Znajści
Ałharytmičny łacinski varyjant
30.11.2023 / 23:163RusŁacBieł

Krainy APIEK+ damovilisia ab dalejšym skaračeńni zdabyčy nafty

Na pasiadžeńni hrupy APIEK+, jakoje prajšło ŭ Vienie 30 listapada, jaje ŭdzielnikam udałosia damovicca ab značnym skaračeńni zdabyčy nafty. Pavodle pres-relizu naftavaha kartela, u I kvartale 2024 hoda jana sukupna składzie 2,2 młn barelaŭ za dzień, paviedamlaje Office Life.

Fota: ahopuero / Getty Image

Arhanizacyja krain — eksparcioraŭ nafty nie stała stavić aryjenciraŭ pa abjomach i cenach na 2024 hod. Ale krainam-udzielnicam udałosia damovicca adnosna dobraachvotnaha skaračeńnia zdabyčy.

Asnoŭnaja častka hetaha skaračeńnia prypadzie na Saudaŭskuju Araviju, jakaja padoŭžyła na I kvartał 2024-ha dziejnaje skaračeńnie na 1 młn barelaŭ u sutki. Ź inšych krain: Irak skarocić zdabyču na 223 tys. barelaŭ u sutki, AAE — na 163 tys., Kuviejt — na 135 tys., Kazachstan — na 82 tys., Ałžyr — na 51 tys., Aman — na 42 tys. barelaŭ u sutki. Rasija asobna paabiacała pavialičyć skaračeńnie zdabyčy ź ciapierašnich 300 tys. da 500 tys. barelaŭ u sutki.

Hetyja paramietry ŭstupiać u siłu z 1 studzienia i buduć dziejničać da kanca sakavika 2024 hoda. Dalej APIEK+ budzie dziejničać pa situacyi. Nastupnaja «płanavaja» sustreča pavinna adbycca tam ža, u Vienie, 1 červienia.

Akramia taho, paviedamlajecca, što sa studzienia 2024-ha da APIEK+ dałučycca Brazilija.

Ceny na naftu da kanca listapada demanstravali źnižeńnie. Śpiecyjalisty tłumačyli heta nizkim popytam, rostam zapasaŭ i čakańniem sustrečy APIEK+. Jak adreahuje rynak na vyniki sustrečy, stanie zrazumieła padčas tarhoŭ u piatnicu.

Čytajcie taksama:

U najbujniejšych naftahazavych kampanij Rasii amal udvaja abvaliłasia vyručka — Centrabank

Jak Rasija viarnuła naftavyja dachody i što heta aznačaje dla nas usich

ZŠA prypynili sankcyi suprać vieniesuelskaj nafty, ale z palityčnymi ŭmovami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Uch/adkazać/
30.11.2023
Nu, heta prykładna 1 VLCC tankier za dzień. Kali ŭličyć, što adna tolki KSA ciaham 36 hadzinaŭ advantažvaje da 5, a to i 7 takich sudnaŭ adnačasova, dyk toje skaračeńnie nie takoje i adčuvalnaje. Ale tendencyja aŭnianaja.
1
Bobr/adkazać/
30.11.2023
Živia v Biełarusi eto była chorošaja novosť, a vot živia v Polšie eto chorošo ili płocho? Rasžujtie dla plebsa
1
Janka/adkazać/
01.12.2023
Bobr, budziecie bolš užyvać amierykanskaj nafty i mienš rasiejskaj. I aktyŭniej pierachodzić na alternatyŭnuju enierhietyku. Darečy, amierykanskaja kampanija Westinghouse buduje ŭ Polščy novuju AES, jakaja vidavočna budzie najbolš biaśpiečnaj u rehijonie i kančatkova pachavaje sumnieŭny va ŭsich sensach prajekt "BiełAES" Možacie nie chvalavacca, bo polskija ŭłady zaŭsiody demanstravali dalnabačnaść u śfiery dyviersifikacyi zabieśpiačeńnia krainy enierhanośbitami navat u časy, kali nikomu na Zachadzie heta ideja u hałavu nie prychodziła.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera