Znajści
Ałharytmičny łacinski varyjant
05.12.2023 / 12:0515RusŁacBieł

Ułady Kijeva paćvierdzili, što pomnik Žyźnieŭskamu źnieśli pavodle ichniaha rasparadžeńnia

Pomnik Michaiłu Žyźnieŭskamu źnieśli, bo na hetym miescy vyrašyli ŭstalavać novy miemaryjał hierojam-kijeŭlanam, jakija zahinuli ŭ antyterarystyčnaj apieracyi z 2014 hoda na ŭschodzie Ukrainy.

Piatro Parašenka ŭ časie svajho prezidenctva prynosiŭ razam sa svajoj žonkaj Marynaj kvietki da pomnika Michaiłu Žyźnieŭskamu (studzień 2018 hoda).

U aficyjnym adkazie kijeŭskich uładaŭ «Radyjo Svaboda» adsutničaje infarmacyja ab uzhadnieńni demantažu pomnika Michaiłu Žyźnieŭskamu ź jakimi-niebudź hramadskimi arhanizacyjami, aktyvistami ci ŭstanovami.

U departamiencie kultury Kijeŭskaj haradskoj dziaržaŭnaj administracyi (KHDA) paviedamili «Svabodzie», što pomnik Hieroju Ukrainy, biełarusu pavodle pachodžańnia Michaiłu Žyźnieŭskamu źnieśli jak abjekt, jaki nie mieŭ statusu abjektu kulturnaj spadčyny.

«Pamiatny znak Michaiłu Žyźnieŭskamu nie znachodzicca na bałansie i absłuhoŭvańni kamunalnych pradpryjemstvaŭ Piačerskaha rajona horada Kijeva, na bałansie departamienta kultury i padparadkavanych jamu ŭstanoŭ nie znachodzicca», — adznačajecca ŭ aficyjnym adkazie na zapyt «Svabody».

Dyrektar departamienta kultury KHDA Siarhiej Anžyjak paviedamiŭ, što «pamiatny znak» Michaiłu Žyźnieŭskamu nie nabyŭ achoŭnaha statusu aŭtamatyčna, kali terytoryja, na jakoj jon raźmiaščaŭsia, była ŭklučana ŭ Dziaržaŭny rejestr pomnikaŭ jak pomnik historyi miascovaha značeńnia.

Pavodle jaho, pomnik Michaiłu Žyźnieŭskamu źnieśli, pakolki na hetym miescy vyrašyli ŭstalavać novy miemaryjał hierojam-kijeŭlanam, jakija zahinuli ŭ antyterarystyčnaj apieracyi z 2014 hodu na ŭschodzie Ukrainy.

Pavodle rasparadžeńnia Kijeŭskaj haradskoj rady, zakazčykam vykanańnia pracaŭ pa ŭstalavańni novaha miemaryjalnaha kompleksu vyznačyli kamunalnaje pradpryjemstva ŭ pytańniach budaŭnictva žyłych budynkaŭ «Žitłoinviestbud-UKB».

«Prajektna-kaštarysnaja dakumientacyja, raspracavanaja ŭ vyznačanym zakanadaŭstvam paradku, prajšła kompleksnuju ekśpiertyzu dziaržaŭnaha pradpryjemstva «Ukrdieržbudiekśpiertiza», pavodle jakoj atrymali pazityŭnuju ekśpiertnuju spravazdaču», — adznačajecca ŭ adkazie na zapyt «Svabody».

Siarhiej Anžyjak dadaŭ, što da kijeŭskich uładaŭ nichto nie źviartaŭsia pa ŭstalavańnie abo pieranos źniesienaha pomnika Michaiłu Žyźnieŭskamu. Razam z tym, pavodle jaho słoŭ, Kamisija ŭ pytańniach ustalavańnia pomnikaŭ, stvoranaja ŭ KHDA z krasavika 2014 hodu, moža razhledzieć taki zvarot, kali jon budzie zrobleny.

Kiraŭnik departamienta kultury KHDA dadaŭ, što dla razhladu takoha zvarotu inicyjatary pavinny dadać šerah praduhledžanych zakonam dakumientaŭ, u tym liku:

  • zvarot na imia mera Kijeva,
  • histaryčnuju abo historyka-bijahrafičnuju daviedku pra asobu, jakuju chočuć ušanavać,
  • čarnavy eskiz memaryjalnaj doški abo pamiatnaha znaku z ulikam architekturnych asablivaściaŭ terytoryi, na jakoj ich prapanujuć ustalavać, i aryjencirovačny tekst nadpisu, apracavanaha Instytutam ukrainskaj movy Nacyjanalnaj akademii navuk,
  • piśmovuju zhodu svajakoŭ na ŭstalavańnie miemaryjalnaj doški ci pamiatnaha znaku,
  • list-zhodu ŭłaśnika budynku abo terytoryi, na jakich inicyjujuć ustalavać pamiatny znak ci miemaryjalnuju došku.

Što papiaredničała

Na placoŭcy pobač z pomnikam Michaiłu Žyźnieŭskamu, jaki byŭ ustalavany ŭ listapadzie 2014 hodu niedaloka ad mierkavanaha miesca jahonaj hibieli ŭ Kijevie — na rahu Piatroŭskaj alei i vulicy Hrušeŭskaha, — znachodziŭsia taksama i pomnik ukrainskamu piśmieńniku Mikole Vinhranoŭskamu. Jaho taksama demantavali, ale paśla ŭźviadzieńnia novaha miemaryjała ŭstalavali pobač z raniejšym miescam.

Pomnik Michaiłu Žyźnieŭskamu demantavali i schavali ŭ kustach, dzie jaho dapamahli znajści aktyvistam sioleta ŭ kastryčniku.

Pomnik Michaiłu Žyźnieŭskamu demantavali tamu, što na hetym miescy mer Kijeva Vital Kličko inicyjavaŭ ustalavańnie miemaryjalnaha kompleksu hierojam-kijaŭlanam, jakija zahinuli ŭ časie antyterarystyčnaj apieracyi na ŭschodzie Ukrainy.

Raniej u muziei Revalucyi Hodnaści «Svabodzie» paviedamili, što demantaž pomnika Michaiłu Žyźnieŭskamu nibyta ŭzhadniali z hramadskaj arhanizacyjaj «Siamja hierojaŭ «Niabiesnaj sotni».

Adnak u aficyjnym adkazie kijeŭskich uładaŭ adsutničaje infarmacyja, što pytańnie demantažu ŭvohule abmiarkoŭvali ź jakimi-niebudź arhanizacyjami, aktyvistami ci ŭstanovami.

Michaił Žyźnieŭski zahinuŭ 22 studzienia 2014 hodu padčas Jeŭramajdanu ŭ Kijevie. U 2017 hodzie jaho ŭšanavali zvańniem Hieroja Ukrainy i pierad hetym paśmiarotna dali ŭkrainskaje hramadzianstva. Zorku Hieroja Ukrainy tahačasny prezident Piatro Parašenka pieradaŭ baćkam Michasia. Zabojca dahetul nie znojdzieny.

U nastupnym hodzie 26 studzienia budzie adznačacca 35-hodździe z dnia naradžeńnia Michaiła Žyźnieŭskaha.

Čytajcie taksama:

Sprava ab zabojstvie Michaiła Žyźnieŭskaha: śledčyja vyznačyli mierkavanaje koła datyčnych asobaŭ

U Kijevie adšukali źnikły dva hady tamu pomnik Žyźnieŭskamu, a biełaruskija dobraachvotniki adnavili narodny miemaryjał suajčyńniku

Na dzień naradžeńnia Michasia Žyźnieŭskaha ŭ Kijevie praviali Marš pamiaci FOTA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Jurhien/adkazać/
05.12.2023
Tiło vbitoji v Kijivśkij obłasti 15-ti ričnoji ukrajinśkoji divčini.....chovali v Biłoruśsiji majžie 21 misiać. Pri ćomu,Biłorusija  zajavlała jiji rodičam,ŝo jij ničoho nie vidomo pro ciu divčinu..
0
babrujčanin/adkazać/
06.12.2023
Udakładniu i addam naležnaje Piatru Parašienku , kab być dakładnym Pry im pomnik addbudavali Jen prymał uznaharodził baćkou I mabyć ni pamylajuś kožny raz z žonkaj Marynaj uskładał kvietki da pomnika ..Miarkuju i ni ździuluś kali " ofis jermaka padalaka" spryjał znosu..kab napaskudzić Parašienka taksama ..
0
rom/adkazać/
07.12.2023
hoblen, oni bierut tolko vniešnieje.... zabyvaja pro vnutrieńnieje sodieržanije,,,
užie i roždiestvo budut 25 prazdnovať)))) kak budto eto ich sdiełajet boleje praviednymi)))
čieriez połhoda mohut snova pomieniať))) kto znajet))
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031