Znajści
Ałharytmičny łacinski varyjant
08.12.2023 / 17:11RusŁacBieł

Palitviaźniami pryznali jašče 11 čałaviek

8 śniežnia pravaabaroncy pryznali palitviaźniami jašče 11 čałaviek. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1484 čałavieki.

Imiony i proźviščy novych palitviaźniaŭ — Uładzimir Ramanoŭski, Dźmitryj Pašyn, Natalla Markušenka, Vadzim Husieŭ, Aleh Kiekuch, Jaŭhien Šuluk, Kaciaryna Džyh, Valeryj Tacyn, Alaksandr Śmirnoŭ, Ihar Niemirovič, Alaksandr Kandraćjeŭ.

Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.

Śpis usich palitviaźniaŭ Biełarusi — tut.

Usiaho na dadzieny momant palitviaźniami, pavodle acenak pravaabaroncaŭ, pryznanyja 1484 čałavieki. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.

Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.

Čytajcie taksama:

Zatrymali stvaralnikaŭ servisu Piśmo.bieł pa adpraŭcy listoŭ u turmy

Siłaviki apublikavali fota Nasty Łojki ŭ kałonii

U Śvietłahorsku zatrymali byłych supracoŭnikaŭ telekanała «Ranak» 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera