Znajści
Ałharytmičny łacinski varyjant
29.11.2023 / 09:16RusŁacBieł

Politico nazvaŭ samych upłyvovych ludziej śvietu. Na pieršym miescy ŭ Jeŭropie čałaviek, jaki pakul nie zajmaje nijakaj pasady

Suśvietnyja ŚMI pačynajuć padvodzić vyniki 2023 hoda. Amierykanski časopis Politico zrabiŭ svaju viersiju.

Samym upłyvovym čałaviekam Jeŭropy Politico nazvaŭ byłoha polskaha premjera i eks-staršyniu Jeŭrapiejskaj rady Donalda Tuska, jaki najbližejšym časam, chutčej za ŭsio, znoŭ uznačalić urad Polščy.

Donald Tusk, lidar Hramadzianskaj kaalicyi, imavierna, praz dva tydni znoŭ stanie premjer-ministram Polščy. Fota: AP Photo / Petr David Josek

«Na praciahu dvuch dziesiacihodździaŭ dva čałavieki viali bitvu za dušu Polščy. U sinim kucie — baraćba za demakratyčnaje, sučasnaje, jeŭrapiejskaje bačańnie budučyni: Donald Tusk, były premjer-ministr, jaki zajmaŭ pasadu prezidenta Jeŭrarady, pierš čym viarnucca ŭ jakaści lidara centrysckaj apazicyi; u čyrvonym kucie — baraćba za tradycyjanalistaŭ, katalickich kansiervataraŭ, nacyjanalistaŭ: Jarasłaŭ Kačyński, lidar kiroŭnaj partyi «Zakon i spraviadlivaść» (PiS). U kožnaha čałavieka byŭ šaniec sfarmavać Polšču pa svaim vobrazie i padabienstvie tolki dla taho, kab toj ci inšy paviarnuŭ čas nazad. Ciapier, paśla vaśmi hadoŭ kiravańnia Kačyńskaha, kraina staić na parozie novaj ery Tuska, i viecier pieramienaŭ znoŭ dźmie», — havorycca ŭ tłumačeńni Politico.

«Dziejačam hoda» žurnalisty nazvali premjera Italii Džordžu Miełoni.

Uładzimir Zialenski i Džordža Miełoni. Fota: Johanna Geron / AP

«Prychod Džordžy Miełoni na pasadu premjer-ministra Italii ŭ minułym hodzie vyklikaŭ dryžyki ŭ chrybietnikach centrystaŭ pa ŭsim kantyniencie i pa-za jaho miežami. Brusel rychtavaŭsia da taho, što siabra postfašysckaj partyi atrymaje miesca (i prava hołasu) za hałoŭnymi stałami, papoŭniŭšy šerahi «prablemnych dziaciej» ES. Kijeŭ rychtavaŭsia da taho, što Italija vyjdzie z hrupy i pasprabuje źmiakčyć padtrymku Ukrainy i admianić sankcyi suprać Rasii. Ale praz hod paśla taho, jak Miełoni stała lidaram treciaj pa vieličyni ekanomiki ES, jana padmanuła čakańni — i stvaryła značny (choć i aściarožny) fan-kłub», — kanstatuje Politico.

Prezident Ukrainy Uładzimir Zialenski zaniaŭ pieršaje miesca ŭ katehoryi «Letucieńniki».

«Uinstan Čerčyl. Marcin Lutar Kinh, Nelsan Mandeła. Čas ad času źjaŭlajecca lidar i ŭ adzinočku mianiaje chod historyi, nie dziakujučy mocy svajoj armii abo mocy svajoj ekanomiki, a dziakujučy sile svaich słoŭ. Prezident Ukrainy Uładzimir Zialenski źjaŭlajecca takim lidaram», — kanstatuje vydańnie.

Alaksiej Navalny viarnuŭsia ŭ Rasiju 17 studzienia 2021 hoda i byŭ ahułam asudžany na 19 hadoŭ. Fota: Contributor / Getty Images

Alaksiej Navalny zaniaŭ u katehoryi «Letucieńniki» druhoje miesca. Politico nazvaŭ jaho «rasijskim Nelsanam Mandełam».

«Niahledziačy na ŭsie namahańni prezidenta Uładzimira Pucina atrucić i izalavać Navalnaha, apazicyjanier praciahvaje natchniać inšadumstva, pryciahvajučy ŭvahu da žorstkaha abychodžańnia dyktatara sa svaimi vorahami».

Andrej Jarmak. Fota: UNIAN

U śpisie Politico — katehoryja «Dziejačy» — taksama trapili kiraŭnik Jeŭrakamisii Ursuła fon der Lajen (jaje Politico nazvaŭ «karalevaj»), prezident Francyi Emanuel Makron (jaho Politico žartaŭliva nazvaŭ «Manu vyzvaleny» pa asacyjacyi ź filmam Tarancina), kiraŭnik Ofisa prezidenta Ukrainy Andrej Jarmak (Zialony kardynał Kijeva), prezident Turcyi Redžep Taip Erdahan (pasiarednik), francuzski palityk Maryn Lo Pen (rebrendynh).

Z poŭnym śpisam i tłumačeńniami možna aznajomicca tut.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031