Znajści
Ałharytmičny łacinski varyjant
04.12.2023 / 18:365RusŁacBieł

«Byŭ vyjaŭleny jaho avaryjny stan». Homielskija ŭłady źnieśli histaryčny budynak na terytoryi parku

U siecivie raspaŭsiudziłasia videa, na jakim ekskavatar znosić budynak la vychadu z Homielskaha parku. Mnohija homielcy pamyłkova padumali, što źniščajecca staraja prybiralnia. Ale, jak akazałasia, u XIX stahodździ ŭ hetym budynku mieściłasia krama, piša «Fłahštok».

Budynak byŭ pabudavany ŭ cahlanym styli ŭ XIX stahodździ i, chutčej za ŭsio, u im znachodzilisia kramy dla absłuhoŭvańnia rajona Spasava Słabada.

Abjekt znachodziŭsia na terytoryi historyka-kulturnaj kaštoŭnaści «Pałacava-parkavy ansambl» 0 katehoryi — heta aznačaje, što kaštoŭnaść albo ŭklučanaja, albo prapanujecca dla ŭklučeńnia ŭ śpis Suśvietnaj spadčyny JUNIESKA.

Nie zaŭvažyŭšy znosu histaryčnaha budynka, hazieta «Homielskaja praŭda» paśpiašałasia rastłumačyć situacyju:

«Chtości paśpiašaŭsia z vysnovami, napisaŭšy ŭ kamientarach pra kančatkovaje zakryćcio i navat znos abjekta ŭ parku atrakcyjonaŭ. Paśpiašajemsia supakoić piesimistyčna nastrojenych hramadzian: nijakaha znosu nie budzie».

Kali vieryć haziecie, niekatoryja homielcy pryniali budynak, jaki znosiŭsia, za adzinuju ŭ parku prybiralniu. Ale nasamreč budynak tolki ŭvachodziŭ u kompleks prybiralni.

Budynak da znosu

Dyrektar KUP «Homielski park» Viktar Hutyr raskazaŭ «Homielskaj praŭdzie», što prybiralniu zakryli na rekanstrukcyju — jaje «abnoviać unutry i zvonku, pašyrać žanočaje adździaleńnie». Pryčynu znosu budynka XIX stahodździa jon nie nazvaŭ.

«Fłahštok» patelefanavaŭ Viktaru Hutyru, kab udakładnić situacyju:

«Pa našych dakumientach, pabudova 1981 hoda, taja častka budynka, jakaja źniesiena ŭ vyniku rekanstrukcyi prybiralni, byŭ vyjaŭleny jaho avaryjny stan, pra što dali zaklučeńnie ekśpierty BiełDUTa prajektnamu instytutu Homielabłbudprajekt».

Na pytańnie ab uzhadnieńni znosu ź Ministerstvam kultury dyrektar adkazać admoviŭsia i prapanavaŭ sustrecca asabista.

Čytajcie taksama:

MNS pakazała, jak juvielirna padarvała niedabud u Voranaŭskim rajonie VIDEA

Homielskim ratavalnikam čamuści spatrebiŭsia palihraf

«AHŁ palityčny trup! Ja za kastracyju paŭnamoctvaŭ prezidenta». «Fłahštok» pratačyŭsia ŭ zakryty čat, jaki z 2020 hoda administravaŭ supracoŭnik KDB

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Klim/adkazać/
04.12.2023
V Hiermanii, čieriez kotoruju prošła nie odna vojna, zdanije XII vieka nie riedkosť. Sochranieny fasady starych zdanij, vnutri sovriemiennyj komfort i kommunikacii, ludi živut. Kartiny XV vieka - kak novieńkije. V bibliotiekach sotni inkunabuł (dopiečatnyje knihi). A kak načinajetsia tierritorija eks-SSSR, tak ničieho i niet. Zdaniju 100 let - śniesieno kak vietchoje. Načało XX vieka - oj, kakaja drievnosť. Hordosť obłastnoj naučnoj bibliotieki - odna, čudom sochranivšajasia inkunabuła. Vy živiotie biez istorii i, pochožie, vam istorija nie nužna!
0
Janka/adkazać/
04.12.2023
Mankurty. Biełorusov bolšie niet.
0
Alek. Ru/adkazać/
04.12.2023
Baraćba z historyjaj praciahvajecca, łukašuny pieramahli zno ú.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031