Znajści
Ałharytmičny łacinski varyjant
30.11.2023 / 17:5014RusŁacBieł

Zatrymali dyrektara IT-kampanii. U sacsietkach jon chvalić Łukašenku i «Biełuju Ruś»

U zatrymanaha ŭ siabrach jość navat vykryty «Fłahštokam» homielski kadebist. Ale HUBAZiK usio roŭna «achryściŭ» jaho «bečebešnikam». A dyrektar celiŭ u deputaty.

Juryj Bal. Fota: jahony instahram

Zatrymany — 38-hadovy hamialčuk Juryj Bal. Jon skončyŭ Homielski dziaržaŭny ŭniviersitet imia Francyska Skaryny ŭ 2007-m, a z 2012-ha pracavaŭ u roznych IT-kampanijach na mieniedžarskich pasadach.

Amal dva hady tamu jon staŭ dyrektaram kampanii «Elitsoft», jakaja raspracoŭvaje rašeńni dla 1C. Asnoŭnyja klijenty kampanii — dziaržaŭnyja pradpryjemstvy i viedamstvy. Siarod ich — Fond sacyjalnaj abarony nasielnictva, Ministerstva zamiežnych spravaŭ, Homsielmaš i Biełarusnafta.

Admietna, što ŭ sacsietkach mužčyna chvalić Łukašenku, dziakuje «Biełaj Rusi», vinšuje ŭsich z savieckimi śviatami dy chvalicca vandroŭkami ŭ RF.

Skrynšoty ź instahrama Juryja

Siarod padpisak u instahramie — roznyja dziaržaŭnyja firmy i «Biełaja Ruś». A na jahonaj, užo vydalenaj, staroncy «Ukantakcie» ŭ siabrach jość Siarhiej Bajkoŭ, aŭtar taksičnych homielskich pablikaŭ. Dniami «Fłahštok» vykryŭ, što heta supracoŭnik homielskaha KDB Jaŭhien Bažok.

Skrynšot siervisu ru-world.net, jaki zachoŭvaje archiŭnyja staronki

Jaho zatrymali za roznyja padpiski na nieaktyŭnaj staroncy ŭ fejsbuku. Vyhladaje, što padpisaŭsia jon tam na niešta vielmi daŭno i, imavierna, zabyŭsia.

HUBAZiK nazyvaje jaho «bčb-dyrektaram» i zmušaje nazvać sumu zarobku — kala 14 tysiačaŭ rubloŭ u miesiac. Taksama vyjaviłasia, što mužčyna chacieŭ nieŭzabavie bałatavacca ŭ haradskija deputaty — mahčyma, jahonyja płany nie ažyćciaviacca.

«Naša Niva» — bastyjon biełaruščyny

PADTRYMAĆ

Čytajcie taksama:

Za kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli

Jak zaścierahčy siabie ŭ VK, Facebook i «Adnakłaśnikach» — padrabiazny hajd

HUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kadebeee/adkazać/
30.11.2023
Ty vinavaty tym, što chočacca nam jeści.
0
Kinoman/adkazać/
01.12.2023
Kadebeee, "Ty, Choda, sidiš śliškom na bolšom kuskie piroha" Sieriał "Krot"
0
Hubaza/adkazać/
01.12.2023
Ničieho, projdiet čieriez našie čistiliŝie i po nackvotie dopustim bałłotirovaťsia v VNS
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera