Znajści
Ałharytmičny łacinski varyjant
29.11.2023 / 23:0610RusŁacBieł

Stali viadomyja padrabiaznaści zatrymańnia kiraŭnika Biarozaŭskaha miasakansiervavaha kambinata

Pra zatrymańnie hiendyrektara Biarozaŭskaha miasakansiervavaha kambinata Uładzimira Žukoviča «Naša Niva» paviedamlała jašče dva tydni tamu. Ciapier stali viadomyja detali hetaj spravy.

Uładzimir Žukovič. Skryn videa ANT

Padrabiaznaści raskazali ŭ siužecie ANT.

Uładzimira Žukoviča spynili ŭ mašynie adrazu paśla atrymańnia chabaru. Va ŭnutranaj kišeni pinžaka ŭ jaho znajšli 22 tysiačy rubloŭ. Hrošy Žukoviču pieradaŭ zasnavalnik kampanii «Mittrejd-inviest» Siarhiej Orlikaŭ — za zaklučeńnie damovy na pastaŭki charčovych dabavak dla kambinata. Na dziaržTB kažuć, što jon davaŭ Žukoviču pa 7 tysiač rubloŭ raz na kvartał, minimum z 2015 hoda.

Orlikava taksama zatrymali.

Dla pieradačy chabaru jany sustrakalisia ŭ prydarožnym kafe «Ampir» ad kambinata, dzie jość tajemnyja bankietnyja zały i na ŭvachodzie ŭ jakija niama videanazirańnia.

U kabiniecie Žukoviča znajšli hłušyłku radyjosihnałaŭ i pryładu, kab znachodzić schavanyja aŭdyja– i videazapisvalnyja pryłady.

Raskazvajecca, što hiendyrektar miasakansiervavaha kambinata raniej vykupiŭ byłuju bazu adpačynku na bierazie voziera Biełaje ŭ Biarozaŭskim rajonie — pad ahrasiadzibu. Aformili jaje na žonku Orlikava.

U siužecie śćviardžajecca, što Žukovič taksama zakuplaŭ syravinu ŭ sielhasvytvorcaŭ Biarozaŭskaha, Drahičynskhaa i Pružanskaha rajonaŭ, a hrošy za pastaŭku pieravodziŭ nie im niepasredna, a pryvatnamu aŭtaservisu. Zasnavalnik taho aŭtaservisu — syn Žukoviča.

Pry hetym na samim kambinacie rehularna spravazdačylisia pra pasiadžeńni kamisii pa supraćdziejańni karupcyi.

Žukovič i Orlikaŭ, jak śćviardžajecca, u vyniku dali pryznalnyja pakazańni. Ciapier praviarajuć, ci davali hiendyrektaru miasakansiervavaha kambinata chabary inšyja firmy.

Biarozaŭski miasakansiervavy kambinat — samaje vialikaje ŭ krainie pradpryjemstva pa pierapracoŭcy miasa. Jamu padparadkavanyja niekalki pradpryjemstvaŭ u Bresckaj vobłaści, u tym liku Baranavicki miasakambinat. 

Filei, basturma, kaŭbasy hetaha zavoda znachodziacca navat u tych abłaściach, dzie jość svaje pierapracoŭščyki. Hety ž kambinat — lidar u pastaŭkach pierapracavanaha miasa ŭ Rasiju. 

Jak paviedamiŭ MUS, sioleta było zafiksavana 2700 złačynstvaŭ u śfiery ekanomiki, ź ich kožnaje treciaje — u sielskaj haspadarcy.

Čytajcie taksama:

«Adnym ź pieršych jaho ŭkazańniaŭ stała ŭstanoŭka videakamier». KDB raskazaŭ bolš pra aryšt dyrektara «Babuškinoj krynki»

26 čałaviek zatrymanyja. Łukašenka raspavioŭ pra «małočnuju spravu»

Byŭ Elkind, staŭ Skitaŭ. Historyja dyrektara «Babuškinaj krynki» i zakuliśsie impieryi kiraŭnictva spraŭ Łukašenki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Josik/adkazać/
30.11.2023
Usio vakoł saŭhasnaje, usio vakoł majo. Naležyŭ by hety kambinat pryvatnym asobam, nie było b tych chabaraŭ. Źnižki, svoječasovyja raźliki z pastaŭščykami, i nikomu nie treba ŭ kišeniu ničoha kłaści dy chavać. A samaje cikavaje, što ich kandydatury ŭzhadniaje asabista były dyrektar saŭhasa-miljonščyka. Hladziać pryznačency, jak toj były zapuskaje ruku ŭ nie svaju kišeniu (biudžet krainy) i dumajuć A čym my chužejšyja? Miech z bulbaj, a nie kiraŭnik krainy, kudy nie pahladziš, paŭsiul chabarniki - ad asabistaj achovy da apošniaha cecha drevaapracoŭki.
0
Kosht Volí/adkazać/
30.11.2023
Sam vytvaryu-- a ciapier sam i zmahajecca.Jaki česny "priezidient". Jak jen tam  abraziu? Zmahary? Dyk hetki zmahar z karupcyjaj🤡.
0
daviedka /adkazać/
30.11.2023
Vot priznajtieś, na koho piervoho každyj iz nas podumajet, pročitav zahołovok vidieo ONT: «Zadieržan [...]: dorohije avtomobili, ujma imuŝiestva, chitryje schiemy»?!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031