Znajści
Ałharytmičny łacinski varyjant
10.12.2023 / 18:129RusŁacBieł

Kolki dronaŭ u biełarusaŭ zabrali na patreby armii

Paśla niadaŭniaha ŭkaza, jaki zabaraniaje fizičnym asobam mieć bieśpiłotniki, ludzi abaviazany pazbavicca ad ich.

Skryn videa z telehram-kanała «Krylja»

U listapadzie siłaviki abjavili, što stvaryli vałanciorskuju inicyjatyvu «Kryły». Biełarusaŭ zaklikali pieradavać svaje drony Uzbrojenym siłam u jakaści «dabračynnaj dapamohi».

Inicyjatyva paviedamiła, što za hety čas vojsku było pieradadziena bolš za 70 dronaŭ.

«Na hetym tydni jašče niekalki dronaŭ DJI byli pieradadzienyja adnamu z padraździaleńniaŭ Uzbrojenych sił. Drony ŭžo aktyŭna ŭkaraniajucca i vykarystoŭvajucca našymi vajskoŭcami», — kažacca ŭ paviedamleńni.

Kab zdać drony, biełarusam prapanujuć pisać u bot inicyjatyvy i paznačać horad pražyvańnia i madel bieśpiłotnika.

Nahadajem, Alaksandr Łukašenka ŭ vieraśni padpisaŭ ukaz № 297 «Ab dziaržaŭnym uliku i ekspłuatacyi cyvilnych bieśpiłotnych latalnych aparataŭ». Hetym jon zabaraniŭ mieć drony fizičnym asobam, a arhanizacyi i IP abmiežavaŭ u karystańni.

Ukazam praduhledžana, što ŭvoz na terytoryju Biełarusi, zachoŭvańnie, abarot, ekspłuatacyja i vyrab cyvilnych bieśpiłotnikaŭ dazvolenyja tolki arhanizacyjam i indyvidualnym pradprymalnikam dla ich prafiesijnaj dziejnaści.

Dla hetaha arhanizacyjam i pradprymalnikam nieabchodna atrymać adpaviedny dazvoł u Departamiencie avijacyi Ministerstva transpartu i kamunikacyj.

Fizičnym asobam uvoz na terytoryju Biełarusi, zachoŭvańnie, abarot, ekspłuatacyja i vyrab cyvilnych BŁA zabaraniajecca. U fizičnych asob jość paŭhoda, kab pradać svaje drony ci pieradać na zachoŭvańnie arhanizacyi, vyznačanaj uradam.

Čytajcie taksama:

Fizičnym asobam zabaraniajuć mieć drony, arhanizacyjam i IP — abmiažoŭvajuć

«Albo vialiki honar, albo vialikaja hańba». Što adbyvałasia na kanfierencyi pałka Kalinoŭskaha pa stratehijach vyzvaleńnia Biełarusi

Junaja biełaruska atrymała pašpart zamiežnika ŭ Čechii na piać hod. Raniej jana addała svoj dron USU

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
10.12.2023
moža heta sami 'siłaviki'?
0
Tutejšy /adkazać/
10.12.2023
Viedajuć čieho bajacca
0
Pan Usialan/adkazać/
11.12.2023
Cikava... Hety čarapaška-nindzia na fotazdymku ŭ hetych svaich bušłatnych rukavicach u stanie dakładna naciskać na pryciski kab pakiravać dronam? Mnie zdajecca nie... U takich rukavicach jon u stanie tolki za rulu tanka trymacca... Jołupy blad..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031