

«Uspomnić — tak, viarnucca — nikoli! Niama ŭ ich nijakaj ramantyki — tolki zmrok i biezvychodnaść.

Ale chto rastłumačyć heta našym dzieciam, jakija padrastajuć tut i ciapier, u mirnaj i ščaślivaj krainie? Tym, u kaho ŭjaŭleńnie pra toje, što takoje dobra i što takoje drenna, sfarmavana nie ŭ poŭnaj miery? My viedajem! Tyja samyja pacany — pacany MTZ, jakija hatovyja skazać svajo važkaje słova. I jany jaho skazali», — zajaŭlajuć stvaralniki rolika.

Čytajcie taksama:

Adnu z hałoŭnych rolaŭ u sieryjale «Słova pacana» vykonvaje biełaruska. Voś chto heta takaja

Ź jakoha rajona, čušpan? Što za sieryjał «Słova pacana», jaki rvie rejtynhi

Supracoŭniki MTZ na navahodnija śviaty buduć adpačyvać jak rasijanie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
nie taki jak jość/adkazać/
11.12.2023
Jakija tam ‘'pacany''?! Chiba - ‘'ŠIERSŤ''?!
0
Chałopčyk/adkazać/
11.12.2023
hoblen, i što ŭ hetaj tvani, jakaja , jak pijaŭka, śsie rasijskaje teleśmiećcie, biełaruskaha?

Jaki zavod u 90-ja nazyvali ŭ BSSR-Biełarusi rassadnikam BNF?

Tak Instytut Fiziki Akademii Navuk BSSR nazyvali, bo tam Jury Chadyka i inšyja biełarusy pracavali.

A ot zavod? Nie čuŭ pra takoje.

Ruki knihi nie čytajuć, a trymajuć. Čytaje hałava.

Chočacie pabačyć rasiejca-internacyjanalista? Vam u Minsk. Na luby zavod. Choć na Atłant, choć na MTZ. Niebiełaruskaja heta mientalnaść, a rasiejskaja.
0
zmrok i biezvychodnaść/adkazać/
12.12.2023
Heta siońnia pry raśćvietie łukašyzma. A ŭ 90-ch byŭ i aptymizm, i nadziei, i ramantyka..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera