Znajści
Ałharytmičny łacinski varyjant
30.11.2023 / 09:378RusŁacBieł

Stamatołah z Kapyla zapiarečyŭ čynoŭnikam: Źnižać ceny — my pacierpim stratu

Svaim mierkavańniem pra niemahčymaść źnizić ceny na stamatałahičnyja pasłuhi padzialiŭsia doktar z rajcentra. 

Skryn videa z tyktoku

Vykonvajučy abaviazki zahadčyka stamatałahičnaha adździaleńnia Kapylskaj centralnaj rajonnaj palikliniki Uładzimir Dvarecki ŭ tyktok-kanale @konylnews zaŭvažyŭ, što nie vielmi zhodny z pastanovaj Minzdaroŭja, jakaja źnižaje ceny na stamatałohiju.

Abhruntoŭvajučy svaju pazicyju, doktar adznačyŭ, što ceny i tak nizkija. Jon pryvioŭ prykłady: acetałavy pratez — niedzie 360 rubloŭ, płastmasavaja karonka — 50-55 rubloŭ, prosty zdymny pratez — ad 165 rubloŭ.

Prejskurant na lačeńnie zuboŭ u płatnym kabiniecie, pa słovach Dvareckaha, taksama dastupny. U siarednim płomba na adnakarniavy abydziecca ŭ 50-60 rubloŭ, na šmatkarniavy — u 100-110.

«Źnižać ceny — faktyčna heta pacierpim stratu my i ŭsie», — ličyć Dvarecki i raspaviadaje, što daktaram ź leta pavialičyli płany na 20 pracentaŭ pry zachavańni taho ž uzroŭniu cenaŭ.

Doktar źviartaje ŭvahu, što vykanańniu płanaŭ nie spryjaje źmianšeńnie kolkaści klijentaŭ. «Kali ja pačynaŭ u 1981 hodzie pracavać, było ŭ rajonie 62,5 tysiačy nasielnictva. Ciapier — kala 27 [tysiač]. Tamu i mienš ludziej prychodzić. U asnoŭnym ludzi piensijnaha ŭzrostu».

U paliklinicy, pa słovach Dvareckaha, nie robiać mietałakieramiku. «Raniej možna było ŭsio heta, ale [ciapier nie] nie pa našaj vinie. Heta ŭsio pa inšych pryčynach», — zaŭvažyŭ doktar biez kankretyzacyi.

Ale ŭ kamientarach ludzi vykazali svaju niazhodu ź mierkavańniem, što ceny nizkija.

@kopylnews#news#kopyl#kopylskijrajon#novostikopyl#miedicina#stomatołohija#cieny♬ orihinalnyj zvuk - Kopyl|Novosti

«Diadzia, ty honiš. U nas zarobak 500 r. Ja sabie navat prosta kamień pačyścić nie mahu», — piša adzin karystalnik.

«Pavažany, vy pra što havorycie, u ludziej na pieryfieryi z/p. 500-700, vy dumajecie, jak ludziam? Jany nie ŭ siłach paciahnuć i vašyja dziarž. ceny na pratezy», — zaŭvažaje inšy.

«Nifiha sabie nizkija, dziadzia, ty čaho harodziš??» — dadaje jašče adzin.

«Pry piensii 530, płomba ad 110, a kali nie adna, a doktar jašče da hetaj płomby znojdzie jašče što-niebudź, zapłaci kamunałku i žabruj», — padličvaje nastupny.

Inšyja zaŭvažyli, što doktar nie pryvioŭ ceny na spadarožnyja pasłuhi: «Da karonki, kab padrychtavać rot, treba stolki apłacić, što hałava chistajecca… Płomba 110, a tam pulpit, a lakarstva pakłaści, a ŭkałoć, abiazbolić…»

«Źmienšyŭsia patok ludziej??? Ludzi bajacca cen», — dadaje inšy.

Jašče adzin karystalnik prapanavaŭ: «Kali havaryć, što ceny nizkija, to treba ahučyć i siaredni zarobak u Kapyli».

Niekatoryja vykazvalisia pra daktaroŭ i ich zarobki: «Ni adzin stamatołah nie žyvie ŭ halečy, žyvuć daj Boh kožnamu. Pasprabujcie našy z/p. Za stamatołahaŭ daŭno treba dziaržavie bracca». «Nu jamu tanna, bo z/p u jaho narmalnaja. A pra astatnich jon nie dumaje». «Pa svaich zarobkach hladziać, a prosty rabaciaha sa svaim zarobkam što moža palačyć». «Niachaj ahučyć svoj zarobak. Što dla jaho i tak nizkija ceny i źnižać niama kudy!»

Niekatoryja źviartali ŭvahu, što ŭ dziaržaŭnych stamatałohijach ceny jašče bolš-mienš, a voś u pryvatnych vielmi doraha.

Siarod vialikaj kolkaści kamientaroŭ možna adšukać tolki niekalki, jakija pahadžajucca ź mierkavańniem: «Ja niadaŭna lačyła zuby, narmalnyja ceny, składany zub 150 r, prosta karyjes 50. Što ciapier kupiš na 50 r».

Čytajcie jašče:

«Jak možna źmienšyć košt pasłuhi adrazu na 40 pracentaŭ?» Stamatołahi pra namiery Minzdaroŭja abmiežavać ceny

Sučasnyja mietodyki ŭ dohladzie zuboŭ: raspaviadajuć pieradavyja minskija stamatołahi 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Josik/adkazać/
30.11.2023
Buduć im tannyja płomby - z cemientu. Vielmi chutka lacim u SSSR, vielmi chutka. Na piamiać prychodzie: ..nie spynić, nie strymać. Ale ŭ inšym kantekście.
0
UVC/adkazać/
30.11.2023
počti piensionier, A za kaho hety piensijanier hałasavaŭ 23.05.1994 i 10.06.1994, ha?
0
Ilja/adkazać/
30.11.2023
počti piensionier, a vy kak-to vyskazali svoj protiest protiv tiekuŝiej situacii? Maksimum na kuchnie vied́. Značit vsio ustraivajet
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031