Znajści
Ałharytmičny łacinski varyjant
11.12.2023 / 16:03RusŁacBieł

«Ścierlisia humavyja nakaniečniki mylic, a zamianić niama čym». Uładzimir Hundar nie moža vychodzić na prahułki

U mahiloŭskaj turmie palitviazień Uładzimir Hundar sutyknuŭsia z redkaj dla aryštantaŭ prablemaj.

Uładzimir Hundar

Užo miesiac jak krajaznaŭca z Baranavičaŭ Uładzimir Hundar adbyvaje pakarańnie ŭ krytaj turmie № 4 u Mahilovie, kudy jon trapiŭ z babrujskaj kałonii pa rašeńni sudu ŭ Babrujsku, piša «Radyjo Svaboda».

Jak paviedamiła Svabodzie daśviedčanaja krynica, trymajuć invalida Hundara, u jakoha niama adnoj nahi, u adzinočnaj kamiery. Pavodle surazmoŭca, u pačatku svajho znachodžańnia ŭ mahiloŭskaj turmie Uładzimira Hundara vyvodzili na prahułki na mylicach, ale potym heta stała niemahčyma.

«Akazałasia, što ŭ jaho ścierlisia humavyja nakaniečniki mylic, a zamianić ich tam niama čym. Takaja situacyja nie praduhledžana. Uładzimier źviarnuŭsia da svajakoŭ, tyja sabrali rečavuju pasyłku, ale ci dajšła jana, nieviadoma.

Užo try tydni ad Hundara niama listoŭ, adziny zvanok byŭ u listapadzie. Svajaki tolki viedajuć, što pasyłka była padpisanaja i spadziajucca, što jon urešcie jaje atrymaje. Bo da taho prahułki niemahčymyja», — skazała daśviedčanaja krynica.

Ad krynicy viadoma, što na paharšeńnie stanu zdaroŭja Uładzimir Hundar nie skardziŭsia i padčas apošniaha ź im zvanku razmaŭlaŭ badziora.

Hundaru 63 hady. Jon invalid 2-j hrupy, u palitviaźnia niama adnoj nahi vyšej za kalena. Padčas znachodžańnia ŭ SIZA Uładzimir Hundar častkova straciŭ słych na adno vucha, paźniej słych adnaviŭsia, ale viaźniu dahetul treba prymać śpiecyjalnyja leki.

U 2022 hodzie Uładzimira Hundara, jaki ŭžo byŭ asudžany za napad na milicyjanta, asudzili na 18 hadoŭ źniavoleńnia pavodle kryminalnaj spravy ab teraryźmie pa tak zvanaj «spravie Aŭtuchoviča». U kancy studzienia Leninski sud Horadni asudziŭ Hundara za abrazu supracoŭnicy prakuratury jašče na dva z pałovaj hady pazbaŭleńnia voli. Šlacham častkovaha składańnia pakarańniaŭ kančatkova Hundara asudzili na 20 hadoŭ kałonii va ŭmovach uzmocnienaha režymu.

Svajoj viny Uładzimir Hundar nie pryznaŭ, biełaruskija pravaabaroncy nazvali jaho palityčnym viaźniem.

Čytajcie taksama:

Asudžany na 20 hadoŭ Uładzimir Hundar: U turmie daktary bolš uvažlivyja

Jašče adnaho palitviaźnia pieraviali na turemny režym

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera