Znajści
Ałharytmičny łacinski varyjant
06.12.2023 / 11:0811RusŁacBieł

Bieraściejec źviarnuŭsia ŭ kamisiju pa viartańni i pryjechaŭ u Biełaruś. Prysud — kałonija

U sudzie Maskoŭskaha rajona Bresta da adnaho hoda kałonii za abrazu Łukašenki asudzili 30-hadovaha Ihara Niemiroviča. Spravu za fota z «abraźlivym nadpisam» u instahramie razhladali prosta ŭ bieraściejskim SIZA, piša «Viasna». Viadoma, što bieraściejec viarnuŭsia ŭ Biełaruś praz zvarot u kamisiju pa viartańni, ale heta nie vyratavała jaho ad pieraśledu. 

Pieršy raz Ihara Niemiroviča zatrymali na pačatku maja 2022 hoda i adrazu źmiaścili pad chatni aryšt, ale jon źbieh i źjechaŭ.

Vosieńniu hetaha hoda jon źviarnuŭsia ŭ kamisiju pa razhladzie zvarotaŭ biełarusaŭ, jakija znachodziacca za miažoj, i viarnuŭsia dadomu, ale hety fakt nie pryznali «biezumoŭnaj padstavaj dla vysnovy ab jaho raskajańni».

27 vieraśnia 2023 hoda jaho znoŭku zatrymali i źmiaścili pad vartu.

Zhodna ź viersijaj abvinavačvańnia, 10 žniŭnia 2020 hoda Ihar Niemirovič raźmiaściŭ u instahramie fota z tekstam, jaki «ŭ nieprystojnaj formie prynižaje honar i hodnaść Alaksandra Łukašenki».

Na pracesie Ihar vinu pryznaŭ całkam i raspavioŭ, što z maja da žniŭnia 2020 hoda jon nie žyŭ u Biełarusi. Pra padziei, jakija adbyvalisia na radzimie, bieraściejec daviedvaŭsia sa srodkaŭ masavaj infarmacyi.

«Paddaŭšysia niehatyŭnym emocyjam», jon raźmiaściŭ u sacyjalnaj sietcy Instagram fotavyjavu «abraźlivaha charaktaru» ŭ dačynieńni da Alaksandra Łukašenki. Raniej, pry dopycie jaho ŭ jakaści abvinavačanaha, jon admaŭlaŭ svajo dačynieńnie da hetaha, «pakolki bajaŭsia mahčymaha nadychodu kryminalnaj adkaznaści». Ale, pavodle Niemiroviča, pa skančeńni peŭnaha času jon «usio pieraasensavaŭ».

Z materyjałaŭ spravy stała viadoma, što vyjavu z Łukašenkam milicyjanty znajšli na staroncy Niemiroviča 28 sakavika 2022 hoda, bo taja storyz ad 10 žniŭnia 2020 hoda była zamacavana ŭ «aktualnych». 

Sudździa Maryja Alifieruk pryznačyła Iharu Niemiroviču adzin hod kałonii va ŭmovach ahulnaha režymu.

Čytajcie taksama:

U paniadziełak — sud nad dziaŭčynaj, što viarnułasia z Polščy. Jaje vinavaciać pa vaśmi artykułach KK

Hienprakuratura raspaviała pra čarhovaje pasiadžeńnie «kamisii pa viartańni»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
hoblen/adkazać/
06.12.2023
idyiot ©
0
Bobricha/adkazać/
06.12.2023
Bobr , "ili domoj, no s otsidkoj" vot potom łukašisty nie hovoritie, čto RB eto nie tiuŕma, u vas, u łukašistov, žiźniennyje poniatija isklučitielno po tiuriemnomu ustavu: "otsidieł", "usłovka" i t.d. ubohije...čto s vas vziať
0
SM/adkazać/
06.12.2023
Bobr , evolucija ciennostiej v Biełarusi: 1990-yje: "pustyje priłavki, zato diemokratija"; 2000-yje: "niet diemokratii, zato možno zarabatyvať"; 2010-yje: "krizis za krizisom, zato niet vojny"; 2020-yje: "hod otsidki, zato nie piať"...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031