Znajści
Ałharytmičny łacinski varyjant
30.11.2023 / 09:19RusŁacBieł

Upieršyniu ŭ historyi futbolnaj Lihi čempijonaŭ na trenierskaj łaŭcy źjaviłasia žančyna

U minułym siezonie bierlinski «Unijon» staŭ hałoŭnaj siensacyjaj Bundeślihi. Kłub zaniaŭ 4-je miesca ŭ čempijanacie i atrymaŭ prava zhulać u Lizie čempijonaŭ. Ale voś uvosień 2023 hoda spravy ŭ kłuba nie załadzilisia.

Maryja-Łuiza Eta. Fota: Boris Streubel / Getty Images

«Unijon» na starcie Bundeślihi siezona 2023-2024 vyjhraŭ dva matčy, a potym była sieryja ź dzieviaci parazaŭ zapar i kłub apuściŭsia na pieradapošniaje miesca ŭ turnirnaj tablicy. U Lizie čempijonaŭ bierlincy atrymali čatyry zapar parazy (+ paraza ŭ Kubku Niamieččyny).

U siaredzinie listapada kiraŭnictva kłuba adpraviła ŭ adstaŭku hałoŭnaha treniera Ursa Fišera, jaki pracavaŭ u kamandzie z 2018 hoda i staŭ adnym z hałoŭnych tvorcaŭ «bierlinskaha cuda».

Hałoŭnym trenieram spačatku časova pryznačyli Marka Hrote, a jaho asistentam Maryju-Łuizu Etu. Na minułym tydni jana stała pieršaj žančynaj-pamočnikam treniera ŭ historyi Bundeślihi, a ŭčora, na matčy z partuhalskaj «Brahaj», pieršaj žančynaj u historyi Lihi čempijonaŭ na trenierskaj łaŭcy.

Maryi-Łuizie 32 hady, jana rodam z Drezdena.

Na moładzievym uzroŭni bolšuju častku karjery dziaŭčyna praviała ŭ «Turbinie», vyjhraŭšy ź im Lihu čempijonaŭ (2010 h.), Bundeślihu (2009, 2010 i 2011 hh.), a jašče Kubak Niamieččyny (2009 i 2010 hh). U darosłym futbole Maryja-Łuiza vystupała za kłub Bundeślihi-2 — bremienski «Vierder» — na pazicyi atakujučaha paŭabaroncy, pišuć vedomosti.ru.

Kali zaviaršyła hulniavuju karjeru, to pajšła pracavać u Akademiju «Vierder», dapamahajučy trenieram ź videarazborami, a potym dałučyłasia da «Unijona», dzie pracavała ŭ mužčynskaj moładzievaj kamandzie, paznajomiŭšysia z Marka Hrote.

Maryja-Łuiza prajšła navučańnie na trenierskuju licenziju Pro. Na kursie było zvyš za 100 trenieraŭ, ale da finału viasnoj 2023 h. dajšli tolki 16 čałaviek. Siarod ščaśliŭčykaŭ Mary-Łuiza była adzinaj dziaŭčynaj.

Eta i Hrote ŭžo paśpieli pakiravać «Unijonam» na minułym tydni ŭ matčy Bundeślihi suprać «Aŭhsburha». Hulnia zaviaršyłasia ź likam 1:1, i heta byli pieršyja ački ŭ Bundeślizie za try miesiacy.

26 listapada «Unijon» uznačaliŭ 52-hadovy charvat Nienad Bielica. Učora bierlincy ŭ Lizie čempijonaŭ zhulali ŭ haściach z «Brahaj» — 1:1. Jany pakul zajmajuć apošniaje miesca ŭ hrupie, ale ŭ apošnim tury bierlinski kłub prymie doma niematyvavany «Reał», što daterminova finišavaŭ u hrupie pieršym.

Pieramoha nad ispancami i asiečka «Brahi» ŭ matčy z «Napali» vyvieduć «Unijon» u płej-of Lihi Jeŭropy.

U hetu subotu «Unijon» čakaje ŭ Bundeślizie surjozny ispyt. Kłub jedzie ŭ hości da «Bavaryi».

Čytajcie taksama:

Suprać Kryšcijanu Ranałdu padali pazoŭ na $1 miljard

Litoŭcy nie chočuć prymać futbolnuju zbornuju Biełarusi ŭ svajoj krainie

Minskaje «Dynama» stała čempijonam Biełarusi pa futbole

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera