Znajści
Ałharytmičny łacinski varyjant
29.11.2023 / 22:5712RusŁacBieł

Cichanoŭskaja praviała ŭ Vilni bryfinh z pasłami 30-ci krain, siarod jakich i pasoł Armienii

Heta samaja vialikaja sustreča z dypłamatami, jakuju Śviatłana Cichanoŭskaja mieła ŭ Vilni. U bryfinhu ŭdzielničali pasły bolšaści krain Jeŭrasajuza, a taksama Vialikabrytanii, Narviehii, Japonii, Izraila, Kanady i navat Małdovy i Armienii.

Fota pres-słužby Cichanoŭskaj

Sustreču arhanizavała pasolstva Ispanii ŭ Vilni, jakaja staršyniuje ciapier u Jeŭrapiejskim sajuzie. Na sustreču zaprasili jak dypłamataŭ z krainaŭ ES, tak i inšych krainaŭ, akredytavanych u Litvie.

Usiaho ŭ sustrečy ŭziali ŭdzieł pasły nastupnych krain:

Bielhija, Kipr, Luksiemburh, Bałharyja, Češskaja Respublika, Vienhryja, Rumynija, Niamieččyna, Łatvija, Danija, Estonija, Finlandyja, Šviecyja, Italija, Francyja, Niderłandy, Ispanija, Irłandyja, Hrecyja, Polšča, Charvatyja, Vialikabrytanija, Narviehija, Japonija, Armienija, Izrail, Małdova, Kanada.

Źviartaje na siabie ŭvahu prysutnaść siarod inšych dypłamataŭ pasła Armienii, jakaja jašče niadaŭna była sajuźnicaj Rasii, ale ciapier usio bolš zaŭvažna mianiaje palityčnuju aryjentacyju na prazachodniuju.

Fota pres-słužby Cichanoŭskaj

Padčas sustrečy Cichanoŭskaja raspaviała pra situacyju z palitviaźniem Mikołam Statkievičam, kali viestak pra jaho niama nastolki doŭha, što chodziać čutki navat pra jaho śmierć, a taksama pra inšych palitviaźniaŭ, mnohija ź jakich znachodziacca ŭ niavoli ŭ ciažkim stanie.

«Pavažanyja dypłamaty, prašu vašaj dapamohi. Ja prašu vas i vašyja stalicy publična zapatrabavać dostupu da palitviaźniaŭ, zapatrabavać ich nieadkładnaha vyzvaleńnia i zaklikać instytuty AAN źviarnuć uvahu na hetuju situacyju. Bieź cisku i mižnarodnaj uvahi režym praciahnie zabivać našych ludziej za kratami», — adznačyła Cichanoŭskaja.

Taksama jana padkreśliła važnaść temy «Jeŭrapiejskaja budučynia Biełarusi — Jeŭrapiejski Sajuz», pad znakam jakoj budzie prachodzić 2024 hod:

«Siońnia nam nie patrebny abiacańni siabroŭstva; pra heta havaryć zaŭčasna. Ale my možam pačać rychtavać, naprykład, pahadnieńnie ab asacyjacyi. Nam patrebny sihnał ab tym, što dźviery Jeŭropy buduć adčynieny dla našaj krainy ŭ budučyni.

My pavinny pakazać biełarusam usie pieravahi być ź Jeŭropaj, a nie z Rasijaj», — zajaviła demakratyčnaja lidarka.

Taksama na sustrečy havaryli pra padtrymku represavanych režymam i pra pytańni lehalizacyi biełarusaŭ dy vydaču pašpartoŭ zamiežnika. 

Čytajcie taksama:

Cichanoŭskaja prapanavała dapamahać uładam Łatvii ŭ vieryfikacyi biełarusaŭ, jakija ŭjazdžajuć u krainu

Cichanoŭskaja: Jak i 100 hadoŭ tamu, Rasija nasadžaje ŭłasnyja idei, kab źniščyć naša prava na samavyznačeńnie

«Dapamažycie nam vyrvać Biełaruś z kipciuroŭ Rasii» — Cichanoŭskaja ŭ Niamieččynie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Tysiača maleńkich šahov v nužnom napravlenii/adkazać/
30.11.2023
Požałuj, s takim bahažom v biezłukašienkovskoj Biełarusi ona vpołnie možiet prietiendovať jeśli nie na miesto Łukašienko, to na miesto Alejnika točno.
2
łukavyja-2/adkazać/
30.11.2023
vam treba Łukašenka-2?
1
pinžak zašpilvajecca tolki na bułaŭku ŭžo/adkazać/
30.11.2023
Jadviha, nazavicie choć adnaho razumnaha mužčynu-palityka. sučasnaha
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031