Znajści
Ałharytmičny łacinski varyjant
08.12.2023 / 09:284RusŁacBieł

Syn prezidenta ZŠA moža sieści ŭ turmu na 17 hadoŭ

Chanteru Bajdenu, synu prezidenta ZŠA Džo Bajdena, vystaŭlenyja abvinavačańni pa dzieviaci punktach, jakija tyčacca ŭchileńnia ad vypłaty padatkaŭ i padačy padroblenaj padatkovaj dekłaracyi, piša Associated Press.

Chanter Bajden i jaho žonka Mielisa Koen. Fota: Stephanie Scarbrough / AP

Novyja abvinavačvańni — try ciažkija złačynstvy i šeść drobnych pravaparušeńniaŭ — źjaŭlajucca dadatkam da fiederalnych abvinavačvańniaŭ u zachoŭvańni ahniastrelnaj zbroi ŭ štacie Dełaver, u jakich śćviardžajecca, što Chanter Bajden parušyŭ zakony, jakija zabaraniajuć spažyŭcam narkotykaŭ mieć zbroju.

Jany źjavilisia paśla taho, jak letam było skasavanaje pahadnieńnie ab pryznańni viny, jakaja pazbaviła b jaho ad turemnaha źniavoleńnia.

Chanter Bajden «patraciŭ miljony dalaraŭ na ekstravahantny ład žyćcia zamiest taho, kab apłačvać svaje padatkovyja rachunki», — havorycca ŭ zajavie śpiecyjalnaha daradcy Devida Vajsa.

Abvinavačvańni źviazanyja prynamsi z 1,4 miljonami dalaraŭ padatkaŭ, jakija Chanter Bajden byŭ vinny z 2016 da 2019 hoda, u pieryjad, kali jon pryznaŭ, što zmahajecca z narkamanijaj. Ale z tych časoŭ padatki byli vypłačanyja.

U vypadku pryznańnia vinavatym 53-hadovamu Chanteru Bajdenu pahražaje da 17 hadoŭ turemnaha źniavoleńnia. Rasśledavańnie śpiecyjalnaha prakurora zastajecca adkrytym, skazaŭ Vajs.

U adkaz advakat abarony Ebi Łoŭeł abvinavaciŭ Vajsa ŭ tym, što jon «paddaŭsia cisku respublikancaŭ» u hetaj spravie.

«Hruntujučysia na faktach i zakonie, kali b proźvišča Chantera było nie Bajden, abvinavačvańni ŭ Dełavery, a ciapier i ŭ Kalifornii, nie byli b vystaŭlenyja», — havorycca ŭ zajavie Łoŭeła.

Bieły dom admoviŭsia kamientavać vystaŭlenaje abvinavačvańnie, adrasavaŭšy pytańni Ministerstvu justycyi abo asabistym pradstaŭnikam Chantera Bajdena.

U abvinavaŭčych dakumientach, padadzienych u Kaliforniju, dzie Chanter žyvie, padrabiazna apisvajucca vydatki na ŭsio: ad narkotykaŭ i stryptyzioršaŭ da raskošnych hatelaŭ i ekzatyčnych aŭtamabilaŭ,

«Karaciej kažučy, na ŭsio, akramia jaho padatkaŭ», — napisaŭ prakuror Lea Uajz.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
8
Chorošich russkich nie vidno v tiepłovizor /adkazać/
08.12.2023
Łučšie b trampom zanialiś,tam na samom diele priestuplenij na 1000 let tiuŕmy.
0
Pojarkov/adkazać/
08.12.2023
Chorošich russkich nie vidno v tiepłovizor , potomu čto vaši tiepłovizory ukradieny zielonoj vłasťju i nie dojechali do sołdat... Tak čto łučšie etim intieriesujtieś, tam priestuplenij na 1.000 let tiuŕmy. Ili vam vmiesto słužby v VSU udobnieje iz Jevropy pisať hnievnyje soobŝienija? Počiemu biežitie ot mobilizacii? Kto za vas budiet rodinu spasať?
0
Žyvie Biełaruś /adkazać/
08.12.2023
Pojarkov, nie vsie biehut. Mnohije jeŝio niepłocho vas utilizirujut. Vot niedavno vidieo było s hruzovikom nabitym dochłymi vaniušami.Spasibo Bajdienu za amierikanskoje oružije!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031