Znajści
Ałharytmičny łacinski varyjant
05.12.2023 / 10:59RusŁacBieł

Minskaha mieniedžara-ekanamista asudzili da dvuch hadoŭ kałonii za ŭdzieł u akcyi pratestu i nibyta za «travu»

Juryja Dabrachotava zatrymali 20 krasavika pa padazreńni ŭ «drobnym chulihanstvie», ale abvinavačańnie vystavili za ŭdzieł u akcyi pratestu ŭ 2020 hodzie.

Fota: srping96.org

Sud Frunzienskaha rajona asudziŭ 35-hadovaha Juryja Dabrachotava pa «narodnym artykule» (č.1, art. 342, aktyŭny ŭdzieł u hrupavych dziejańniach, jakija hruba parušajuć hramadski paradak), a taksama za vyrab, nabyćcio i zachoŭvańnie narkatyčnych rečyvaŭ (č. 1 art. 328 KK). «Narkatyčny» artykuł pieršapačatkova ŭ spravie nie fihuravaŭ, i źjaviŭsia tolki padčas sudovaha pasiadžeńnia, piša «Viasna».

Spravu razhladała sudździa Julija Krepskaja.

Juryja zatrymali 20 krasavika pa padazreńni ŭ «drobnym chulihanstvie», ale abvinavačańnie vystavili za ŭdzieł u akcyi pratestu ŭ 2020 hodzie. Paśla pieratrusu, praviedzienaha pa miescy žycharstva, u kvatery znajšli słoik ź nievialikaj kolkaściu marychuany.

Padčas sudu Dabrachotaŭ nie pryznaŭ viny pa dvuch składach złačynstva.

Jon patłumačyŭ, što ŭ vieraśni 2020 hoda paśla pracy ŭbačyŭ šmat ludziej, jakija nakiroŭvalisia ŭ bok praśpiekta Pieramožcaŭ i dałučyŭsia da ich. A nakont zachoŭvańnia narkatyčnych rečyvaŭ, jon paviedamiŭ, što słoik z «travoj» i inšymi rečami pakinuŭ u kvatery papiaredni žychar».

Pra zatrymańni Juryja źbivali supracoŭniki milicyi. «Kala 9 hadzin ranicy ja adčuŭ hrukat, adkryŭ uvachodnyja dźviery. Tam znachodzilisia niejkija ludzi ŭ maskach. Nie viedaŭ, ci byli heta supracoŭniki milicyi, bo jany ničoha nie rastłumačyli, i adrazu pakłali tvaram na padłohu. Nie razumieŭ, što adbyvajecca».

Paśla hetaha jamu niešta kazali, ale ŭ suviazi z prablemami sa słycham i šokam, sens słoŭ nie razumieŭ. Taksama jaho bili, pakul nie paviedamiŭ paroli ad usich telefonaŭ.

U vyniku Dabrachotava pryznali vinavatym pa pieraličanych vyšej artykułach i asudzili sukupna da dvuch hadoŭ kałonii.

Hrošy, aryštavanyja pad čas pieratrusu: 2 000 dalaraŭ, 450 jeŭra, 50 rubloŭ, pakinutyja pad aryštam, a aŭtamabil «Falksvahien multyvien» byŭ viernuty haspadaru.

Čytajcie taksama:

Palitźniavolenaha eks-śpiecnazaŭca znoŭ buduć sudzić. Jaho zatrymali za dzień da adjezdu za miažu

Palitviaźnia, jaki pavieryŭ siłavikam i viarnuŭsia z Polščy, znoŭ buduć sudzić

Minčuku dali piać hadoŭ kałonii ŭzmocnienaha režymu za danat Pałku Kalinoŭskaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031