Znajści
Ałharytmičny łacinski varyjant
09.12.2023 / 19:0716RusŁacBieł

Ministr abarony Chrenin pryvatyzavaŭ apartamienty ŭ centry Minska. Viadoma, z rublovaj rasterminoŭkaj

Rynkavy košt kvatery — kala $300 tysiač. Ale dla siłavika cana akazałasia ŭ razy nižejšaj.

Viktar Chrenin, ministr abarony Biełarusi. Fota Minabarony

Ministr abarony Biełarusi Viktar Chrenin vykarystaŭ aryhinalnuju schiemu, kab atrymać elitnuju kvateru na praśpiekcie Pieramožcaŭ u Minsku. Jašče ŭ śniežni 2020 hoda jon staŭ haspadarom vializnaj trochpakajoŭki ŭ «Słavianskim kvartale» — prestyžnaje miesca prosta nasuprać Steły.

Płošča jaho kvatery pa adrasie praśpiekt Pieramožcaŭ, 27 — 94 kvadratnyja mietry. Miarkujučy pa abviestkach na sajtach nieruchomaści, padobnyja kvatery kaštujuć kala $300 tysiač. Adnak, najchutčej, dla Chrenina žyllo abyšłosia našmat tańniej.

Reč u tym, što jon nie prosta kuplaŭ kvateru, a aformiŭ jaje ŭ rasterminoŭku. Takuju mahčymaść Chreninu prapanavała Kiraŭnictva spraŭ prezidenta. Ahulny košt rasterminoŭki skłaŭ 133 tysiačy rubloŭ. Na toj momant heta było kala $52 tysiač. Najchutčej, heta i była poŭnaja cana kvatery dla ministra.

Ministr abarony Biełarusi Viktar Chrenin (u centry), staršynia Rady biaśpieki Alaksandr Valfovič (źleva) i rasijski hienierał (sprava) na vučeńniach pad Homielem 19 lutaha 2022 hoda, za piać dzion da napadu na Ukrainu. Fota Stringer / Anadolu Agency via Getty Images

Tearetyčna mahčyma, što jon dapłačvaŭ niešta z ułasnaj kišeni startavym płaciažom, ale «Naša Niva» pakul nie fiksavała takich vypadkaŭ u historyjach z elitnym žyllom biełaruskich čynoŭnikaŭ.

Tak ci inačaj, Chrenin abaviazaŭsia vypłačvać košt kvatery roŭnymi płaciažami na praciahu siami hadoŭ, što robić i dahetul. Varyjant nasamreč vyhadny, bo biełaruski rubiel praciahvaje padzieńnie. Pa ciapierašnim kursie košt rasterminoŭki źmienšyŭsia ŭžo da $42 tysiačy.

Byŭ peŭny simvalizm, što ministru abarony vydzielili kvateru ź vidam na Stełu praz čatyry miesiacy paśla padziej žniŭnia 2020 hoda.

Nahadajem, što 9 žniŭnia manifiestanty, jakija patrabavali sumlennaha padliku hałasoŭ chacieli źbiracca mienavita kala Steły, ale ich razahnali z vykarystańniem śviatłošumavych hranataŭ.

16 žniŭnia 2020 hoda demanstranty simvalična zaniali hetaje znakavaje miesca Minska.

Ludzi źbirajucca kala Steły 16 žniŭnia 2020 hoda. Praz paru chvilin aŭtazaki pakinuć hetaje miesca. Fota: «Naša Niva»

I tady 23 žniŭnia ministr abarony zahadaŭ ačapić Stełu kalučym drotam i pastavić na jaje achovu kursantaŭ sa zbrojaj. 

«Miru — mir, a Chreninu — chren». Taki łozunh nabyŭ paśla hetaha papularnaść.

Kursanty achoŭvajuć Stełu 23 žniŭnia 2020 hoda. Fota: «Naša Niva»

Sa «Słavianskaha kvartała» adkryvajecca vid na Stełu i Park Pieramohi.

«Słavianski kvartał» u Minsku

@tokbelarus «Chrenin – bieschrybietny, ale vielmi zručny». Sachaščyk-małodšy raspavioŭ, kaho z hienierałaŭ pavažajuć u biełaruskim vojsku #Biełaruś#armijabiełarusi#armija#vsrb#połkkalinovskoho#novostibiełarusi#biełaruśnovosti#našaniva♬ Softcore - avdloss

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka /adkazać/
09.12.2023
Miru — mir, Kočanovoj — kočan osobniak, a Chrieninu — kvartiru chrien.
0
Tajemny hość/adkazać/
09.12.2023
A numar kvatery dzie?
0
Pietia/adkazać/
09.12.2023
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031