Znajści
Ałharytmičny łacinski varyjant
08.12.2023 / 20:101RusŁacBieł

U žurnalista Źmitra Łupača znoŭ praviali pieratrus. Hetym razam u viaskovaj chacie

Pieratrus prajšoŭ u chacie, jakuju žurnalist atrymaŭ u spadčynu, i jakaja znachodzicca ŭ vioscy Zavaraty Hłybockaha rajona. Tam užo šmat hadoŭ nichto nie žyvie, i sam haspadar naviedvaŭsia tudy tolki čas ad času. Z momantu jaho pierajezdu za miažu ŭ lipieni 2021-ha tam uvohule nichto nie byvaŭ. Tym nie mienš, siłaviki pryjechali tudy šukać arhtechniku, piša «Viciebskaja viasna».

Źmicier Łupač

Klučy ad chaty zachoŭvalisia ŭ svajakoŭ Źmitra, a adčynili jaje ŭ prysutnaści paniatych. Kampjutaraŭ ci inšaj arhtechniki tam, viadoma, nie było. Taksama jak i ŭ hłybockaj kvatery žurnalista, dzie pieratrus praviali 6 śniežnia.

U kvateru siłaviki trapili z dapamohaj MNS praz bałkon, ale ciapier jana staić začynienaja i apiačatanaja. Pavodle nadpisaŭ na piačatkach, pieratrus pravodzili supracoŭniki HUBAZiKa.

Źmicier Łupač, jaki vymušana žyvie ŭ Polščy, navat nie viedaje, u miežach jakoj spravy pravodzilisia hetyja pieratrusy. Ale zhadvaje, što apošni čas praz telehram jamu pastupali pahrozy ad nieviadomych asobaŭ. Niechta pad nikam «Michaił Romanov» pisaŭ žurnalistu, kab jon «pierastaŭ zajmacca łuchtoj» i, «pakul jašče nie pierajšoŭ rysu», źviartaŭsia ŭ kamisiju pa viartańni, kajaŭsia i pryjazdžaŭ u Biełaruś.

Čytajcie taksama:

Palitviaźniami pryznali jašče 11 čałaviek

Zatrymali stvaralnikaŭ servisa Piśmo.bieł pa adpraŭcy listoŭ u turmy

Siłaviki apublikavali fota Nasty Łojki ŭ kałonii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Staś/adkazać/
08.12.2023
Romanoff havoryš, dyk moža być što heta pisau jahony ziać, etničny rasijanin, jak zaraz havorać "chorošij russkij". Toj taksama va usim vinavacić samoha cieścia!!!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera