Znajści
Ałharytmičny łacinski varyjant
29.11.2023 / 12:262RusŁacBieł

Ułady pieradumali ŭvodzić niekatoryja źmieny pa padatkach. Jany tyčacca kvater i zamiežnych rachunkaŭ

Deputaty ŭ druhim čytańni pryniali źmieny ŭ zakony pa padatkach. Pahladzieli, što ŭviaduć dla fizičnych asob i indyvidualnych pradprymalnikaŭ.

Raniej biełaruskija zakonatvorcy chacieli pavysić staŭki padatku na nieruchomaść dla fizičnych asob, jakija majuć va ŭłasnaści darahuju nieruchomaść. U zaležnaści ad jaje płoščy padatak prapanavali pavysić u 2-5 razoŭ — z 0,1 da 0,5% ad koštu adnaho kvadratnaha mietra.

Ale ad idei vyrašyli admovicca. Pry hetym, hetyja źmieny zakranuć kamiercyjnuju nieruchomaść.

Ułady taksama źbiralisia abaviazać fizičnych asob paviedamlać pra adkryćcio i zakryćcio rachunkaŭ u zamiežnych bankach. Ale źmieny nie buduć uvodzić.

Raniej takoje patrabavańnie ŭžo isnavała i było skasavanaje. Taki abaviazak ciapier jość tolki ŭ jurydyčnych asob.

A voś jakija prapanavanyja raniej źmieny pakinuli ŭ sile.

U zakonaprajekcie zastajecca norma pra pavieličeńnie staŭki padatku na prybytak da 25 pracentaŭ pry atrymańni prybytku zvyš 25 młn rubloŭ u hod.

Pavyšany padachodny padatak u pamiery 25 pracentaŭ, buduć płacić i fizičnyja asoby, čyj hadavy dachod pieravyšaje 200 tysiač rubloŭ (kala 64 tysiač dalaraŭ pa biahučym kursie). Pavyšany kaeficyjent budzie prymieniacca ŭ dačynieńni da častki dachodaŭ, jakaja pieravyšaje 200 tysiač rubloŭ za kalandarny hod.

Niekatoryja źmieny taksama čakajuć indyvidualnych pradprymalnikaŭ. U zakonaprajekcie praduhledžvajecca ŭstanaŭleńnie staŭki padachodnaha padatku ŭ pamiery 30 pracentaŭ pry atrymańni vałavoj vyručki zvyš 500 tysiač rubloŭ (kala 160 tysiač dalaraŭ) u hod.

Aproč hetaha, IP, čyja vałavaja vyručka pieravysić hety pakazčyk, z nastupnaha hoda buduć abaviazany spynić svaju dziejnaść u jakaści IP. Dla praciahu kamiercyjnaj dziejnaści im u abaviazkovym paradku daviadziecca zarehistravać jurydyčnuju asobu.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Karejka/adkazać/
29.11.2023
Dla kaho pieradumali nakont padatka na elitnuju nieruchomaść i rachunki za miažoj? Dla naroda zrabili? Nie, dla siabie zrabili, dla Siamiejki i ŭsiaho prykarytnaha aparata, jaki zaviecca viertykal. 
0
Strana dla žiźni/adkazać/
29.11.2023
Koniečno, tak nazyvajemyje duputaty ,imiejuŝije po mnohu kvartir v sobstviennosti nie hotovy povyšať nałohi dla siebia. Jeśli b dla narodca, to było by jedinohłasno
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031