Znajści
Ałharytmičny łacinski varyjant
08.12.2023 / 19:503RusŁacBieł

«HUBAZiK śpiecyjalna nahniataje situacyju, kab napałochać biełarusaŭ». Što ciapier budzie z servisam Piśmo.bieł i danymi tych, chto im karystaŭsia?

Siońnia ŭ adnym z praŭładnych telehram-kanałaŭ źjaviłasia videa ź Iharam Uhlikam i Alaksandram Łykšynym — stvaralnikami servisa Piśmo.bieł, praź jaki ŭsie achvotnyja mahli adpravić listy palitviaźniam. Što ciapier budzie z hetym servisam i danymi ludziej, jakija praź jaho pisali, vyśvietliła «Lusterka».

Pa jakim artykule zatrymali Ihara i Alaksandra, nieviadoma, ale miarkujučy pa videa, im zakidajuć udzieł u pratesnych maršach.

«Ciapier chłopcy znachodziacca ŭ SIZA-1 na Vaładarskaha. Bolš za ŭsio strašna za Ihara, u jaho ciažkaja chvaroba, jon invalid dziacinstva, heta dakumientalna paćvierdžana», — na ŭmovach ananimnaści raskazała «Lusterku» krynica, znajomaja ź situacyjaj.

Pavodle surazmoŭcy, nijakaj pahrozy dla ludziej, jakija karystalisia servisam Piśmo.bieł, z-za mahčymaha atrymańnia siłavikami dostupu da asabistych danych, niama:

«Piśmo.bieł — aficyjna zarehistravanaja arhanizacyja, u jakoj była damova z RUP «Biełpošta». Jak ni kruci, usia infarmacyja pra adpraŭnikaŭ była i ŭ pošty, i ŭ Departamienta vykanańnia pakarańniaŭ, i ŭ siłavikoŭ.

Infarmacyja pra płaciažy na siervierach Piśmo.bieł nie zachoŭvałasia, hetym zajmajucca śpiecyjalnyja apłatnyja sistemy.

Heta nie niejkaja adčuvalnaja infarmacyja, jakuju siłaviki nie mahli atrymać raniej. Mnie zdajecca, što HUBAZiK śpiecyjalna nahniataje situacyju, kab napałochać biełarusaŭ, jakija pisali listy palitviaźniam praz hety servis».

Pry hetym, jak śćviardžaje krynica, tolki 10% adpraŭleńniaŭ, jakija prachodzili praz servis Piśmo.bieł, byli adrasavanyja palityčnym źniavolenym:

«Palityčnyja źniavolenyja — heta nie toj siehmient, na jaki byli nacelenyja stvaralniki servisu, tak zaŭsiody było. Asnoŭnyja atrymalniki — heta šarahovyja źniavolenyja, ich čysta statystyčna bolš u SIZA i kałonijach.

Servis Piśmo.bieł praciahvaje pracu, niahledziačy na zatrymańnie dvuch supracoŭnikaŭ». 

Čytajcie taksama:

Zatrymali stvaralnikaŭ servisa Piśmo.bieł pa adpraŭcy listoŭ u turmy

Palitviaźniami pryznali jašče 11 čałaviek

U Śvietłahorsku zatrymali byłych supracoŭnikaŭ telekanała «Ranak» 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Čarkaškvarka/adkazać/
08.12.2023
HIESTAPiK śpiecyjalna nahniataje situacyju kab spravakavać krovapralićcio. Vykonvajuć daručeńnie pucina.
0
Chorošich russkich nie vidno v tiepłovizor /adkazać/
08.12.2023
Etich upyriej i vyrodkov iz hubaza budut sudiť v prioritietnom poriadkie,kak hiestapovciev v svoje vriemia. U nich niet ni mozhov ni čiesti ni soviesti,eto połu životnyje i nakazanije budiet sootvietstvujuŝim.
1
Oni - otrod́je/adkazać/
08.12.2023
Zapłanirovannoje izdievatielstvo, s storony 3% nasilnikov i sadistov, nad biełarusami. Łukašienko takoje lubit, pooŝriajet, odobriajet i taŝitsia. Och...šijeie i bieznakazannoje otrod́je, prievraŝionnoje v priestupnyje bandy i šturmovyje otriady łukašienko.....
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera