Znajści
Ałharytmičny łacinski varyjant
06.12.2023 / 08:42RusŁacBieł

Siońnia ŭ katalikoŭ i častki pravasłaŭnych — śviaty Mikałaj. Čas rabić padarunki dzieciam

6 śniežnia kataliki abodvuch abradaŭ, a taksama pravasłaŭnyja, jakija žyvuć pa novajulijanskim kalendary, ušanoŭvajuć pamiać śviatoha Mikałaja, biskupa Mirlikijskaha. Heta adzin z najbolš šanavanych chryścijanskich śviatych, ikona jakoha jość praktyčna ŭ kožnaj carkvie i była raniej u mnohich siemjach.

Pra žyćcio śviatoha Mikałaja viadoma niašmat.

Jon doŭhija hady byŭ biskupam u Mirach, pravincyja Likija (siońnia heta terytoryja Turcyi). Braŭ udzieł u Pieršym Suśvietnym Sabory (325 h.) u Nikiei. Pamior kala 345 hoda. Usio svajo žyćcio pryśviaciŭ spravie miłasernaści dla dušy i cieła.

Tajamnica jahonaha vialikaha kultu siarod chryścijan u tym, što jon dla ŭsich staŭ simvałam achviarnaj lubvi da bližniaha i spačuvalnaj miłasernaści.

Ličycca, što paśla śmierci Boh prasłaviŭ jaho vyklučnym daram ździajśnieńnia cudaŭ, i tamu hetaha śviatoha vieličajuć Cudatvorcam.

Dzieciam u hety dzień robiać padarunki.

U pravasłaŭnych cerkvach Zachodniaj Jeŭropy (Bałharyja, Hrecyja, Rumynija, Kryt, Kanstancinopalski patryjarchat dy inš.) śviaty Mikałaj taksama adznačajecca 6 śniežnia. Na novajulijanski kalandar pierajšła Pravasłaŭnaja carkva Ukrainy pad kiraŭnictvam mitrapalita Jepifanija, a taksama biełaruski pravasłaŭny prychod u Vilni.

U pravasłaŭnych, što trymajucca julijanskaha kalendara (Rasija, Biełaruś, častka Ukrainy, Sierbija i Hruzija) śviaty Mikałaj budzie adznačacca 19 śniežnia.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera