Znajści
Ałharytmičny łacinski varyjant
06.12.2023 / 13:101RusŁacBieł

Vikipiedyja nazvała staronki, jakija najbolš prahladalisia ŭ 2023 hodzie

Apublikavany Vikipiedyjaj top-25 samych papularnych staronak u 2023 hodzie adlustroŭvaje suśvietnuju cikavaść da inavacyj u halinie štučnaha intelektu. Ale jość i niečakanaści.

Pavodle danych, jakimi padzialiłasia z CNN niekamiercyjnaja arhanizacyja Wikimedia Foundation, sioleta Vikipiedyja atrymała bolš za 84 miljardy prahladaŭ staronak.

Samaj prahladanaj (bolš za 49,4 miljona prahladaŭ) u hetym hodzie stała staronka pra virtualny čat-bot OpenAI ChatGPT. Što i nie dziŭna, uličvajučy rezki rost jaho papularnaści. U lutym ChatGPT ustalavaŭ rekord pa samym chutkim roście bazy karystalnikaŭ, sabraŭšy ŭ studzieni 100 miljonaŭ aktyŭnych karystalnikaŭ.

U piaciorku lidaraŭ taksama ŭvajšli staronki ź bijahrafijami ludziej, jakija pamierli ŭ 2023 hodzie, pra čempijanat śvietu pa krykiecie 2023 hoda, Indyjskuju premjer-lihu (jakaja zjaŭlajecca lihaj krykietu) i film «Apienhiejmier».

Jak adznačajuć analityki, vialiki ŭpłyŭ na śpis akazała aŭdytoryja Indyi i Paŭdniova-Uschodniaj Azii. U vyniku značnaja jaho častka maje dačynieńnie da hetaha rehijona i samoj Indyi.

Pa słovach dyrektarki pa suviaziach z hramadskaściu Fondu Vikimiedyja Anušy Alichan, ciapier u Indyi kala 4700 aktyŭnych redaktaraŭ-dobraachvotnikaŭ anhłamoŭnaj Vikipiedyi. Pa hetym pakazčyku kraina sastupaje tolki ZŠA i Vialikabrytanii. U toj ža čas Kitaj, jaki pakul zastajecca lidaram pa kolkaści nasielnictva, zabaraniaje Vikipiedyju.

Papularnaść krykieta ŭ Indyi spryjała tamu, što treciaje, čaćviortaje, šostaje i dziaviataje miesca ŭ śpisie zaniali staronki, źviazanyja z hetym vidam sportu. Ź ich dźvie staronki ź infarmacyjaj pra Indyjskuju premjer-lihu (32 miljony prahladaŭ) i staronka siezona 2023 hoda (bolš za 20 miljonaŭ prahladaŭ).

Momant hulni zbornych Indyi i Aŭstralii ŭ finale čempijanatu śvietu pa krykiecie. 19 listapada 2023 hoda. Fota: Gareth Copley/Getty Images

Pa słovach Alichan, heta pieršy vypadak, kali artykuły, źviazanyja z krykietam, zjavilisia ŭ top-25 Vikipiedyi, jaki fond publikuje kožny hod, pačynajučy z 2015-ha.

Akramia hetaha, u śpis samych prahladanych staronak uvajšli dva filmy indyjskaha Balivudu — «Džavan» (Jawan, 8 miesca) i «Pataan» (Pathaan, 10 miesca) apiaredziŭšy samyja kasavyja amierykanskija filmy «Barbi» (13 miesca) i «Avatar: Šlach vady» (20 miesca).

Niahledziačy na toje, što ŭ prakacie film «Barbi» sabraŭ bolš za «Apienhiejmiera», staronka ź infarmacyjaj pra jaho nabrała 28,3 miljona prahladaŭ, zaniaŭšy piataje miesca. 

Akramia hetaha ŭ top-25 uvajšli staronki pra upłyvovych ludziej u śfiery sportu, zabaŭ i biznesu. Siarod ich takija viadučyja ńjuśmiejkiery, jak Tejłar Śvift, Iłan Mask i Lijaniel Miesi.

Staronka ź infarmacyjaj pra vajnu va Ukrainie zaniała 24 miesca z 12,8 miljona prahladaŭ. A apošniaje miesca topa-25 — staronka pra Endru Tejta — upłyvovaha anłajn-błohiera, jaki prasłaviŭsia svaimi žančynanienaviśnickimi kamientarami i zabaronaj u bolšaści sacyjalnych sietak.

TOP-25 samych prahladanych staronak Vikipiedyi:

1. ChatGPT — 49,4 młn

2. Śpis pamierłych u 2023 hodzie — 42,6 młn

3. Čempijanat śvietu pa krykiecie 2023 — 38,1 młn

4. Indyjskaja premjer-liha — 32 młn

5. «Apienhiejmier» (film) — 28,3 młn

6. Čempijanat śvietu pa krykiecie — 25,9 młn

7. Robiert Apienhiejmier — 25,6 młn

8. «Džavan» (Jawan) (film) — 21,7 młn

9. Indyjskaja premjer-liha 2023 — 20,6 młn

10. «Pataan» (Pathaan) (film) — 19,9 młn

11. «Apošnija z nas» (telesieryjał) — 19,7 młn

12. Tejłar Śvift — 19,4 młn

13. «Barbi» (film) — 18 młn

14. Kryštyjanu Ranaldu — 17,4 młn

15. Lejaniel Miesi — 16,62 młn

16. Premjer-liha — 16,6 młn

17. Mećju Pery — 16,4 młn

18. Złučanyja Štaty — 16,2 młn

19. Iłan Mask — 14,3 młn

20. «Avatar: Šlach vady» — 14,3 młn

21. Indyja — 13,8 młn

22. Liza Mary Preśli — 13,7 młn

23. Vartavyja Hałaktyki. Častka 3 — 13,3 młn

24. Uvarvańnie Rasii va Ukrainu — 12,79 młn

25. Endru Tejt — 12,72 młn

Čytajcie jašče:

Samyja papularnyja aŭto z ZŠA, jakija lubiać biełarusy

Samy papularny biełaruskamoŭny hurt u śviecie — chto hetyja chłopcy? 

Jakija knihi słuchajuć biełarusy? Samaje papularnaje z Audiobooks.by

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kazik/adkazać/
06.12.2023
Minimum 6 staronak sa śpisu ja adčyniaŭ za hety hod)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera