Znajści
Ałharytmičny łacinski varyjant
04.12.2023 / 11:136RusŁacBieł

Dźmitryj Kałdun raskazaŭ, jak rasijski pradziusar Drobyš nie puskaŭ jaho na «Jeŭrabačańnie» ad Biełarusi

Ale dapamoh jurydyčny kazus.

Biełaruski śpiavak Dźmitryj Kałdun raspavioŭ, ź jakimi ciažkaściami trapiŭ na «Jeŭrabačańnie».

U 2007 hodzie Kałdun vystupiŭ ź pieśniaj Work Your Magic i zaniaŭ 6-je miesca na konkursie, heta rekord Biełarusi za ŭsie hady ŭdziełu ŭ konkursie.

Intervju sa śpievakom źjaviłasia na jutub-kanale viadučaj rasijskaj «Fabryki zorak» Jany Čurykavaj. Kałdun byŭ pieramožcam adnaho ź siezonaŭ «Fabryki», paśla čaho jaho raskrutkaj zaniaŭsia rasijski pradziusar Viktar Drobyš.

«Jon byŭ zaniaty absalutna inšymi artystami. Urešcie ja vyrašyŭ, što treba niešta rabić. Vyrašyŭ, što treba pasprabavać jechać na «Jeŭrabačańnie». …

A Drobyš jak raz-taki adhavorvaŭ jechać, jon skazaŭ: «Nie-nie, nikudy ty nie pajedzieš. U mianie ŭžo byŭ niehatyŭny dośvied z Natašaj Padolskaj, ja niezadavoleny vynikam, ty nikudy nie pajedzieš»…

Ja kažu: «Pahladzim» — i sychodžu. Praź niekatory čas, ja kažu: «Ja ŭsio ž taki vyrašyŭ. Dapamažycie mnie, kali łaska, Viktar Jakaŭlevič». Niejak jaho ŭhavaryć chacieŭ».

Kałdun patłumačyŭ, što Drobyš daŭ jamu pieśniu, jakuju ŭžo vykonvaŭ niejki finski hurt. A heta zabaroniena praviłami «Jeŭrabačańnia».

«U mianie zastavaŭsia adzin dzień, ja znajšoŭ svoj stary demazapis, jaki ja zapisvaŭ jašče da «Fabryki» ŭ Minsku. Ja ŭziaŭ hetuju pieśniu i adpraviŭ na adboračny ŭ Biełarusi. I prajšoŭ. Ja ŭdzielničaŭ razam z usimi ŭ hetym adbory. Dalej mianie vyklikali ŭ Ministerstva kultury i skazali: «Dźmitryj, nu, usio jasna. Ale mianiajcie pieśniu». Drobyš u hetym nijak nie ŭdzielničaŭ, nie zdymaŭ prosta trubku, u mianie nie było ź im suviazi. I ŭ samy apošni momant niejkim čynam ja sustreŭsia ź Filipam Kirkoravym, jon mnie prapanavaŭ na vybar dźvie pieśni. Ja ŭžo adabraŭsia, vyjhraŭ nacyjanalny adbor u Biełarusi — heta ŭsio, znoŭ ža, adbyvałasia biez Drobyša, — staŭ aficyjnym pradstaŭnikom krainy. I tut źjaviŭsia Drobyš, jon skazaŭ, što ja nikudy nie pajedu. Niejkaja takaja błytanina.

«Ty nikudy nie jedzieš, u ciabie sa mnoj kantrakt», — skazaŭ Drobyš. Heta dla mianie stała adkryćciom, my pajšli raźbiracca, pryjšoŭ Filip, pryjšoŭ Viktar Jakaŭlevič, pryjšoŭ Alaksandr Cichanovič, jaki byŭ kiraŭnikom adboru. Jašče niejkija asoby… Tam nie pryjšli my da ahulnaha nazoŭnika, Drobyš stajaŭ na svaim.

Ale ja pryniaŭ rašeńnie: mnie dakładna treba jechać na «Jeŭrabačańnie». Potym niejkim zahadkavym čynam dla mianie hetaja situacyja razruliłasia, umiašałasia kiraŭnictva Pieršaha kanała», — raskazaŭ Kałdun.

Pa jaho słovach, dapamoh jurydyčny kazus. Pakolki Kałdun byŭ hramadzianinam Biełarusi, jaho kantrakt z Drobyšam pavinny byli zarehistravać u mihracyjnaj słužbie. Hetaha zroblena nie było, tamu damovu z pradziusaram anulavali.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Łusa/adkazać/
04.12.2023
Kołduj užie vnie Biełarusi. Ty i tvoj brat dla nas nikto.
1
daviedka /adkazać/
04.12.2023
Red., mohli i «čpoknuť» — eto na pacanskom ślenhie iz sosiedniej vietki pro uśpiech sieriała «Słovo pacana».)
0
mikola/adkazać/
04.12.2023
idyioty.........use...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera