Znajści
Ałharytmičny łacinski varyjant
11.12.2023 / 13:363RusŁacBieł

NAK vitaŭ dopusk da Alimpijady, ale nazvaŭ jaho ŭmovy dyskryminacyjnymi

NAK zaznačaje, što vitaje dopusk da Hulniaŭ-2024, adnak pryniataje rašeńnie nie zadavalniaje intaresaŭ biełaruskaj spartyŭnaj supolnaści.

Fota: Telmo Pinto / NurPhoto via Getty Images

Nacyjanalny alimpijski kamitet «pryniaŭ da viedama rašeńnie vykankama Mižnarodnaha alimpijskaha kamiteta ad 8 śniežnia ab dopusku biełaruskich spartsmienaŭ da Alimpijady-2024 u Paryžy ŭ niejtralnym statusie».

NAK zaznačaje, što vitaje dopusk da Hulniaŭ-2024, adnak pryniataje rašeńnie nie zadavalniaje intaresaŭ biełaruskaj spartyŭnaj supolnaści ŭ poŭnaj miery.

«Isnyja strohija abmiežavańni, uklučajučy ŭdzieł u spabornictvach biez nacyjanalnych simvałaŭ, abmiežavanuju kolkaść kvalifikacyjnych spabornictvaŭ, niadopusk spartsmienaŭ, jakija vystupajuć u kamandnych vidach — usie hetyja ŭmovy pa-raniejšamu źjaŭlajucca vielmi dyskryminacyjnymi ŭ adnosinach da atletaŭ našaj krainy», — havorycca ŭ zajavie NAK.

U Minsku čakajuć dalejšaha tłumačeńnia «dyskryminacyjnych» umoŭ i spadziajucca, što MAK budzie «kiravacca najpierš intaresami samich spartsmienaŭ, a taksama, niesumnienna, budzie praciahvać rabotu pa adnaŭleńni spraviadlivaści i paŭnacennym udziele našych spartsmienaŭ va ŭsich spabornictvach».

U piatnicu Mižnarodny alimpijski kamitet vyrašyŭ, što spartsmieny ź Biełarusi i Rasii zmohuć vystupić na Alimpijskich hulniach u Paryžy ŭ 2024 hodzie, ale tolki ŭ niejtralnym statusie.

Na Alimpijskich hulniach budzie zabaroniena lubaja simvolika, jakaja asacyjujecca ź Biełaruśsiu i Rasijaj, a spartsmieny buduć vystupać u formie niejtralnych koleraŭ.

Akramia taho, na hulniach nie zmohuć vystupić spartoŭcy, afilavanyja z rasijskimi i biełaruskimi siłavymi strukturami, a taksama tyja, chto byŭ zaŭvažany ŭ padtrymcy rasijskaj ahresii suprać Ukrainy.

Na hulniach nie budzie aficyjnych delehacyj Biełarusi i Rasii. 

Prezident World Athletics zajaviŭ, što biełaruskija i rasijskija spartsmieny nie prymuć udziełu ŭ spabornictvach pa lohkaj atletycy na letnich Alimpijskich hulniach u Paryžy ŭ 2024 hodzie.

Čytajcie taksama:

Lohkaatletaŭ ź Biełarusi i Rasii na Alimpijadzie nie budzie — prezident World Athletics

Vystup Azaranka i Sabalenka na Alimpijadzie-2024 pad pahrozaj: pavodle praviłaŭ alimpijskaha adboru jany ŭ Paryž nie traplajuć

MAK dapuściŭ biełaruskich i rasijskich spartoŭcaŭ da Alimpijady-2024

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Biełarus/adkazać/
11.12.2023
A jakija vašy nacyjanalnyja simvały, błazny? Vianok i čz ściah nikoli nacyjanalnymi simvałami nie byli i ŭžo nie buduć. Pačytajcie svoj zakon pra ściah i hierb, tam jany nazyvajucca dziaržaŭnymi simvałami. dyk u vas i dziaržavy ŭžo niama, tolki terytoryja, jakuju vy časova kantralujecie, dziakujučy ruśni.
0
Alek. Ru/adkazać/
11.12.2023
Nu dyk I nie údzielničajcie na znak pratestu.
0
Bazyl/adkazać/
11.12.2023
A chto daŭ prava łukašenkaŭskamu NAKu pad kiraŭnictvam Vici Łukašenki i raznastajnych bazanavych havoryć ad imia biełaruskaj spartyŭnaj supolnaści?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031