Znajści
Ałharytmičny łacinski varyjant
01.12.2023 / 17:26RusŁacBieł

«Kasym-Žamart, pryjšoŭ čas». Nazarbajeŭ raskazaŭ, pry jakich abstavinach paviedamiŭ pra svajo rašeńnie syści

Miemuary byłoha «Jełbasy» («Baćki nacyi») Nursułtana Nazarbajeva «Majo žyćcio. Ad zaležnaści da svabody» jašče nie dajšli da šyrokaha čytača, ale asobnyja staronki ŭžo možna znajści ŭ sacyjalnych sietkach. Kniha pačynajecca z dyjałohu pamiž Nazarbajevym i Takajevym, jaki adbyŭsia 18 sakavika 2019 hoda.

Nursułtan Nazarbajeŭ (u centry) i Kasym-Žamart Takajeŭ (pieršy sprava) padčas śviatkavańnia Naŭruza ŭ Kanhres-centry ŭ Astanie, Kazachstan 21 sakavika 2019 hoda. Fota: Aliia Raimbekova / Anadolu Agency / Getty Images

Jak zhadvaje Nursułtan Nazarbajeŭ, u toj dzień jon dy inšyja pradstaŭniki kiraŭnictva krainy prysutničali na zakładcy fundamientu novaj hałoŭnaj miačeci stalicy krainy Astany (jakaja ŭžo praź piać dzion — 23 sakavika — stanie Nur-Sułtanam, i prabudzie z takoj nazvaj da vieraśnia 2022-ha).

Pa zaviaršeńni hetaha mierapryjemstva Nazarbajeŭ nakiroŭvaŭsia na adkryćcio novaha ofisa Duchoŭnaha ŭpraŭleńnia musulman Kazachstana i zaprasiŭ u svaju mašynu tahačasnaha staršyniu Sienata krainy Kasym-Žamarta Takajeva.

Pryvodzim dyjałoh:

«— Kasym-Žamart, pryjšoŭ čas skazać toje, što pavinna być skazana, — pačaŭ ja razmovu.

Zdahadvaŭsia jon ci nie, pra što pojdzie razmova, ale jon pavodziŭ siabie jak vopytny dypłamat i vytrymaŭ paŭzu.

— Ja zaŭtra prymu važnaje, nie — asabliva važnaje rašeńnie, pra jakoje dumaŭ u apošni čas. Ździejśniu svaju zadumu, jakoju daŭno dzialiŭsia z taboju. Vystuplu sa zvarotam da naroda.

Ja zaŭvažyŭ, što pa majoj intanacyi jon adrazu ŭłaviŭ sutnaść vykazanaha.

— Ja składu ź siabie paŭnamoctvy Kiraŭnika dziaržavy. Adpaviedna Kanstytucyi pieradam tabie vykanańnie abaviazkaŭ prezidenta, — skazaŭ ja.

Jon maŭčaŭ. Praź niekatory čas adazvaŭsia:

— Moža jašče padumajecie? Nie ranavata?

— Nie. Nie rana. Ja ŭsiebakova abdumaŭ. Čas pryjšoŭ.

Paśla maich słovaŭ my abodva zmoŭkli».

Nazarbajeŭ tłumačyć, što rašeńnie jon pryniaŭ z ulikam taho, što «doŭha znachodzicca kala styrna ŭłady» — piać hadoŭ na pasadzie staršyni ŭrada tady jašče Kazachskaj SSR i tryccać hadoŭ kiraŭnikom niezaležnaha Kazachstana. Akramia pavažnaha ŭzrostu i zdaroŭja, hałoŭnymi abstavinami, pa słovach Nazarbajeva było toje, što «mianiaŭsia śviet, prychodziła novaje pakaleńnie lidaraŭ».

«Nam taksama treba było mianiacca. Misija budaŭnictva niezaležnaj dziaržavy była vykanana. Ja zrabiŭ usio, što moh, dla majoj krainy», — adznačaje aŭtar.

Pakazalna, što ŭ zahałovak svaich uspaminaŭ jon vynies šlach Kazachstana da niezaležnaści.

Čytajcie jašče:

«Ja pazbaviŭsia ad dušeŭnaj adzinoty, jakaja ciahnułasia hadami». Nursułtan Nazarbajeŭ raskazaŭ u miemuarach, što ŭ jaho jość druhaja siamja, a pieršaja žonka tolki radaja

Mierkavańnie: Varta Nazarbajevu było svoječasova syści, i jon zastaŭsia b u historyi pazityŭnym piersanažam

Ci stanie Takajeŭ kazachstanskim Harbačovym? 

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031