Znajści
Ałharytmičny łacinski varyjant
06.12.2023 / 10:2113RusŁacBieł

Jaki ciapier rejtynh u Łukašenki

Sacyjołah Hienadź Koršunaŭ u novym vypusku «Tok» dzielicca nazirańniami, kolki biełarusaŭ padtrymlivajuć Łukašenku i jaho palityku.

Alaksandr Łukašenka na samicie pa klimacie Dubaj 1 śniežnia 2023 hoda. Fota: AP Photo / Rafiq Maqbool

Sacyjołah zaŭvažaje, što ličby rejtynhu davoli ruchomyja i zaležać ad kantekstu. Na ich treba hladzieć u dynamicy. Kali prafiesijanały analizujuć elektaralnyja pracesy niepasredna pierad kampanijaj, zadajecca šerah pytańniaŭ. Siarod ich pra viadomaść peŭnaha palityka, davier da jaho, vierahodnaść addać svoj hołas za jaho. Akramia hetaha respandentam prapanoŭvajecca vybrać pamiž parami palitykaŭ. Dalej vybudoŭvajecca intehralny pakazčyk pierśpiektyŭnaści ci mahčymaści čałavieka vyjhrać na vybarach.

Situacyju, jakaja ciapier skłałasia ŭ Biełarusi, Koršunaŭ charaktaryzuje jak vielmi śpiecyfičnuju. Na pohlad sacyjołaha, u Łukašenki jość jadro prychilnikaŭ. Heta pierš za ŭsio (ale nie ŭsie) dziaržsłužačyja, siłaviki, dobraja častka biudžetnikaŭ. Kali havaryć pra pamiery padtrymki, to tyja, chto budzie hałasavać za Łukašenku pry lubych umovach, pa słovach Koršunava, składajuć nie bolš za 20-25%. Heta tyja ludzi, jakija buduć apraŭdvać Łukašenku ŭ lubym vypadku.

Akramia hetaha jość ludzi, jakija buduć padtrymlivać nie stolki asobu, kolki palityku Łukašenki. «Dla ich vielmi važnaja sacyjalnaja dziaržava. Heta jaho apielacyja da taho, što dziaržava ŭsich abaraniaje, daje darmovuju školnuju adukacyju, sistemu achovy zdaroŭja i hetak dalej. Takich ludziej taksama nie vielmi šmat. Ja b kazaŭ, što padtrymka voś takich asobaŭ na ŭzroŭni 30-35%», — dzielicca svaim mierkavańniem sacyjołah.

Hienadź Koršunaŭ ličyć, što Łukašenka vyniščaje nie tolki sapiernikaŭ, ale i tych, chto patencyjna takim moža stać. Skryn videa: TOK_talk / YouTube

«Astatnija, chto budzie vykazvacca (kali zaraz zapytać), heta situatyŭnyja. Heta tyja, chto zadavoleny tym, što Biełaruś nie ŭdzielničaje svaimi vojskami ŭ vajnie z Rasijaj. Heta tyja, chto kaža: «Ekanomika nie ruchnuła. Niešta ž robicca». I ŭ peŭnym sensie voś hety adsotak budzie vielmi vałacilnym, bo vielmi šmat budzie zaležyć ad alternatyvy.

Łukašenka metanakiravana vyniščaŭ, vyniščaje i budzie vyniščać nie tolki supiernikaŭ, ale i tych, chto patencyjna hetym supiernikam moža stać. Kab u ludziej u hałovach nie było varyjanta paraŭnoŭvać. Bo, jak ja razumieju, bolšaja častka hałasuje za Łukašenku, bo «za kaho jašče?» Pa fakcie, heta štučna źmienšanaja, vyniščanaja mahčymaść vybaru. Jaje niama.

2020 hod pakazaŭ, kali źjaviłasia mahčymaść vybaru, my atrymali aprakidvajučyja vybary».

Viadomaja mantra «aby nie było vajny», na pohlad Koršunava, akazvaje ŭpłyŭ u dva baki. «Z adnaho boku Łukašenka nie ŭvioŭ biełaruskija vojski va Ukrainu. Tut my vynosim za dužki toje, što Biełaruś faktyčna ŭdzielničaje ŭ vajnie. Hety momant treba budzie jašče davieści šyrokaj aŭdytoryi ŭ Biełarusi. Rakiety bolš za hod nie laciać z terytoryi Biełarusi, ale siudy pryjšoŭ «Vahnier», jadziernaja zbroja.

I heta pytańnie vielmi nieadnaznačnaje dla biełaruskaha hramadstva. I my bačym, što prychilniki Łukašenki nie vielmi dobra staviacca da hetych momantaŭ. Plus da ŭsiaho, treba razumieć, što ŭ 2022 hodzie, kali ŭsio adbyłosia i ŭsie skazali «Jak takoje moža być?», hramadskija nastroi abrynulisia. Usie čakali apakalipsisu — ekanamičnaha, vajskovaha, taho, što budzie prosta jadziernaja zima.

I heta zaraz adbivajecca na tym, što ludzi vydychnuli: apakalipsis adkłaŭsia, i ekanomika nie abvaliłasia, niejak žyviem, niešta zarablajem. I praz heta sumarna nastroj trochi padvyšajecca. My bačym, što i zarobak pavyšajecca. I praz heta dobraja častka hramadstva kaža: «Možna žyć».

Hladzicie całkam:

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Jazep/adkazać/
06.12.2023
Heta tyja ludzi, jakija buduć apraŭdvać Łukašenku ŭ lubym vypadku.

Ja b nie pahadziŭsia. Bo šmat chto navat nie zdahadvajecca pra palityčnyja zabojstvy, raspačatyja režymam u 1999 i ich kolkaść. Šmat chto nie ŭjaŭlaje masštabaŭ karupcyi z boku Łukašenki, jahonaj siamji i jahonaha atačeńnia. Transekspa i inšaja kantrabanda ŭ Rasieju, pieraprodaž na Zachad rasiejkich vuhlavadarodaŭ praz hamancy. Tolki indyvidualnyja padarunki i prefierencyi dla Dany prynieśli straty dziaržbiudžetu daloka bolš za miljard dalaraŭ. Pry normach manietyzacyi prynamsi 30 adsotkaŭ mahčyma acanić pamier "česna zarabotannoho". Złyja jazyki havorać, što apietyty ŭ Vici jašče bolšyja. A kolki takich Danaŭ było za čas panavańnia Łukašenki - jašče naležyć vyśviatlić śledčym, kali režym abryniecca. ARB, Biełpoł i Bajpoł užo znajšli niemała, ale naŭradci heta ŭsio. Bo nichto jašče navat nie rasputaŭ zinhmanaŭska-šejmanaŭskich schiem z Afrykaj, Blizkim Uschodam dy Łacinskaj Amierykaj.
Miž tym heta tyja hrošy, jakija nie pajšli na jakasnuju miedycynu, adukacyju albo infrastrukturu. Kali ab hetym źjavicca mahčymaść havaryć - ad rejtynhu łukašenki nie zastaniecca i pałovy.
0
rotacyjny maršalek/adkazać/
07.12.2023
nie bolš za 20-25%

poetomu proihrajet Čiestnyje, Svobodnyje i Prozračnyje Vybory lubomu "stołbu" , jeśli priedpołožiť čto etot "stołb" budiet jedinym. Tožie sčitaju , čto cifry sootvietstvujut.
0
Janka/adkazać/
08.12.2023
rotacyjny maršalek, tamu kab paśla źmieny režyma bolš nie davadziłasia hałasavać za "słupy", varta pierachodzić da parłamienckaj respubliki.
Vielmi pakazlny prykład - susiedniaja Polšča. Prajeŭrapiejskija siły išli na vybary tramia kałonami. U sukupnaści jany atrymali bolšaść deputackich mandataŭ, niachaj praŭładnaja partyja i atrymała bolš mandataŭ za lubuju asobnuju partyju. Z-za pahrozy farmavańnia praŭładnaha ŭrada, prajeŭrapiejskim partyjam daviałosia damovicca ab kaalicyi, akaja adpraŭlaje praŭładnuju partyju ŭ apazicyju. U vyniku kožny vybarščyk mieŭ mahčymaść hałasavać nia tolki za ahulnyja kaštoŭnaści, ale i z ulikam svaich śpiecyfičnych patrabavańniaŭ, jakija kaalicyjny ŭrad taksama budzie vymušany uličvać.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera