Znajści
Ałharytmičny łacinski varyjant
03.12.2023 / 12:174RusŁacBieł

Chto ŭvajšoŭ u śpis samych upłyvovych žančyn hoda pa viersii Financial Times

Razam ź pieršaj łedzi Ukrainy Alenaj Zielanskaj u top trapili kiraŭnica Jeŭrakamisii Ursuła fon der Lajen, śpiavačka Bjonse, iranskaja pravaabaronca Narhiz Machamadzi. Raskazvajem, kaho jašče adznačyli ŭ prestyžnym ahladzie.

Štohadovy śpis samych upłyvovych žančyn śvietu Financial Times składaje na padstavie mierkavańniaŭ žurnalistaŭ redakcyi, čytačoŭ i ekśpiertaŭ z roznych abłaściej. Łaŭreatki, jakija trapili ŭ ahlad, kłasifikujucca pa troch katehoryjach: «Stvaralnicy», «Lidarki» i «Hieroi». U kožnaj z naminacyj pradstaŭleny žančyny, jakija majuć prestyžnyja ŭznaharody: Nobieleŭskuju i Pulitceraŭskuju premii, Hremi i Kubak śvietu. Zrešty, u topie taksama prysutničajuć i mienš viadomyja, ale nie mienš važnyja žančyny.

Stvaralnicy

Marho Robi. Aŭstralijskaja aktrysa i pradziusierka viadomaja pa rolach u błokbastarach «Atrad samazabojcaŭ», «Adnojčy ŭ Halivudzie» i mnohich inšych. Robi dvojčy naminavałasia na «Oskar», čatyry razy — na «Załaty hłobus» i piać razoŭ — na premiju Brytanskaj kinaakademii.

Fota: instahram dziajački

Akramia akciorskaj karjery Marho raźvivaje i pradziusierskuju. U dadzieny momant jana kiruje kampanijaj LuckyChap, jakaja składaje aktyŭnuju kankurencyju kina-mastadontam Halivudu. Tak, film «Barbi», spradziusavany pry ŭdziele Marho, pieraadoleŭ adznaku ŭ 1 miljard dalaraŭ kasavych zboraŭ za ličanyja tydni.

Barbara Kinhsołvier — vybitnaja amierykanskaja piśmieńnica i paetka. Na rachunku Barbary siem zachaplalnych ramanaŭ, u tym liku The Poisonwood Bible, Animal Dreams i The Bean Trees. U 2023 hodzie ŭkład piśmieńnicy acanili Pulitceraŭskaj premijaj. Kinhsołvier atrymała ŭznaharodu za raman Demon Copperhead — historyju pra junaha hieroja, jaki vyras u harach Apałačy.

Fibi Fiła skončyła adnu z najlepšych akademij dyzajnu Central Saint Martins u Łondanie. U 1997 hodzie, padčas navučańnia, Fiła paznajomiłasia sa Stełaj Makartni, jakaja zaprasiła jaje pracavać u brend Chloè. Nieŭzabavie Fibi stała ŭ rula modnaha doma. Pad jaje kiraŭnictvam marka Old Céline uvajšła ŭ trojku samych zapatrabavanych suśvietnych brendaŭ.

Fota: instahram dziajački

Bjonse Žyzel Noŭłz-Karter — amierykanskaja śpiavačka, aktrysa, tancorka, muzyčnaja pradziusierka i fiłantrop. Za svaju karjeru Bjonse atrymała 28 premij Hremi — hety pakazčyk pakul źjaŭlajecca absalutnym rekordam.

Taksama ŭ naminacyju trapili indyjskaja aktrysa i śpiavačka Alija Bchat, piśmieńnica i arhanizatarka fiestyvalaŭ Łoła Šaniejin, i paŭdniovakarejski dziavočy kiej-pop hurt Aespa.

Lidarki

Mira Muraci — techničnaja dyrektarka OpenAI. Da prychodu ŭ kampaniju 35-hadovaja biznesvumien pracavała nad aŭtamabilem Tesla Model X i zajmałasia raspracoŭkaj technałohij u Leap Motion. Muraci paraŭnoŭvaje raspracoŭki ŭ halinie ŠI z vynachodstvam paravoha ruchavika: dziaŭčyna vieryć, što raźvićcio štučnaha intelektu dazvolić značna ablehčyć žyćcio čałavieka.

Fota: Philip Pacheco/Bloomberg via Getty Images

Mery Bara, hienieralnaja dyrektarka General Motors. U 2009 hodzie, paśla zaciažnoha kryzisu, kampanija GM była vymušana abjavić pra bankrotstva, pierajści pad kantrol uradu ZŠA i źviedać surjoznuju rearhanizacyju. Tady, u ramkach kadravych pierastanovak, Bara zaniała pasadu dyrektarki pa HR, a paśla paśpiachovaha praviadzieńnia IPO u kancy 2010 hoda była padvyšana da vykanaŭčaha vice-prezidenta pa novych raspracoŭkach. Ciapier Bara źjaŭlajecca pieršaj žančynaj ŭ ZŠA, jakaja ŭznačaliła bujny aŭtamabilny kancern.

Ursuła fon der Lajen — staršynia Jeŭrapiejskaj kamisii i pieršaja žančyna na hetaj pasadzie. U naminacyi adznačajecca, što prafiesijanalizm Ursuły dazvoliŭ pryniać novyja i inavacyjnyja miery pa supraćdziejańni ekanamičnym nastupstvam Covid-19 i dapamoh paskoryć adnaŭleńnie Jeŭropy paśla pandemii.

Fota: AP Photo/Geert Vanden Wijngaert

Taksama palityk prajaviła siabie paśla pačatku rasijska-ŭkrainskaj vajny: jana aktyŭna łabiravała ŭviadzieńnie sankcyj, nakiravanych suprać Rasii, a taksama vystupała za vydzialeńnie vajennaj i ekanamičnaj dapamohi Ukrainie.

Liza Dajsan — čaćviortaja afraamierykanka ŭ historyi, jakaja atrymała doktarskuju stupień pa tearetyčnaj fizicy. Siońnia Dajsan uznačalvaje bujny biznes — jana źjaŭlajecca zasnavalnicaj i hienieralnaj dyrektarkaj Kiverdi, bijatechnałahičnaj kampanii, jakaja vykarystoŭvaje technałohii pieraŭtvareńnia vuhlarodu dla raspracoŭki ekałahična čystych praduktaŭ dla kamiercyjnaha prymianieńnia.

Makika Ona — hienieralnaja dyrektarka Suntory Beverage and Food. Niahledziačy na ​​vysoki ŭzrovień ekanamičnaha raźvićcia, Japonija maje adzin z najznačniejšych hiendarnych razryvaŭ u zarabotnaj płacie siarod krain z vysokimi prybytkami. Pavodle daśledavańnia Tokyo Shoko Research, z 1802 kampanij, jakija kacirujucca na Tokyo Prime Market, tolki šasnaccaćciu kirujuć žančyny.

U hetym hodzie Ona stała pieršaj žančynaj-CEO japonskaj kampanii z kapitałam bolš za 5 młrd dalaraŭ ZŠA, jakaja kacirujecca na biržy.

Śpis lidarak dapoŭnili aktrysa i prezidentka prafsajuza Fren Drešer; pieršaja žančyna, jakaja ŭznačaliła firmu «vialikaj čaćviorki», Džaniet Trunkale; šviejcarski palityk, člen Fiederalnaha savieta Šviejcaryi Karyn Kieler-Sater; vykanaŭčaja dyrektarka United Parcel Service Kerał Tomie; ministarka navakolnaha asiarodździa i źmieny klimatu Brazilii Maryna Siłva.

Hieroi

Narhies Machamadzi — iranskaja pravaabaronca i palityčnaja źniavolenaja, łaŭreatka Nobieleŭskaj premii miru «za baraćbu suprać pryhniotu žančyn u Iranie i baraćbu za prasoŭvańnie pravoŭ čałavieka i svabody dla ŭsich».

Fota: instahram dziejački

Machamadzi była asudžana piać razoŭ: u ahulnaj kolkaści joj prysudzili 31 hod pazbaŭleńnia voli i 154 udary bizunami. U žniŭni 2023 hoda Narhies pavialičyli termin za intervju i aficyjnyja zvaroty ŭ AAN ab hvałcie ŭ iranskich turmach, jakija joj udavałasia davać z kamiery. Na dadzieny momant aktyvistka ŭtrymlivajecca ŭ turmie Evin u Tehieranie.

Kory Haŭf — amierykanskaja tenisistka, šaścirazovaja pieramožca WTA Tour u adzinočnym razradzie i vaśmirazovaja — u parnym razradzie. Haŭf vykarystoŭvaje papularnaść, kab pryciahnuć uvahu da važnych sacyjalnych momantaŭ. Jana vystupaje ŭ abaronu ruchu Black Lives Matter i krytykuje zakony, jakija abmiažoŭvajuć pravy ŁHBT+ u svaim rodnym štacie Fłaryda.

Elizabet Maruma Mrema — pieršaja afrykanskaja žančyna, jakaja ŭznačaliła Kanviencyju AAN, lidarka i jurystka ŭ halinie bijaraznastajnaści. Z 2023 hoda Mrema zajmaje pasadu namieśnika vykanaŭčaha dyrektara Prahramy AAN pa navakolnym asiarodździ, łabiruje zakony ab abaronie navakolnaha asiarodździa, zajmajecca prahramami adnaŭleńnia pryrody.

Fota: instahram dziejački

Śpis «Hierojaŭ» zaviaršajuć pieršaja łedzi Ukrainy Alena Zialenskaja; vučonaja

Katalin Karyka; aktyvistka, čyj post pakłaŭ pačatak tajvańskamu ruchu #MeToo, Čen Čyjen-Džoŭ; spartsmienka Dženi Ermosa.

Kaciaryna Hardziejeva

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
mikola/adkazać/
03.12.2023
Malaicy ! Udaczy usim !
8
Maksim Dizajnier/adkazać/
03.12.2023
Odni duchovno bohatyje ja žienŝino, a značit ja aktrisso. Rodstvienicy politikov(prosto tak tuda nikto nie popadajet). I pravaabaroncy. Kakoj bried sivoj kobyły.
0
Sałamon /adkazać/
06.12.2023
Maksim Dizajnier, jak ciabie ad tvaich kompleksaŭ pluščyć
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031