Znajści
Ałharytmičny łacinski varyjant
05.12.2023 / 08:11RusŁacBieł

Oksfardski słoŭnik nazvaŭ «słovam hoda» słoŭca, jakoje karystajecca vialikaj papularnaściu siarod moładzi

Jano nabyło šyrokuju papularnaść siarod karystalnikaŭ tyktoka.

Fota: Arin Yoon for The Washington Post via Getty Images

Oksfardski słoŭnik anhlijskaj movy pryznaŭ słovam 2023 hoda «rizz», jakoje karystajecca vialikaj papularnaściu siarod moładzi pakaleńnia Z (jakija naradzilisia prykładna z 1999 pa 2012 hod), piša Bi-bi-si.

Rizz aznačaje najaŭnaść u čałavieka stylu, šarmu, charyzmy i pryvabnaści, jakija dazvalajuć začaravać i spakusić seksualnaha partniora.

Rizz — nie što inšaje, jak radykalnaje skaračeńnie słova «charyzma».

Hety słenhavy vyraz taksama moža być vykarystany ŭ jakaści dziejasłova.

«To rizz up» aznačaje prajavić vyšejpieraličanyja jakaści, u tym liku akazać zachaplalnaje ŭražańnie, padtrymaŭšy cudoŭnuju razmovu.

Heta słoŭca nabyło šyrokuju papularnaść siarod karystalnikaŭ tyktoka. Kantent z chešteham Rizz atrymaŭ na hetaj sacsietcy miljardy prahladaŭ.

U śpisie finalistaŭ było vosiem słoŭ, uklučajučy swiftie (zaŭziaty fanat śpiavački Tejłar Śvift), beige flag (u pierakładzie «bežavy ściah», ale havorka tut pra charaktar: tak nazyvajuć patencyjnaha partniora, jaki akazaŭsia sumnym i zusim niearyhinalnym) i situationship (nieaficyjnyja ramantyčnyja ci intymnyja adnosiny biez peŭnych abaviazkaŭ pamiž partniorami).

Karotki śpis z vaśmi słoŭ byŭ adabrany moŭnymi ekśpiertami Vydaviectva Oksfardskaha ŭniviersiteta (jaki publikuje Vialiki Oksfardski słoŭnik). Zatym publicy prapanoŭvałasia vybrać čatyry varyjanty, jakija prajšli ŭ finał, paśla čaho ekśpierty zrabili kančatkovy vybar.

Prezident Oxford Languages Kaśpier Hratvoł zajaviŭ, što papularnaść vyrazu rizz dakazvaje, što słovy i frazy, jakija biarucca ź internet-kultury, usio bolš uvachodziać u paŭsiadzionny žarhon.

U 2020 hodzie słovam hoda pa viersii Oksfardskaha słoŭnika anhlijskaj movy staŭ vyraz goblin mode («režym hoblina»), jaki nabyŭ papularnaść padčas łakdaŭnaŭ.

Ale nie ŭsie słoŭniki pryznajuć słovami hoda novyja słenhavyja vyrazy. U listapadzie składalniki słoŭnika Collins Dictionary nazvali vyrazam 2023 hoda «štučny intelekt».

Čytajcie taksama:

Słoŭnik Merriam-Webster nazvaŭ «słova hoda»

Kiembrydžski słoŭnik nazvaŭ słova 2023 hoda

Brytanski słoŭnik Collins nazvaŭ słova hoda

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031