Znajści
Ałharytmičny łacinski varyjant
04.12.2023 / 09:465RusŁacBieł

Deputat Dziarždumy zajaviŭ, što Rasija adradziła sumnaviadomy ŚMIERŠ

U minułym u prarasijskich pablikach źjavilisia zdymki, na jakich mierkavana byli paviešanyja žychary Łuhanskaj vobłaści, pakaranyja za dapamohu Kijevu. Na hrudziach u ich byli tablički: «Jon pieradavaŭ źviestki vorahu ŚMIERŠa».

Rasija stvaryła na akupavanych terytoryjach upraŭleńnie, jakoje pracuje tak, jak pracavaŭ ŚMIERŠ u SSSR, zajaviŭ padčas šou «Niadzielny viečar z Uładzimiram Sałaŭjovym» člen kamiteta Dziarždumy pa abaronie hienierał-lejtenant Andrej Huruloŭ, piša «Ahienctva».

«My kazali pra ŚMIERŠ, siońnia stvaryli ŭpraŭleńnie, jakoje takim prykładna čynam pracuje na novych terytoryjach», — zajaviŭ Huruloŭ.

Jon taksama daŭ zrazumieć, što takaja struktura patrebnaja i ŭ rehijonach: «Siońnia nam sprabujuć pieraškodzić i ŭ tyle. Razmaŭlaŭ z Dalokim Uschodam, dzie ŭ nas padvodnyja jadziernyja łodki, karabli našyja. Im taksama moža pahražać niebiaśpieka, tamu treba krychu inakš da pytańniaŭ abarony».

Nazvu «ŚMIERŠ» (skaračeńnie ad «Śmierć špijonam!») nasili struktury savieckaj kontrraźviedki padčas Druhoj suśvietnaj vajny. ŚMIERŠ isnavaŭ z 1943 pa 1946 hady. Viadomyja vypadki pazasudovych raspravaŭ śmieršaŭcaŭ nad zatrymanymi.

Dyskusija ab nieabchodnaści adradžeńnia hetaj struktury idzie amal hod. Za adradžeńnie ŚMIERŠa vykazvalisia ŭłady «DNR», Kryma, deputaty Huruloŭ i Andrej Łuhavy. Samym vysokapastaŭlenym prychilnikam raspraŭ «pa asablivych praviłach vajennaha času» staŭ namieśnik kiraŭnika Rady biaśpieki RF, eks-prezident Dźmitryj Miadźviedzieŭ.

U śniežni minułaha hoda ŭ prarasijskich telehram-kanałach źjavilisia zdymki, na jakich byli paviešanyja žychary Łuhanskaj vobłaści, pakaranyja za dapamohu Kijevu. Na hrudziach u ich byli tablički z nadpisami. Jany abviaščali «zdradnik łuhanskaha naroda» i «Jon pieradavaŭ źviestki vorahu ŚMIERŠa».

Akramia taho, u Telegram źjaviłasia adrazu niekalki kanałaŭ, u naźvie jakich było słova «ŚMIERŠ». Hetyja kanały śpiecyjalizavalisia na danosach na žycharoŭ akupavanych terytoryj, jakija nie padtrymlivajuć Rasiju, a taksama publikacyi śviedčańniaŭ pieraśledu ich rasijskimi siłavikami.

Z červieńskaha dopisa taho ž Hurulova vynikała, što ŚMIERŠ jašče nie byŭ stvorany.

«U najbližejšaj pierśpiektyvie nieabchodny ŚMIERŠ, ci takaja ž struktura ź inšaj nazvaj, kab u tyle byŭ paradak: błokpasty, tatalnaja pravierka, vyjaŭleńnie špijonaŭ, paŭnamoctvy ŭsie ŭ hetym pytańni», — pisaŭ tady Huruloŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Josik/adkazać/
04.12.2023
Pryjści na čužuju ziamlu, usio źniščyć, puścić svaje karani, i kožnamu miascovamu pahražać śmierciu, kali nie budzie lubić novuju ŭładu, nazyvać siabie rasiejcam i razmaŭlać pa-rasiejsku. Ničoha nie źmianiłasia ciaham troch stahodździaŭ.
2
daviedka /adkazać/
04.12.2023
Vładimir Sołovjov davno miečtał vozhłaviť vozroždionnyj ŚMIERŠ...
0
Common sense /adkazać/
04.12.2023
ŚMIERŠ naskolko ja pomniu v osnovnom rasstrielivał. Tak čto kosplejat oni nie ŚMIERŠ a Hiestapo kotoryj viešał partizan i podpolŝikov.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera