Znajści
Ałharytmičny łacinski varyjant
06.12.2023 / 10:20RusŁacBieł

Heta nie bałon. Što stała pryčynaj vybuchu ŭ domie ŭ ahraharadku Zacharničy, dahetul nieviadoma

MNS 5 śniežnia pozna ŭviečary paviedamiła pra vybuch u ahraharadku Zacharničy Połackaha rajona. Vyratavalniki mierkavali, što heta vybuchnuŭ bałon. Ale śpiecyjalisty «Połackhaza» abvierhli heta.

Pavodle «Połackhaza», cełasnaść bałona zvadkavanaha hazu i dvuchkanforačnaj plity nie parušana. Krany na plicie i vientyl hazavaha bałona začynienyja.

Rasśledavańnie praciahvajecca. Što stała pryčynaj vybuchu, pakul nieviadoma.

Učora kala 19:30 u adnoj z kvater dvuchpaviarchovaha doma ŭ ahraharadku Zacharničy adbyŭsia vybuch.

Žychary vaśmikvaternaha doma — 13 čałaviek — byli evakujavanyja. Troje dastaŭleny ŭ Połackuju centralnuju haradskuju balnicu: dvoje darosłych i dzicia.

13-hadovy padletak špitalizavany z hipierhlikiemijaj (stan, kali ŭ kryvi chvoraha na cukrovy dyjabiet pavyšajecca ŭzrovień hlukozy). Žančyna 1940 hoda naradžeńnia i mužčyna 1976 hoda naradžeńnia dastaŭleny ŭ balnicu z traŭmami. U piensijanierki stan siaredniaj stupieni ciažkaści, u mužčyny — ciažki.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera