Znajści
Ałharytmičny łacinski varyjant
11.12.2023 / 15:0712RusŁacBieł

Padtrymku ŭ pamiery 30 młn jeŭra atrymajuć biełaruskija demsiły ad ES — Barel

Hałoŭny dypłamat Jeŭrasajuza Žazep Barel sustreŭsia ź lidarkaj biełaruskaj apazicyi Śviatłanaj Cichanoŭskaj.

Žazep Barel i Śviatłana Cichanoŭskaja. Fota: JosepBorrellF / Twitter

«U nas šmat prablem va ŭsim śviecie, vajna ŭ Hazie, vajna va Ukrainie, ale my nie zabyvajem Biełaruś i jaje narod», — havorycca ŭ zvarocie Viarchoŭnaha pradstaŭnika ES u zamiežnych spravach i palitycy biaśpieki Žazepa Barela.

Pavodle jaho, u kiraŭnictvie ES razumiejuć, što situacyja ŭ krainie stanovicca ŭsio bolš składanaj.

«Ja taksama chaču skarystacca hetaj mahčymaściu, kab zaklikać režym vyzvalić usich palitviaźniaŭ, spynić represii, pryniać udzieł u inkluziŭnym nacyjanalnym dyjałohu i arhanizavać demakratyčnyja vybary. Ja viedaju, što heta propaviedź u pustyni, i Łukašenka nie [zachoča] mianie pačuć, ale ES i mižnarodnaja supolnaść pavinny jašče raz paŭtaryć hetuju prośbu — spynić represii, vyzvalić palitviaźniaŭ i zaklikać da svabodnych demakratyčnych vybaraŭ», — skazaŭ Barel.

Pavodle jaho, da taho času, pakul u Biełarusi nie projduć demakratyčnyja vybary, Jeŭrasajuz budzie praciahvać uvodzić sankcyi suprać režymu.

«I kab padkreślić heta, ja abviašču siońnia ab dadatkovaj finansavaj padtrymcy biełaruskaj hramadzianskaj supolnaści i demakratyčnych sił sumaj 30 młn jeŭra, i z ulikam našaha siońniašniaha paviedamleńnia my dasiahniem ličby 140 młn jeŭra z 2020 hoda», — zajaviŭ Barel.

Śviatłana Cichanoŭskaja, u svaju čarhu, havaryła ŭ Brusieli pra toje, što z-za nielehitymnych i niezakonnych dziejańniaŭ Łukašenki biełaruskija niezaležnaść i suvierenitet znachodziacca pad surjoznaj pahrozaj.

«Jak tolki Biełaruś stanie svabodnaj, my zrobim rašučy krok u našym hieapalityčnym vybary. Biełaruś vyjdzie z padkantrolnych Rasii palityčnych i vajskovych sajuzaŭ i budzie imknucca da siabroŭstva ŭ ES», — skazała Cichanoŭskaja.

Jana adznačyła, što sankcyi pakul nie źmianili pavodzinaŭ režymu.

«Ale jany mohuć adyhrać važnuju rolu ŭ asłableńni jaho zdolnaści pravodzić represii i dapamahać rasiejcam u vajnie. Adzin sa sposabaŭ — zakryć ščyliny, jakija dazvalajuć Łukašenku i Pucinu dapamahać adzin adnamu abychodzić sankcyi. Ja zaklikaju ES pryniać novy pakiet sankcyj i zakryć isnujučyja ščyliny. U sankcyjach nie pavinna być adstupleńniaŭ. Nielha pakidać režym biespakaranym», — skazała Cichanoŭskaja.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
11.12.2023
dla palitviaźniaŭ jany marafony ładziać, źbirajučy hrošy ź biełarusaŭ
11.12.2023
Śviatłana Aleksijevič, kali atrymała Nobieleŭskuju premiju i zapłaciła ź jaje vialiki nałoh dziaržavie, zajmałasia miecenactvam. a hetyja sapraŭdy što?
2
Niejki siur/adkazać/
11.12.2023
A-cha-cha! I Barel dumaje, što biełarusy jamu pavierać ź jahonymi 140 milionami? Paźniak kazaŭ pra 250 młn jeŭra, a Paźniak zaŭždy kaža praŭdu! Kudy jany padzieli hrošy biełaruskaha naroda?! Chaj Cichanoŭskaja i Barel adkažuć nam!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera