Znajści
Ałharytmičny łacinski varyjant
05.12.2023 / 23:4927RusŁacBieł

Cieła zabitaj pad Kijevam dziaŭčynki, jakuju amal dva hady šukali va Ukrainie, znachodziłasia ŭ Mazyry

Dziaŭčynku, jakuju amal dva hady šukała ŭsia Ukraina, znajšli miortvaj. 15-hadovaja Aryna Jaciuk była paranienaja rasijskimi sałdatami jašče 3 sakavika 2022 hoda na Žytomirskaj trasie, kali jaje siamja sprabavała vyrvacca z akupacyi. Akazvajecca, cieła Aryny Jaciuk uvieś čas znachodziłasia ŭ Biełarusi, piša Oboz.ua.

Baćki dziaŭčynki zahinuli na miescy, kali sprabavali vyjechać u biaśpiečniejšaje miesca. A paranienuju Arynu rasijanie zabrali nibyta dla lačeńnia. Z tych časoŭ pra jaje ničoha nie było viadoma.

Biełaruś chavała śmierć ukrainskaj dziaŭčynki?

U kastryčniku rodnyja 15-hadovaj Aryny Jaciuk narešcie zmahli pachavać jaje va Umani Čarkaskaj vobłaści, pobač z zabitymi rasijskimi sałdatami mamaj i tatam.

Usie hetyja amal dva hady dziadula i babula, dziadźka i ciotka vielmi spadziavalisia, što Aryna žyvaja. Jany adhukalisia na najmienšuju infarmacyju pra nieviadomaje dzicia, što było vyvieziena ŭ Biełaruś. 

Ale nadziei byli marnyja. Usie hetyja doŭhija miesiacy cieła Aryny znachodziłasia ŭ morhu horada Mazyr u Biełarusi.

Aryna Jaciuk

Svajaki pisali šmat zapytaŭ u Biełaruś, pakolki była infarmacyja, što mienavita tudy pavieźli paranienuju dziaŭčynku. Ale kožny raz im prychodziŭ adkaz, što Aryny Jaciuk na terytoryi Biełarusi niama ni siarod žyvych, ni siarod miortvych.

Da taho času, pakul cieła dziaŭčynki nie pieradali va Ukrainu pa abmienie. Jaje apaznali ŭžo pa DNK.

Mama kryčała, što ŭ mašynie dzieci

Trahiedyja adbyłasia 3 sakavika 2022 hoda. Siamja Jaciukoŭ — mama Hanna, tata Dzianis, 9-hadovaja Valeryja i 15-hadovaja Aryna — u pieršyja dni ŭvarvańnia rasijan va Ukrainu vyjechała z Kijeva na lecišča ŭ viosku Sieviarynaŭka Kijeŭskaj vobłaści.

Akupantaŭ tam jašče nie było, čuvać była stralanina ŭ susiedniaj vioscy Matyžyn, nad hałavoj niešta pralatała. Siamja chacieła pierasiedzieć na leciščy, pakul usio nie supakoicca. Ale ŭžo 2 sakavika ź imi źnikła suviaź.

Siamja vyjechała ź Sieviarynaŭki na trasu. Małodšuju Valeryju znajšli paźniej u vioscy Kapyłoŭ

Jak raskazała potym vałancioram małodšaja dačka Valeryja Jaciuk, jakaja vyžyła, užo 3 sakavika baćki navažylisia vybiracca ź Sieviarynaŭki va Umań da babuli i dziaduli. Jany sieli ŭ dźvie mašyny. Valeryja jechała z mamaj, a Aryna — z tatam. Jašče ź imi byli chrosnyja, a taksama katy i sabaki.

Kali aŭtamabili vyjechali na Žytomirskuju trasu, pa ich adkryli ahoń rasijskija vajskoŭcy. Mama dziaŭčynak kryčała im, kab jany nie stralali, bo ŭ mašynie dzieci. Adnak heta nie spyniła rasijskich sałdat.

Valeryja sprabavała vyklikać chutkuju dapamohu z maminaha telefona, ciažka paranienaja Hanna jašče zdoleła ŭvieści svoj kod u telefon. Ale datelefanavacca nie atrymałasia. Dziaŭčynka niekalki hadzin błukała ŭ akruzie, stukałasia ŭ damy, ale joj nichto tak i nie adčyniŭ.

Siamja Jaciukoŭ, zastałasia žyć tolki małodšaja Valeryja

Pa trasie prajazdžali rasijskija tanki, jana chavałasia. A potym jana znajšła mašynu baćki. Dzianis byŭ užo miortvy, pobač siadzieła Aryna, jana była paranienaja ŭ ściahno. Pa słovach Valeryi, na nazie ŭ siastry byŭ vialiki i strašny puchir.

Arynu pavieźli «lačyć» u Biełaruś

Nieŭzabavie da mašyny padjechali rasijskija vajskoŭcy na tankach. Jany pasadzili siaścior u roznyja mašyny. Valeryju jany davieźli da vioski Kapyłoŭ i addali nieznajomym miascovym žycharam. A pra Arynu skazali, što paviazuć lačyć u Biełaruś. Paśla hetaha Aryna źnikła.

6 krasavika 2022 hoda, paśla vyzvaleńnia Kijeŭskaj vobłaści, baćkoŭ dziaŭčynak pachavali ŭ Umani. A Arynu praciahvali šukać. Rodnyja davali abjavy ŭ sacsietkach. 

Rodny brat Dzianisa Uładzimir z žonkaj Aksanaj padavali zapyty ŭ MZS Biełarusi. Adtul pryjšoŭ adkaz, što takoj dziaŭčynki ŭ Biełarusi niama.

Arynu šukali amal dva hady

Svajaki źviazvalisia z ukrainskim pasolstvam u Biełarusi, z Čyrvonym Kryžam. Ale nijakaj infarmacyi pra Arynu nie znachodziłasia.

Uvieś hety čas cieła dziaŭčynki lažała ŭ Mazyry

«Uvieś hety čas cieła ŭnučki lažała ŭ Mazyry. Tam byli danyja, jak jaje zavuć. Ale nam nichto ničoha nie kazaŭ, usio chavali. Napeŭna, jana pamierła ŭ toj ža dzień, 3 sakavika. Kali b joj adrazu akazali dapamohu, pieraviazali nahu, moža, jana zastałasia b žyvaja. Jaje cieła pieradali pa abmienie, jaje apaznali pa DNK. Usio, bolš jaje niama», — raskazvaje dziadula Valancin Ivanavič.

Baćki Aryny, jakija zahinuli ŭ mašynach

Zahinułaja Aryna z małodšaj siastroj Valeryjaj

Arynu pachavali ŭ Umani pobač z mamaj i tatam. Zastałasia tolki małodšaja siastra Valeryja, jakoj cudam udałosia acaleć pad kulami rasijan. Ciapier jana znachodzicca ŭ Polščy razam sa svaim dziadźkam Uładzimiram (bratam zahinułaha Dzianisa) i jaho žonkaj Aksanaj.

Tam dziaŭčynka ŭžo pajšła ŭ škołu, joj vielmi padabajecca Polšča.

Čytajcie taksama:

«Ja vyrvaŭsia ź piekła». Ukrainski vajskoviec raspavioŭ Bi-bi-si pra bai za płacdarm na levym bierazie Dniapra

«Ja nie žalusia, ja chaču zachavać nahu, pakul heta mahčyma». Biełaruski dobraachvotnik užo čatyry miesiacy ŭ balnicy 

Ź jakoha rajona, čušpan? Što za sieryjał «Słova pacana», jaki rvie rejtynhi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Biełarus/adkazać/
07.12.2023
Eto tožie Biełaruś, Usio tak. Havorka i nie išła ab pazbaŭleńni kahośćji subjektnaści ci prava na hodnyja učynki. Havorka išła ab naźvie rečaŭ svajemi imionami i paśladoŭnaści ŭ pohladach. Hodnyja ŭčynki na karyść Biełarusi - prabiełaruskija učynki (u niezaležnaści ad pašpartu). A ŭčynki na karyść režymu - łukašysckija i antybiełaruskija (taksama ŭ niezaležnaści adpašpartu). Bo chunta - akupant dla našaj Krainy. Ale błytanina i nadzialeńnie chunty "biełaruskaściu" dy "aficyjnaściu" - heta pobytavaja zhoda ź jejnaj lehitymnaściu nadalej pradstaŭlać našuju Krainu (što, darečy, naŭprost supiarečyć pratestam). I staŭleńnie "vsio nie tak odnoznačno" da Biełarusi z boku astatniaha śvietu - całkam "zasłuha" u pieršuju čarhu našaj miedyjaprastory. I adpaviednaja adkaznaść. Voś ab čym reč.
0
Nie maja Biełaruś/adkazać/
07.12.2023
Boža, zrabi z imi toje ž samaje...
0
12345/adkazać/
08.12.2023
Poka tieło ležało v morhie, biełoriusskije miediki, śledovali klatvie Hippokrata, łječili rośsijskich karatielej.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031