Znajści
Ałharytmičny łacinski varyjant
01.12.2023 / 08:377RusŁacBieł

Pradstaŭnik MZS Ambrazievič zapatrabavaŭ nazvać proźviščy hvałtoŭna pieramieščanych z Ukrainy ŭ Biełaruś dziaciej

Takoje patrabavańnie jon vysunuŭ, pavodle jaho słoŭ, u adkaz na «nieabhruntavanyja palityčnyja abvinavačvańni» na adras Biełarusi z boku dziaržaŭ NATA i Jeŭrapiejskaha sajuza.

Juryj Ambrazievič. Skrynšot videa STB

Nazvać proźviščy hvałtoŭna pieramieščanych abo departavanych z Ukrainy ŭ Biełaruś dziaciej zapatrabavaŭ namieśnik ministra zamiežnych spraŭ Biełarusi Juryj Ambrazievič, vystupajučy 30 listapada na pasiadžeńni Rady ministraŭ zamiežnych krain ABSIE ŭ Skopji (Paŭnočnaja Makiedonija), piša «Pozirk».

Takoje patrabavańnie jon vysunuŭ, pavodle jaho słoŭ, u adkaz na «nieabhruntavanyja palityčnyja abvinavačvańni» na adras Biełarusi z boku dziaržaŭ NATA i Jeŭrapiejskaha sajuza.

U hetym kantekście Ambrazievič vykazaŭ mierkavańnie, što vykanańnie pravoŭ čałavieka ŭ Biełarusi nie horšaje, čym u šerahu krain ES, i prapanavaŭ prysutnym aznajomicca z vysnovami Univiersalnaha pieryjadyčnaha ahladu ŭ Saviecie AAN pa pravach čałavieka «pa kožnaj z krain Zachadu».

Pavodle źviestak Łabaratoryi humanitarnych daśledavańniaŭ Jelskaha ŭniviersiteta (ZŠA), uziataj z apublikavanaj 16 listapada spravazdačy amierykanskaj niekamiercyjnaj arhanizacyi «Absiervatoryja kanfliktaŭ», z Ukrainy ŭ Biełaruś z pačatku raźviazanaj Rasiejaj vajny vyvieziena nie mienš za 2442 dziaciej 6—17 hadoŭ. U dakumiencie havorycca, što dziaciej, u tym liku z uraźlivych hrup nasielnictva, pryvozili ŭ 13 biełaruskich ustanoŭ.

U liku datyčnych da pieramiaščeńnia ŭkrainskich dziaciej u Biełaruś arhanizacyja nazvała biełaruskaha paralimpijca i praŭładnaha hramadskaha dziejača Alaksieja Tałaja, AAT «Biełaruśkalij», BRSM.

17 sakavika Mižnarodny kryminalny sud u Haazie vydaŭ order na aryšt prezidenta RF Uładzimira Pucina i dziciačaha ambudsmiena Maryi Lvovaj-Białovaj za vyvaz ukrainskich dziaciej z akupavanych terytoryj.

Biełaruskija demsiły damahajucca taho ž u dačynieńni da Łukašenki. 13 vieraśnia Jeŭrapiejski parłamient pryniaŭ rezalucyju z zaklikam da MUS razhledzieć mahčymaść vydać ordar na jaho aryšt.

30 listapada zakončyŭsia termin, adviedzieny Mižnarodnaj fiederacyjaj tavarystvaŭ Čyrvonaha Kryža i Čyrvonaha Paŭmiesiaca biełaruskamu Čyrvonamu Kryžu (BKK) dla vyzvaleńnia ad pasady hienieralnaha sakratara BKK Dźmitryja Šaŭcova, pretenzii da jakoha ŭźnikli ŭ tym liku na fonie jaho zajaŭ ab pieramiaščeńni ŭkrainskich dziaciej z akupavanych terytoryj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
:)/adkazać/
01.12.2023
Kto pomnit drievnije film pro ahienta 007 s Murom v roli Bonda, tam był takoj piersonaž-złodiej Čielusť. Na foto točno nie on?
13
Abyr/adkazać/
01.12.2023
Po mojemu mnieniju zria voobŝie načali tieriebiť i raskručivať etot kiejs. On vystavlajet v durnom śvietie skorieje obvinitielej, čiem obviniajemych.
0
Vik/adkazać/
01.12.2023
Abyr, Nu koniečno, vy ž spasali biednych dietok! Tolko jesť odin momient: pośle spasienija vy obiazany byli ich pieriedať Ukrainie, a nie diełať iz nich russkohovoriaŝich zombakov.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera