Znajści
Ałharytmičny łacinski varyjant
08.12.2023 / 11:091RusŁacBieł

«Heta byŭ parok niesumiaščalny z žyćciom». Biełaruskija daktary praviali ŭnikalnuju apieracyju niemaŭlatku

Upieršyniu ŭ krainie novanarodžanamu małomu z pryrodžanym praciahłym krytyčnym stenozam trachiei była vykananaja słajd-płastyka z padklučeńniem EKMA (Ekstrakarparalnaj miembrannaj aksihienacyi).

Fota: Minzdaroŭja

Heta patałohija raźvićcia niesumiaščalnaja z žyćciom. Pa słovach hałoŭnaha pazaštatnaha dziciačaha kardyjachirurha Ministerstva zdaroŭja, dyrektara RNPC dziciačaj chirurhii Kanstancina Drazdoŭskaha, dziaŭčynka z pryrodžanym parokam na 11-ja sutki, jak tolki heta stała mahčyma, była pieraviedziena ŭ RNPC, paviedamlaje Minzdaroŭja ŭ svaim telehram-kanale.

«Pry vykanańni trachieabranchaskapii ŭ dziaŭčynki byŭ dyjahnastavany krytyčny praciahły stenoz trachiei na fonie poŭnych kolcaŭ trachiei. Śpiecyjalisty vystavili dyjahnaz: praciahły krytyčny stenoz trachiei, poŭnyja kolcy trachiei, raskolina miakkaha i ćviordaha padniabieńniaŭ, defiekt mižstraŭnikavaj pieraharodki, pryrodžanaja pnieŭmanija», — raspavioŭ Kanstancin Drazdoŭski.

Uličvajučy praciahłaść stenozu z krytyčnym zvužeńniem praśvietu, niemahčymaść intubacyi trachiei i paŭnavartasnaj vientylacyi lohkich, niesumiaščalnaść dadzienaha paroku z žyćciom, patrabavałasia terminovaja chirurhičnaja karekcyja paroku pa žyćciovych pakazańniach.

17 listapada na 14-y dzień žyćcia pacyjenta daktary-kardyjachirurhi Juryj Lińnik i Andrej Zapalanski vykanali apieracyju, jakaja doŭžyłasia bolš za šeść hadzin.

Paślaapieracyjny pieryjad praciakaje hładka. Zaraz pacyjentka dychaje samastojna, nabiraje masu cieła, rychtujecca da pieravodu na nastupny etap vychodžvańnia ŭ RNPC «Maci i dzicia».

Vaha dziciaci na momant apieracyi była ŭsiaho 1950 h. Pa danych zamiežnaj litaratury, masa cieła pacyjentaŭ, jakim vykonvałasia takoje ŭmiašańnie, składała nie mienš za 2500 h.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
EMIL/adkazać/
08.12.2023
POROK
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031