Znajści
Ałharytmičny łacinski varyjant
08.12.2023 / 18:4715RusŁacBieł

Stała viadoma, jak i kali źbirajucca pravodzić vybary ŭ Kaardynacyjnuju radu

Kaardynacyjnaja rada vyznačyłasia sa sposabam praviadzieńnia vybaraŭ u novy skład arhanizacyi. Pra toje, jak heta maje adbyvacca, raskazaŭ kiraŭnik KR Andrej Jahoraŭ u kamientary vydańniu «Lusterka».

Andrej Jahoraŭ

8 śniežnia delehaty Kaardynacyjnaj rady pryniali rašeńnie, što novy skład arhanizacyi buduć abirać sami biełarusy pramym hałasavańniem. Vybary adbuducca ŭ sakaviku 2024 hoda i buduć elektronnymi, a ŭsiaho biełarusam treba budzie vybrać 120 «deputataŭ». Vosiem ź ich — heta siabry asnoŭnaha składu Rady, jakija na hety momant znachodziacca ŭ źniavoleńni. 18 miescaŭ atrymajuć pradstaŭniki arhanizacyj hramadzianskaj supolnaści.

«Ludzi ŭ Biełarusi zmohuć prahałasavać, zarehistravaŭšysia pa numary telefona, ludzi pa-za krainaj — pa dakumiencie, jaki śviedčyć asobu. Treba budzie zarehistravacca ŭ śpiecyjalnaj sistemie dla taho, kab atrymać mahčymaść prahałasavać,

— patłumačyŭ «Lusterku» schiemu Andrej Jahoraŭ. — Hałasavańnie budzie arhanizavana z dapamohaj roznych servisaŭ i dadatkaŭ i budzie čymści nahadvać toje, jak heta było zroblena ŭ płatformie «Hołas» u 2020 hodzie.

My starajemsia raspracavać rašeńnie, jakoje stanie maksimalna biaśpiečnym. Jak i luboje techničnaje rašeńnie, jano patrabuje času i raspracoŭki. Biaśpieka — heta adziny momant, jaki moža spynić nas ad praviadzieńnia vybaraŭ u sakaviku».

Pa słovach Jahorava, vybary ŭ Kaardynacyjnuju radu adbuducca pa praparcyjnaj vybarčaj sistemie. Heta značyć, biełarusy buduć hałasavać nie za asobnych kandydataŭ, a za śpisy pretendentaŭ. Maksimalna možna budzie vybrać try śpisy, minimalnaja kolkaść kandydataŭ u kožnym ź ich składzie 10 čałaviek.

Takija śpisy zmohuć farmiravać palityčnyja partyi, arhanizacyi hramadzianskaj supolnaści i lubyja inšyja abjadnańni hramadzian. Dla hetaha treba budzie padać palityčnuju prahramu na termin nie mienš za dva hady i dekłaracyju kaštoŭnaściaŭ, na asnovie jakich sfarmiravany palityčny subjekt.

Nie mienš za 40% kandydataŭ u kožnym śpisie pavinny składać žančyny. Pry raźmierkavańni miescaŭ u śpisach pieramožcaŭ dvoje ź piaci ludziej, jakija prajšli ŭ Kaardynacyjnuju radu ad kožnaha vybarčaha abjadnańnia, taksama pavinny być žančynami.

Taksama Jahoraŭ adznačyŭ, što pravodzić vybary budzie svaja asobnaja Centralnaja vybarčaja kamisija. Rašeńnie ab miechaniźmie jaje farmiravańnia jašče nie pryniata — heta budzie zroblena ŭ najbližejšy čas, a dziejnyja delehaty KR prymuć śpiecyjalnaje pałažeńnie ab CVK.

Ahitacyjnaja kampanija na vybarach u KS pačniecca ŭ lutym. Heta zroblena dla taho, kab jana prajšła paralelna z aficyjnymi vybarami ŭ Pałatu pradstaŭnikoŭ i miascovyja saviety, jakija projduć u Biełarusi 25 lutaha 2024 hoda.

Paŭnamoctvy dziejnaha składu Kaardynacyjnaj rady minajuć 8 lutaha 2024 hoda. Jahoraŭ zajaviŭ, što bližej da hetaj daty budzie pryniata rašeńnie albo ab praciahu pracy biahučaha sklikańnia, albo ab jaje prypynieńni da farmiravańnia novaha składu KR.

Čytajcie taksama:

Pieratrus adbyŭsia ŭ siabroŭki Kaardynacyjnaj rady Rozy Turarbiekavaj

Padazravanymi pa spravie Kaardynacyjnaj rady prachodziać bolš za 100 čałaviek — SK

Pryjšli da Łatuški, Čałaha. Masavyja pieratrusy ŭ ludziej, źviazanych z Kaardynacyjnaj radaj apazicyi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Aleś/adkazać/
10.12.2023
Kamu vajna, a kamu narmalnaja karmuška na narodnych biedach. U 2020 hodzie nie "nahałasavalisia"? Što jašče treba zrabić ź biełarusami, kab zakončyŭsia hety cyrk jarmošynskich "hałasavańniaŭ" užo ŭ zamiežžy, zamiest narmalnaj apazicyi, jakaja amal usia ŭ turmach?
1
Aleś/adkazać/
10.12.2023
Jarmošynski vybarčy bałahančyk vyjechaŭ za miažu? U 2020 nie "nahałasavalisia"? Taja chłuśnia zabyłasia - "80% nielha sfalsifikavać", "aŭtazak - heta prosta mašyna", " tolki nie Majdan"? Treba novaja?
1
Žora/adkazać/
10.12.2023
I daŭno interniet-apytanki nazyvajuć "vybarami"?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera