Znajści
Ałharytmičny łacinski varyjant
06.12.2023 / 16:461RusŁacBieł

Zamiežnika asudzili da troch hadoŭ kałonii za sarvanyja dziaržaŭnyja ściahi i padpalenuju śmietnicu

Stała viadoma, što 8 vieraśnia 2023 hoda ŭ sudzie Pieršamajskaha rajona Minska da troch hadoŭ pazbaŭleńnia voli ŭ kałonii ahulnaha režymu asudzili 25-hadovaha zamiežnaha hramadzianina Alaksandra Śmirnova. Jaho pryznali vinavatym pavodle č. 2 art. 339 (chulihanstva) i art. 370 (ździek ź dziaržaŭnych simvałaŭ) Kryminalnaha kodeksa, paviedamlaje «Viasna».

Prysud ahučyŭ sudździa Maksim Trusievič. Viadoma, što 14 listapada 2023 hodu ŭ Minskim haradskim sudzie adbyłasia apielacyja pa spravie. Imavierna, prysud nabyŭ moc. 

Zhodna ź viersijaj abvinavačańnia, Alaksandr znachodziŭsia ŭ niećviarozym stanie, kali nočču 19 červienia 2023 hodu «prademanstravaŭ svajo abraźlivaje i bluźnierskaje staŭleńnie da dziaržaŭnaha ściaha Respubliki Biełaruś».

Jon nibyta spačatku sarvaŭ ściah, zamacavany na ścianie adnoj z kram: schapiŭsia za jaho rukami, sarvaŭ ź mietaličnym kranštejnam, złamaŭ dreŭka i kinuŭ ściah na ziamlu. Paśla — źniaŭ jašče adzin ściah z doma ŭ Minsku pablizu stancyi mietro, paśla čaho pieradaŭ jaho supracoŭniku mietrapalitena. Paśla hetaha jon nibyta źniaŭ ściah z fasada budynka adździaleńnia RUP «Biełpošta» i pakinuŭ jaho kala ŭvachodu. Pry kancy dziejańniaŭ mužčyna nibyta sarvaŭ pałotnišča jašče adnaho ściaha, jakoje kinuŭ na prypynku hramadskaha transpartu i padpaliŭ jaho. U hetuju ž noč Alaksandr taksama nibyta padpaliŭ płastykavy kantejnier dla adkidaŭ.

Padčas suda Śmirnoŭ viny nie pryznaŭ. Ale pavodle art. 339 Kryminalnaha kodeksa jaho asudzili da dvuch hadoŭ pazbaŭleńnia voli, pavodle art. 370 Kryminalnaha kodeksa — da 1,5 hadoŭ pazbaŭleńnia voli. Kančatkovaje pakarańnie ŭ vyhladzie troch hadoŭ pazbaŭleńnia voli ŭ kałonii ahulnaha režymu vynieśli šlacham častkovaha składańnia pryznačanych pakarańniaŭ. Akramia hetaha, Śmirnoŭ musić vypłacić pracesualnyja vydatki na karyść dziaržavy ŭ pamiery 938,97 rubloŭ.

Viadoma, što Alaksandr maje sudzimaść: u krasaviku 2023 hoda jaho asudzili pavodle č. 1 art. 205 (kradziež), č. 1 art. 339 (chulihanstva) da troch miesiacaŭ aryštu. Jon byŭ vyzvaleny paśla taho, jak adbyŭ pakarańnie.

Čytajcie taksama:

Bieraściejca, jaki całkam adbyŭ termin pa «karahodnaj spravie», zatrymali pa novaj kryminałcy

Bieraściejec źviarnuŭsia ŭ kamisiju pa viartańni i pryjechaŭ u Biełaruś. Prysud — kałonija

«Brali navat miedykaŭ viedamasnaj palikliniki». Što viadoma pra masavyja zatrymańni ŭ Połacku i Navapołacku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
No /adkazać/
06.12.2023
Padčas suda Śmirnoŭ viny nie pryznaŭ
---
Małajčyna. Zachavaŭ honar i sumleńnie pierad hetymi istotami i ludažerami.

Natykali na kožnym budynku hetych łukašyckich anuč. Vielmi mocna razdražniaje. U mianie stałaje žadańnie ŭsich ich złupić i spalić!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1234
567891011
12131415161718
19202122232425
26272829