Znajści
Ałharytmičny łacinski varyjant
08.12.2023 / 08:087RusŁacBieł

Univiersitet u ZŠA straciŭ $100 miljonaŭ z-za admovy jaho dyrektara adnaznačna asudzić zakliki da hienacydu habrejaŭ

U aŭtorak prezidenty troch viadučych univiersitetaŭ ZŠA vystupali na słuchańniach u Kanhresie. Ich vystup vyklikaŭ hnieŭ i abureńnie.

Prezident Piensilvanskaha ŭniviersiteta Elizabiet Mehił. Fota: Jabin Botsford / The Washington Post via Getty Images

Sponsar Piensilvanskaha ŭniviersiteta adklikaŭ hrant 100 miljonaŭ dalaraŭ paśla skandalnaha vystupu ŭ Kanhresie prezidenta hetaj prestyžnaj navučalnaj ustanovy, piša Bi-bi-si.

U aŭtorak prezidenty troch amierykanskich navučalnych ustanoŭ — Piensilvanskaha i Harvardskaha ŭniviersitetaŭ, a taksama Masačusieckaha technałahičnaha instytuta vystupali na słuchańniach u Kanhresie.

Ich vystup, videazapis jakoha razyšoŭsia ŭ sacsietkach, vyklikaŭ hnieŭ i abureńnie paśla taho, jak jany ŭchililisia ad pramoha adkazu na pytańnie, ci buduć pakaranyja studenty, jakija zaklikajuć da hienacydu habrejaŭ.

Paśla pačatku vajny ŭ Hazie ŭ amierykanskich univiersiteckich kampusach prajšli demanstracyi pratestu, na jakich časam hučali antysiemickija łozunhi.

«Ci parušajuć zakliki da hienacydu habrejaŭ kodeks pavodzinaŭ [vašaha ŭniviersiteta] abo praviły, jakija tyčacca ździekaŭ i ckavańnia? Tak ci nie?»— pa niekalki razoŭ pytałasia ich kanhresmien ad Ńju-Jorka Eliza Stefanik.

Usie try prezidenty ŭniviersitetaŭ uchililisia ad pramoha asudžeńnia takich dziejańniaŭ i zajavili, što ŭsio «zaležyć ad kantekstu».

Sienatar-demakrat ad Ńju-Jorka Kirsten Hilibrand nazvała ich zajavy «ahidnymi».

Najbujniejšy sponsar Piensilvanskaha ŭniviersiteta, zasnavalnik i hienieralny dyrektar kampanii Stone Ridge Asset Management Ros Styviens pryznaŭsia, što ŭzrušany hetymi adkazami.

U elektronnym liście Styviens piša: «U mianie jość dakładnyja padstavy adklikać akcyi Stone Ridge, jakija znachodziacca ŭ «Pieni», na 100 miljonaŭ dalaraŭ praz pavodziny jahonaha prezidenta (Elizabet) Mehił».

Styviens paviedamiŭ univiersitetu, što jaho «dazvolny padychod «da tych, chto zaklikaje da hvałtu suprać habrejskaha naroda», parušyŭ by lubuju palityku abo praviły, jakija zabaraniajuć pryhniot i dyskryminacyju pa relihijnaj prykmiecie, u tym liku praviły Stone Ridge».

Paźniej Elizabet Mehił apublikavała videa na sajcie ŭniviersiteta, u jakim jana prosić prabačeńnia za svoj adkaz padčas słuchańniaŭ i zajaŭlaje, što zasiarodziłasia na «daŭniaj palitycy ŭniviersiteta, adpaviednaj Kanstytucyi ZŠA, jakaja abviaščaje, što vykazvańni sami pa sabie nie karanyja».

List Rosa Styviensa, adnak, pa sutnaści, zaklikaje da jaje adstaŭki.

Čytajcie taksama:

WSJ śćviardžaje, što Izrail płanuje zatapić tuneli CHAMAS marskoj vadoj. Ci realna heta?

Izrail vykarystoŭvaje štučny intelekt dla ŭdaraŭ pa Hazie

Kaho padtrymlivajuć biełarusy ŭ paleścina-izrailskim kanflikcie? — vyniki apytańnia

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Hipatatamianio/adkazać/
08.12.2023
Otož!
Ahaž, hienacyd - masavaje źniščeńnie naroda nie moža być asudžany, bo heta zaležyć ad kantekstu. To bok, u niekatorych vypadkach moža apraŭdany. Heta, pa sutnaści, toje, što skazali hetyja dyrektarki libieralnych (!) pohladaŭ.

Hulaj dalej, KremleVasia, nie zaśmiečvaj Našu Nivu.
6
um/adkazać/
08.12.2023
Sponsar pavioŭ siabie jak saŭkovy načalnik, bo ŭ saŭku moža być tolki adno pravilnaje mierkavańnie. A voś prezidenty ŭniviersitetaŭ pravilna adkazali, što ŭsio zaležyć ad kanteksta, ad kankretnaha kiejsa, ad kankretnych słoŭ i zaklikaŭ studentaŭ, jakija treba razhladać pa asobku, a nie kalektyŭnaj kamunaj. I taki da, ja suprać padobnych zaklikaŭ, surrać hienacydu, jak i suprać hienacydu lubych inšych narodaŭ. Kožny adekvatny čałaviek budzie suprać hetaha.
0
Tvittier eto koniečno/adkazać/
08.12.2023
Otož!, a čto-nibud́ nie iz X?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera