Znajści
Ałharytmičny łacinski varyjant
08.12.2023 / 19:099RusŁacBieł

«Amierykancy hatovyja mianiać pazicyju pa vizach» — Franak Viačorka

Daradca Śviatłany Cichanoŭskaj Franak Viačorka raskazaŭ pra vyniki stratehičnaha dyjałohu pamiž ZŠA i biełaruskimi demakratyčnymi siłami, jaki prachodziŭ 6-7 śniežnia ŭ Vašynhtonie, paviedamlaje pres-słužba Cichanoŭskaj.

Franak Viačorka. Fota Ofisa Śviatłany Cichanoŭskaj

Pavodle słoŭ Viačorki, praviadzieńnie stratehičnaha dyjałohu prypała na nie vielmi spryjalny dla biełaruskaha pytańnia čas, bo akurat ciapier razhareŭsia ŭnutrany kryzis u Kanhresie ZŠA, da taho ž šmat uvahi adciahnuła vajna Izraila i CHAMASa. Tamu mierapryjemstva nie vyklikała ŭ Amierycy toj miedyjnaj uvahi, jakaja ad pačatku čakałasia, kali hety stratehičny dyjałoh pryznačaŭsia. 

U toj ža čas jość i pazityŭnyja momanty:

«Ja baču pazityŭ, što amierykancy hatovyja mianiać pazicyju pa vizach.

Zvyčajna heta dvuchbakova robicca. Łukašenkaŭskaja Biełaruś daje na adzin hod vizy, amierykancy taksama dajuć vizy na adzin hod.

I vielmi cikava, što zdajecca jość hatoŭnaść pałamać hety pryncyp i pačać vydavać bolš doŭhija vizy.

Bo ja nie razumieju, čamu rasiejcam vydajuć na try hady vizy, a biełarusam — na adzin hod. I heta byŭ by taki mahutny sihnał salidarnaści.

Druhoje — heta dać tym biełarusam, jakija ŭ ZŠA, status časovaj abarony.

Heta nie miljony ludziej i nie sotni tysiač. Havorka idzie pra tysiaču čałaviek, jakija nie mohuć viarnucca ŭ Biełaruś. Hety status taksama dapamoh by vyrašyć pytańni ź lehalizacyjaj dla mnohich paśla novaha dekreta [ab pašpartach], a taksama heta pasadziejničała b tamu, kab ŭ jeŭrapiejskich krainach pytańni z pašpartami zamiežnikaŭ vyrašalisia b chutčej».

Taksama Viačorka raskazaŭ, jak ruchajecca sprava z pryznačeńniem amierykanskaha śpiecpasłańnika pa Biełarusi. Pavodle jaho słoŭ, zhoda pa hetym pytańni pamiž Dziarždepartamientam i Kanhresam užo jość, ale kali pra pryniataje rašeńnie abjaviać, pakul nieviadoma:

«My spadziajemsia, da Novaha hoda abo ŭ pačatku nastupnaha hoda budzie i samo pryznačeńnie, i razumieńnie, jak hety śpiecpasłańnik budzie pracavać».

Taksama, jak śćviardžaje Viačorka, nieŭzabavie varta čakać źmieny farmatu pracy amierykanskich misii i arhanizacyj u Vilni i Varšavie. Sprava dapamohi biełarusam ciapier maje być vybudavanaja inakš, bolšaja ŭvaha budzie pryśviečanaja niepasredna biełaruskim arhanizacyjam u vyhnańni i supracoŭnictvu ź imi.

«Na hety momant amierykanskija arhanizacyi, jakija pracujuć ź Biełaruśsiu, jany pracujuć jak filijały, naprykład, kijeŭskaha ofisa abo pracujuć praz Vašynhton.

Ale ciapier buduć pryznačanyja ludzi, jakija pracujuć tolki pa Biełarusi, u ich partfielach buduć tyja temy, jakija paznačanyja na stratehičnym dyjałohu. I heta taksama možna nazvać jaho vynikam», — padkreśliŭ Viačorka.

Čytajcie taksama:

«Čakajem jasnaj kamunikacyi, što Biełaruś nie addaduć jak suciašalny pryz dla Pucina». U Vašynhtonie prachodzić stratehičny dyjałoh demakratyčnych sił Biełarusi z ZŠA 

Premijaj Buša — Tetčer uznaharodzili dvuch biełaruskich palitviaźniaŭ i Cichanoŭskuju

Cichanoŭskaja vystupiła ŭ Jelskim univiersitecie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Bobr/adkazać/
09.12.2023
Odin vizy v SŠA probivajut, druhoj v Zimbabvie... Vy v odnom kłubie putiešiestvieńnikov?
0
Biełarus/adkazać/
09.12.2023
Anatol Starkou, ty sam nie na Zachadzie chiba? bałaboł ty, pravakatar
3
Mitrafan/adkazać/
09.12.2023
Kali pahladzieć kolki bieźviza zrabiŭ łuka (niadaŭna z vjetkonham), to apazycyja jaŭna prajhraje, jak i pa inšym paramietram. Moža čas užo sychodzić? Idzicie pracavać, chopić śpiekulavać ad imia biełarusaŭ
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera