Znajści
Ałharytmičny łacinski varyjant
30.11.2023 / 18:401RusŁacBieł

«Ad čakańnia i hatoŭnaści lahčej nie stanovicca». Daradca Cichanoŭskaj — pra zatrymańnie maci

Daradca Cichanoŭskaj pa moładzievaj palitycy i studenctvie Marharyta Vorychava raskazała «Našaj Nivie» pra zatrymańnie maci.

Inesa Vorychava. Fota: archiŭ Marharyty Vorychavaj

Žančynu zatrymali siońnia ranicaj u Navapołacku. Pavodle słoŭ dziaŭčyny, zranku Inesu zabrali na dopyt z pracy, pratrymali tam čatyry hadziny. A potym rodnyja paviedamili Marharycie, što siońnia ci zaŭtra ŭ jaje maci projdzie sud. Pakul nieviadoma, u čym abvinavačvajuć žančynu.

Marharyta ličyć, što jaje aktyvizm — adzinaja pryčyna, z-za jakoj mahli pryjści da jaje maci.

«U jaje dahetul nie było ni zatrymańniaŭ, ni papiaredžvańniaŭ, ni razmoŭ z orhanami. Paśla navin pra Kaardynacyjnuju radu my ź joj čakali, što da jaje pryjduć, ale ad hetaha čakańnia i hatoŭnaści lahčej nie stanovicca. 

Mnie vielmi škada, što joj davodzicca prachodzić praz usie hetyja vykliki za mianie. I ahułam za toje, što režym vykarystoŭvaje rodnych jak srodak represij».

Marharyta Vorychava źjechała ź Biełarusi letam 2021 hoda padčas masavych represij u bok niedziaržaŭnych arhanizacyj i atak na lidaraŭ NDA. Tady dziaŭčyna, jak i ciapier, była prezidentkaj Biełaruskaha moładzievaha nacyjanalnaha savieta RADA. Z 6 žniŭnia 2023 hoda Vorychava pracuje daradcaj Cichanoŭskaj pa moładzievaj palitycy i studenctvie.

«Naša Niva» — bastyjon biełaruščyny

PADTRYMAĆ

U kaho i ŭ jakich vypadkach mohuć aryštavać majomaść

Biełaruska, jakaja pieražyła vostry psichoz i dźvie sproby samahubstva, zapuściła prajekt dapamohi ludziam ź mientalnymi prablemami

«Karonki dla zuboŭ viaźni rabili sami». Ekśpierty raskazali pra turemnuju miedycynu ŭ Biełarusi

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Zmahar/adkazać/
01.12.2023
…”Mnie vielmi škada, što joj davodzicca prachodzić praz usie hetyja vykliki za mianie. I ahułam za toje, što režym vykarystoŭvaje rodnych jak srodak represij”. Prabačcie, vy što nie razumieli, da hetaha momantu, u jakoj krainie žyli vy i žyvuć dahetul vašyja rodnyja?! Uvohulle, ci jość u biełaruskich arhanizacyjach ludzi z krytyčnym myślańniem albo adnyja tolki kretyny i infantyły?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera