Znajści
Ałharytmičny łacinski varyjant
09.12.2023 / 09:37RusŁacBieł

«Pa načach koški nie śpiać». Maładziečanka stvaraje ŭnikalnyja lalki, jakija kuplajuć u Amierycy i Kuviejcie

U Vilejcy adkryłasia vystava aŭtarskich lalek ručnoj pracy «Ščaście ŭ kišeni» Kaciaryny Kamielčyk. Raboty mastački z Maładziečna možna budzie ŭbačyć da 14 studzienia.

U intervju Kraj.by maładziečanka raspaviała, jak lalkarobstva źjaviłasia ŭ jaje žyćci i čamu ŭ jaje lalek tak šmat prychilnikaŭ pa ŭsim śviecie.

Kaciaryna Kamielčyk — vykładčyk himnazii-kaledža mastactvaŭ u Maładziečnie. Niahledziačy na toje, što na rachunku mastački-piedahoha ŭžo piać piersanalnych vystaŭ, u Vilejcy jana pakazvaje svaje pracy ŭpieršyniu. Cikava, što mienavita tvorčaść kalehi, uradženki Vilejki, natchniła Kaciarynu zaniacca lalkarobstvam.

— Hanna Bałaš — viadomaja ŭ kołach mastakoŭ lalečnica — ciapier pracuje ŭ Minsku, ale naradziłasia ŭ Vilejcy. Kali ja zusim vypadkova ŭbačyła ŭ niejkim čužym domie jaje lalku, mienavita tady ŭ mianie ŭpieršyniu źjaviłasia cikavaść da lalkarobstva, — padzialiłasia Kaciaryna Kamielčyk.

Svaju pieršuju lalku Kaciaryna stvaryła bolš za 10 hadoŭ tamu.

— Pieršyja proby mienavita techniki lepki tvaru, ručak byli, napeŭna, u 2006-2007 hadach. A toje, što možna było ŭžo nazvać lalkaj, źjaviłasia ŭ 2008 hodzie, — uspaminaje jana.

Siońnia lalki maładziečanki zachoŭvajucca ŭ kalekcyjach pa ŭsim śviecie. ZŠA, Kuviejt, Niamieččyna, Polšča, Rasija i, viadoma, Biełaruś — i heta śpis krain, dzie žyvuć prychilniki tvorčaści Kaciaryny Kamielčyk. Darečy, pa słovach mastački, na mižnarodnym rynku ŭnikalnaja ručnaja rabota cenicca na paradak vyšej, a zamiežniki pry kupli aŭtarskaj lalki rastajucca z hrašyma lahčej.

— Čaściej za ŭsio za miažu pracy traplajuć praz znajomych. Jany pytajucca, ci rablu ja pad zakaz lalki, a potym abmiarkoŭvajecca tematyka, albo klijenty pa fatahrafijach zakazvajuć užo kankretnuju lalku. U Biełarusi pradaju lalki tańniej, čym za miažu. Ja razumieju, kali budu stavić tut vialikuju canu, to ŭ mianie mienš šancaŭ jaje pradać, — ščyra kaža Kaciaryna. — Ale dla mianie heta nie sposab zarobku. Heta vykazvańnie maich emacyjnych adčuvańniaŭ, unutranaha śvietu.

Vyrab lalek — heta karpatlivaja praca, jakaja patrabuje nie tolki majsterstva, ale ciarpieńnia, času. Kožnaja lalka indyvidualnaja, u mastački niama nijakich zahadzia narychtavanych šabłonaŭ.

Karkas robicca z drotu, na jaho naroščvajecca abjom i tolki potym z papierkleju stvarajucca ŭsie ćviordyja elemienty — ručki, nožki, tvar. Na stvareńnie lalki ŭ Kaciaryny časam sychodzić ceły miesiac.

— Viadoma, kali b była mahčymaść tvaryć, nie ŭstajučy z kresła, možna było b i za tydni dva ŭpravicca. Ale tak jak davodzicca čakać, pakul niekatoryja płasty vysachnuć, času sychodzić bolš. U cełym — da miesiaca.

Na pytańnie, jak siarod mituśni pracoŭnych budniaŭ i siamiejnaha žyćcia znajści čas na tvorčaść, Kaciaryna z uśmieškaj adkazvaje:

— U asnoŭnym davodzicca tvaryć paśla 10 viečara, kali chatnija ŭkładvajucca. Pa načach koški nie śpiać.

Ubačyć raboty Kaciaryny Kamielčyk možna ŭ Vilejskaj centralnaj rajonnaj biblijatecy imia Hanny Novik da 14 studzienia 2024 hoda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera