Znajści
Ałharytmičny łacinski varyjant
29.11.2023 / 15:113RusŁacBieł

U Kyrhyzstanie vyrašyli trochi źmianić vyhlad ściaha, kab «nie być bolš zaležnymi» 

Deputaty Žahorku Kienieša (parłamienta) na pasiadžeńni 29 listapada ŭ pieršym čytańni prahałasavali za zakonaprajekt, jaki praduhledžvaje źmianieńnie dziaržaŭnaha ściaha. U hetaj siarednieazijackaj krainie zakonaprajekty prymajucca ŭ troch čytańniach, a važnyja ŭ čatyroch.

Inicyjatyvu padtrymali 66 deputataŭ, suprać prahałasavali 8 parłamientaryjaŭ, piša Radyjo Svaboda — Kyrhyzstan.

Prapanavany inicyjatarami novy varyjant ściaha vyklikaŭ burnaje abmierkavańnie hramadskaści. U sacyjalnych sietkach mnohija karystalniki taksama vykazali niazhodu sa źmienaj ciapierašniaha ściaha i vykazvajuć krytyku z nahody taho, što narodavybrańniki pavinny zajmacca inšymi, bolš aktualnymi pytańniami. Vykazalisia taksama suprać i niekatoryja deputaty.

«Źmiena dziaržaŭnaha ściaha — heta šturšok da pierapisvańnia historyi. Ja nie baču sensu ŭ źmienie ściaha, u zdradzie našamu ściahu», — skazaŭ parłamientaryj Dastan Biekiešaŭ. Jaho kaleha Erułan Kokułaŭ vykazaŭ mierkavańnie, što treba było b pravieści refierendum.

Siońniašni ściah. Radyjo Svaboda — Kyrhyzstan

Ideju ab nieabchodnaści źmienie soniečnych pramianioŭ na ściahu ŭ kastryčniku ahučyŭ śpikier parłamienta Nurłanbiek Šakijeŭ. Na jaho dumku, vyjava tunduka (kanstrukcyja śfieryčnaj formy, jakaja viančaje kyrhyzskaje žyllo-jurtu i źjaŭlajecca śvietłavym aknom) i soniečnych pramianioŭ u centry ściaha padobnyja da słaniečniku, ich varta vyprastać. 

Eskiz novaha ściaha. Fota: kaktus.media

Ściah Kyrhyzstana — čyrvonaje pałotnišča z soniečnym dyskam u centry. 40 pramianioŭ aznačajuć abjadnańnie staražytnych plamionaŭ. Unutry sonca namalavany tunduk — kanstrukcyja śfieryčnaj formy, jakaja viančaje kyrhyzskuju jurtu. Na ściahu pramiani sonca vyhnutyja, a tunduk składajecca z troch dubcoŭ. U novym varyjancie prapanujuć promni vyprastać i zrabić tunduk z čatyroch dubcoŭ.

Prezident Sadyr Žaparaŭ u kastryčniku padtrymaŭ źmienu ściaha. Jon adznačyŭ, što nie raz žychary i hości krainy paraŭnoŭvali malunak na ściahu sa słaniečnikam. Na dumku Žaparava, kali deputaty ŭchvalać źmianieńnie ściaha, to «z hetaha času my nie budziem zaležnymi».

«My pavinny spadziavacca, što z hetaha času budziem raźvitoj i samastojnaj krainaj, padobna promniam sonca na našym ściahu, jakija ŭvachodziać praz tunduk», — skazaŭ tady Žaparaŭ.

Dziaržaŭny ściah Kyrhyzstana byŭ zaćvierdžany pastanovaj Žahorku Kienieša ad 3 sakavika 1992 hoda. 5 sakavika jon upieršyniu byŭ uźniaty nad budynkam urada Kyrhyzstana.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
u zachodziačaje sonca/adkazać/
29.11.2023
łukavyja svoj fŁAH dva razy mianiali i nikoha nie pytali
0
Kazik/adkazać/
29.11.2023
Stary styloviej. Novy kalučy, promni niby na šrubach
1
Maksim Dizajnier/adkazać/
29.11.2023
Ja snačała podumał, čto chotiat iźmieniť "Ch", kotoryj nie to, čto pochož, a odin v odin s łohotipom Xerox. A tut poka tolko łuči. Rukalico
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031