Znajści
Ałharytmičny łacinski varyjant
07.12.2023 / 22:424RusŁacBieł

«Jašče adzin krok — i jaho žyćcio mahło pajści pad adchon». Prapahandysty źniali na fonie adčynienaj kamiery chłopca, jaki nibyta «pryjšoŭ z pavinnaj»

Padpisant kanała Mayday team źviarnuŭ uvahu na niadaŭni vypusk prapahandysckaj prahramy na telekanale «Biełaruś 4 — Mahiloŭ», u jakoj raskazali historyju 19-hadovaha junaka pa imieni Uładzisłaŭ. Jaho nibyta sprabavali zavierbavać USU, ale chłopiec, maŭlaŭ, svoječasova schamianuŭsia i źviarnuŭsia ŭ «samaje biaśpiečnaje» miesca — da łukašenkaŭskich siłavikoŭ.

Jak śćviardžajecca ŭ siužecie, małady čałaviek nibyta «cikaviŭsia ŭ tyktoku navinami, kamientavaŭ videa, padpisvaŭsia na kanały». A paśla «pryjšło paviedamleńnie, što internacyjanalny lehijon choča mianie zavierbavać».

Kamunikacyi paśla taho jon, pavodle viersii prapahandystaŭ, nie spyniŭ, bo prosta chacieŭ pahladzieć, što budzie dalej. A dalej jamu nibyta prapanavali, što jon «u piešym paradku pavinien pierasiekčy miažu, zdacca ŭ pałon, a tam potym by jaho adpravili na vajnu. Pry hetym skazali sfotkać roznyja miescy».

Dalej usio, pavodle śćviardžeńnia prapahandystaŭ, skončyłasia chepi-endam:

«Uładzisłavu pašancavała — paśpieŭ skoknuć u apošni vahon i źviarnucca ŭ pravaachoŭnyja orhany, u pole zroku jakich znachodziŭsia na toj momant. Jašče adzin krok — i jaho žyćcio mahło pajści pad adchon».

Pry hetym Uładzisłava zdymajuć prosta na fonie adčynienaj kamiery № 2 u budynku Leninskaha RUUS, kudy adpraŭlajuć zatrymanych da taho, jak pavieźci ŭ izalatar časovaha ŭtrymańnia.

Ahulny płan kalidora, jaki na niekalki siekund źjaŭlajecca ŭ siužecie, tolki paćviardžaje, što zdymki z 19-hadovym chłopcam adbyvalisia ŭ budynku siłavikoŭ.

Całkam vierahodna, što jak tolki prapahandysckija zdymki spynilisia, Uładzisłava viarnuli nazad u kamieru i začynili za im dźviery.

Čytajcie taksama:

U ankachvoraha palitviaźnia prahresuje chvaroba, turemnaja chimijaterapija nie dapamahaje 

Štrafam za «ekstremizm» pakarali jašče adnaho miorskaha miedyka

HUBAZiK zatrymaŭ kiraŭnika zaharadnaha kłuba «Fiestyvalny»

«Heta byŭ sapraŭdny treš. Jany ŭryvalisia ŭ pakoi, patrabavali ŭ nas telefony, pierakulvali ŭsio ŭvierch dnom»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Spam ad hubazika/adkazać/
08.12.2023
Vy pieramahli! Kab atrymać pryz u stopicot zajcoŭ treba siońnia ž pieššu vypravicca praź miažu, papiarednie sfatahrafavaŭ dupu Aźviaronka i čeles Hajdukieviča. Tam vas sustrenuć i raźličacca zołatam. Baču, što zhodny, tamu nie hublajcie času, raspranajcieś i pracujcie.
0
hierdzień /adkazać/
08.12.2023
Ale situacyja vyhladała inakš: chłopiec dzieści krychu akazaŭsia nieaściarožny, ničoha surjoznaha , što pasłužyła jaho zatrymańni. u vyniku pad pahrozami sieści na miljon hadoŭ jon pajšoŭ na supracoŭnictva (na 19 hadovaha možna nacisnuć, heta nie stały darosły čałaviek), i ŭ vyniku hetyja ***ki, paabiacaŭšy, što na sudzie skažuć za jaho słova i vypuściać dadomu na ŭmoŭnyja, abo na chatniuju chimiju, napisali siužet, što i jak jon pavinien skazać. sucelnaja chłuśnia
6
hoblen/adkazać/
08.12.2023
Uprazdniť erbiešku! Za nienadobnosťju!!Prizyvaju!!!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera