Znajści
Ałharytmičny łacinski varyjant
10.12.2023 / 13:268RusŁacBieł

Siamja ź Minska pabudavała dom i napoŭniła jaho meblaj ułasnaj vytvorčaści. Hladzicie, jak atrymałasia

Anton i Kryścina razam z synam i dačkoj pierajechali ŭ zaharadny dom niadaŭna. Raniej jany žyli ŭ Minsku, ale ŭ niejki momant siamji zachaciełasia abšaru i pavietra. Za dva hady jany pabudavali dom, azdableńnie i meblu dla jakoha padrychtavali na ŭłasnaj vytvorčaści, piša Realt.

«Ja razumieŭ, što praściej adrazu pabudavać jakasna, čym potym pierarablać»

Dom raźmieščany niedaloka ad Minskaha mora, u ahraharadku Łašany. 

— Raniej my žyli ŭ Minsku, u kvatery. Niejak pajechali na viasielle da siabroŭ. Druhi dzień śviata prachodziŭ za horadam. Nam vielmi spadabałasia — i my zaharelisia idejaj žyć u pryvatnym domie, — uspaminaje Anton.

 

— Pošuki ŭčastka pačali ŭ toj ža viečar, — uśmichajecca Kryścina. — Było važna, kab pobač nie było susiedziaŭ, kab učastak raźmiaščaŭsia ŭ Maładziečanskim kirunku. 

— My zajmajemsia vytvorčaściu mebli. Naša majsternia znachodzicca krychu dalej ad Minska ŭ hetym napramku, a maja asnoŭnaja praca — u Minsku. Voś my i vybrali łakacyju roŭna pasiaredzinie — kab było zručniej jeździć tudy-siudy, — tłumačyć Anton. — A jašče nam byli važnyja kamunikacyi: vada, elektryčnaść, haz. Hatovyja damy nie razhladali: chaciełasia samim prakantralavać jakaść materyjałaŭ i rabot, nie pierarablać užo realizavanyja rašeńni pad svaje patrebnaści. 

Pieršapačatkova terytoryja ŭ 15 sotak była całkam svabodnaj — prosta schił u asiarodździ pryhožaj pryrody. Učastak kaštavaŭ siamji 8 tysiač dołaraŭ u ekvivalencie.

 

Budaŭničyja pracy pačalisia z vyraŭnoŭvańnia reljefu. Z adnaho boku schił «zrezali», inšy bok padsypali — piasku syšło vielmi šmat. 

Na budaŭnictva adnapaviarchovaha doma i ramont u siamji spatrebiłasia dva hady. Dla rabot najmali budaŭnikoŭ. U Antona znajšlisia znajomyja prafiesijanały, jakija adrazu ŭsio rabili pravilna, biez pamyłak i dapracovak. Dapamoh i vopyt samoha haspadara — raniej jon užo rabiŭ ramont u kvatery i ŭładkoŭvaŭ svaje sałony mebli:

— Ja razumieŭ, što praściej adrazu pabudavać jakasna, čym potym pierarablać. Uvažliva vyvučaŭ budaŭničyja standarty, detalova abmiarkoŭvaŭ usio z bryhadami. Vynik — prastorny dom sa zručnaj dla nas płaniroŭkaj i vialikim panaramnym aknom va ŭsiu ścianu.

 

Hieroi pryznajucca, što ŭ niejki momant jany pierastali ličyć vydatki — usio ž taki biudžet budaŭnictva składana raspłanavać detalova. 

«Ja pracuju z drevam i adčuvaju jaho»

U domie — 200 «kvadrataŭ» žyłoj płoščy. Jašče 70 m² zajmaje terasa. Z-za zaviei nie ŭdałosia całkam razhledzieć eksterjer i łandšaft. Tamu ŭsia ŭvaha — unutranamu napaŭnieńniu. 

Interjer vyrašyli rabić minimalistyčnym, azdableńnie ŭziali ŭ svaje ruki. Usio ŭ chacie, akramia kanapaŭ i kresłaŭ, zroblena na ŭłasnaj vytvorčaści — pačynajučy z łožkaŭ i skančajučy dźviarnymi ručkami. Na padłozie parkiet ad biełaruskaha vytvorcy ź cikavym sposabam kładki: pałosy pa pierymietry i kładka jełačkaj usiaredzinie.

 

— Pakolki ja pracuju z drevam i adčuvaju jaho, mnie nie chaciełasia dadavać u interjer žyłych pakojaŭ łaminat abo plitku. Žadałasia pa maksimumie vykarystoŭvać dreva. Naprykład, stoli ŭ nas zrobleny ź imitacyi brusa liścianych parod. Šlifavali i farbavali na vytvorčaści. Doma prosta źbirali ich — jak kanstruktar. 

Admysłovaja ŭvaha para nadała haścinaj:

— Kali my žyli ŭ kvatery, uvieś naš čas prachodziŭ u haścinaj. Razumieli, što ŭ chacie budzie hetak ža — tamu adrazu zadumali haścinuju ź vialikaj płoščaj kala 50 kvadratnych mietraŭ, vysokaj stollu, panaramnym aknom, ź jakoha možna hladzieć udalačyń. I vialikim stałom — 3,5 mietra ŭ daŭžyniu i 1,2 mietra ŭ šyryniu. Usiu meblu ja rabiŭ sam — prosta prasiŭ u žonki karcinki i kolery, — raskazvajem Anton.

 

Ścieny ŭpryhožyli panelami, zroblenymi ź plit MDF i afarbavanymi śpiecyjalnaj interjernaj emallu. Jany lohka paddajucca restaŭracyi — Kryścina i Anton pradumali hety momant z ulikam aktyŭnych dziciačych hulniaŭ. Luby skoł na panelach možna vypravić na praciahu dziesiaci chvilin.

 

Jašče adna fiška haścinaj — padviesnaja žyrandola. Jana nie prachodziła ni ŭ adni dźviery: pryjšłosia dastavać škłopakiet, kab zanieści jaje praz akno.

 

Pierachodzim u kuchniu. Anton raskazvaje pra svaju zadumku: kab harnitur byŭ maksimalna prostym u dohladzie, stalnicu zrabili z faniery, abkłali pa pierymietry masivam i zašpaniravali piacimilimietrovymi łamielami z duba. Dla vierchnich panelaŭ kuchni vykarystoŭvali plity MDF. Ich zalapili šponam i zakryli imitacyjami ramak z masiva.

 

Dźviery ŭ kuchniu fiksujucca mahnitam — heta vielmi zručna dla taho, kab padčas padrychtoŭki ježy pachi nie raspaŭsiudžvalisia pa ŭsioj chacie.

 

Kryścina pakazvaje svaju vintažnuju kalekcyju: 

— Ja zaŭsiody lubiła pryhožy posud — i chacieła, kab jaho było šmat. Paśla pierajezdu ŭ svoj dom mianie zacikaviŭ vintaž. Ja pakachała barachołki, kramy antykvaryjatu, časta kuplaju niešta padčas vandrovak. Adna z maich apošnich pakupak — padnos. Jon budzie vielmi pryhoža vyhladać na navahodnim stale.

 

Pry azdableńni dziciačych pakojaŭ admovilisia ad ružovych i błakitnych koleraŭ

Jak i mnohija, chto pierajazdžaŭ u dom z kvatery, Anton i Kryścina maryli ab vialikim vannym pakoi. 

— Vielizarnaja vanna, vielizarnaja dušavaja, dźvie rakaviny, — raspaviadaje haspadynia. — Ja vielmi doŭha vybirała plitku, abjeździła ŭsie kramy i prahartała ŭsie katałohi. Patrebny nam varyjant znajšoŭsia — abjomu, jaki zastavaŭsia ŭ kramie, chapiła ŭprytyk. I my vielmi zadavoleny tym, što atrymałasia!

 

— Tumby i lusterki zrobleny nie ź mietału — u ich draŭlanaja asnova i rabili my ich, jak i šmat što inšaje, na ŭłasnaj vytvorčaści, — dapaŭniaje Anton. 

Z prastornaj spalni jość vychad na terasu. Łožak — 2×2 mietra:

— Z ranicy da nas časta źviartajucca dzieci — chaciełasia, kab było zručna lažać učatyroch. 

Pry azdableńni dziciačych pakojaŭ haspadary adrazu admovilisia ad ružovaha i błakitnaha koleraŭ. U pakoi syna spałučajucca śvietłyja, niejtralnyja adcieńni — a jarkich farbaŭ dadajuć cacki i knižki. Tekstyl abrany pad koler ścien.

 

Pa zamovie dački, u jakoj šmat tvorčych zachapleńniaŭ, zrabili palicy dla knih, malunkaŭ i statuetak.

 

Na ścianie ŭ pakoi dački — «łuskavinki», zroblenyja rukami Antona. Kala 2 tysiač detalaŭ kleili ŭručnuju. Padhałoŭje łožka z zajačymi vušami Anton taksama zrabiŭ sam. Žyrandolu zamovili na Aliekspresie: jana kaštavała kala 400 dołaraŭ, tamu za dastaŭku pryjšłosia pachvalavacca, ale ŭ vyniku ŭsio pryjšło ŭ cełaści.

 

Uspaminajem ab tempieratury pavietra za aknom i cikavimsia aciapleńniem: akazvajecca, siamja vybrała dastatkova niestandartnuju sistemu. Batarej jak takich niama, zamiest ich na padłozie pad voknami raźmieščany pavietravody. Na stoli idzie zabor pavietra. Usio heta złučajecca ŭ błoku, jaki nahravaje pavietra, abiezzaražvaje i ŭvilhatniaje jaho — a zatym nakiroŭvaje ŭ pamiaškańni.

 

Na raźvitańnie Anton dzielicca jašče adnym, pravieranym na svaim dośviedzie, plusam žyćcia ŭ zaharadnaj chacie: 

— Uviečary ja ŭklučaju padśviatleńnie i vychodžu na prabiežku. Biahu piać kiłamietraŭ, apošni zvyčajna dajecca vielmi ciažka. Ja baču ŭdalečyni ciopłaje śviatło, adčuvaju blizkuju vyhodu — i ŭ mianie jak byccam adkryvajecca druhoje dychańnie.

Čytajcie taksama:

Samyja darahija arendnyja kvatery ŭ Minsku. Staŭki ŭražvajuć

Ad 1000 dalaraŭ za «kvadrat». Kolki kaštujuć kvatery ŭ novych ŽK Minska

«Tut niama ludskich kram». Jak žyviecca na paŭvostravie la Śvisłačy ŭ centry Minska

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
51
Панылы сорам
6
Ха-ха
1
Ого
4
Сумна
5
Абуральна
16
0
Bobr/adkazać/
10.12.2023
Maksim Dizajnier, normalnyj dom. Otkrojtie luboj katałoh sovriemiennych domov, tam počti každyj v takom stile. Odnako odnoetažnyj dom, mienieje ekonomičien i v stroitielstvie i v ekspłuatacii. Dva etaža: kuchnia, zał, sanuzieł i odna spalnia na piervom i ostalnyje spalni i vannaja na vtorom: samyj optimalnyj variant.
1
Josik/adkazać/
10.12.2023
Kali jość hrošy, čamu nie budavacca?
0
Žora/adkazać/
11.12.2023
A vy havorycie, dyktatura. Hladzicie, jak ludzi žyvuć.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930