Znajści
Ałharytmičny łacinski varyjant
28.11.2023 / 23:234RusŁacBieł

Pucin zaklikaŭ rasijan naradžać pa vosiem dziaciej. U realnaści dynamika inšaja

Rasija sutyknułasia z «najskładaniejšymi demahrafičnymi vyklikami», a kab ich pieraadoleć, treba adradžać tradycyi šmatdzietnaści ŭ siemjach, zajaviŭ 28 listapada aŭtorak rasijski prezident Uładzimir Pucin.

Fota: TASS

U mnohich narodaŭ Rasii «zachoŭvajecca tradycyja mocnaj, šmatpakalennaj siamji, dzie vychoŭvajucca čaćviora, piaciora i bolš dziaciej», skazaŭ Pucin, vystupajučy na pasiadžeńni Suśvietnaha ruskaha narodnaha sabora.

Jon nahadaŭ, što ŭsiaho niekalki pakaleńniaŭ tamu — u časy babul dy prababul ciapierašnich rasijan — u siemjach było pa siem-vosiem dziaciej, a to i bolš.

«Davajcie hetyja vydatnyja tradycyi źbierahać i adradžać. Šmatdzietnaść, vialikaja siamja pavinny stać normaj, ładam žyćcia dla ŭsich narodaŭ Rasii», — cytuje Pucina pres-słužba Kramla.

Miž tym, jak adznačaje vydańnie The Moscow Times, pa vynikach pieršaha paŭhodździa 2023 hoda kolkaść narodžanych u Rasii dziaciej źmienšyłasia jašče na 3%, da 616,2 tysiačy, a ŭ červieni akazałasia i zusim minimalnaj za ŭsiu historyju nazirańniaŭ — 104,4 tysiačy, što na 6,7% mienš, čym na hod raniej.

Z časoŭ anieksii Kryma, to-bok z taho času, jak Rasija stała kančatkova «padymacca z kaleniaŭ», kolkaść naradžeńniaŭ dziaciej u Rasii ŭstojliva źnižajecca i abvaliłasia ŭžo amal na tracinu: 1,942 młn u 2014 hodzie, 1,94 młn u 2015-m, 1,888 młn u 2016-m, 1,69 młn u 2017-m, 1,604 młn u 2018-m, 1,481 młn u 2019-m, 1,436 młn u 2020-m, 1,398 młn u 2021-m, 1,306 młn — u 2022-m.

Pa vynikach 2023 hoda, zhodna z prahnozam Rasstata, kolkaść narodžanych u Rasii skarocicca da 1,244 młn i stanie minimalnym pakazčykam z 1990-ch, a ŭ nastupnyja hady prabje i hety minimum: 1,171 młn dziaciej u 2024-m, da 1,153 młn — u 2025-m, 1,143 młn — u 2026-m.

Čytajcie taksama:

«Nas na*bali i vas na*buć». Žonki mabilizavanych RF apublikavali žorstkuju pietycyju. Ale jość niuans

Žonka mabilizavanaha rasijanina kuplaje na jaho zarobki darahija hadžety, a na škarpetki mužu źbiraje hrošy ŭ padpisčyc

Za ŭdzieł u vajnie z Ukrainaj Pucin pamiłavaŭ sachalinskaha ludajeda

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Glock17 /adkazać/
29.11.2023
Nie, nu tut da babki nie chadzi. Dakładna, iznoŭ pi*arasy vinavatyja..
0
nazad k Domostroju/adkazać/
29.11.2023
"Davajcie hetyja vydatnyja tradycyi źbierahać i adradžać. Šmatdzietnaść, vialikaja siamja"
a kto ich budiet kormiť? a! sami. nazad - k płuhu. v pole. s 6 let
0
Josik/adkazać/
29.11.2023
A potym - jakaja piensija, idzi da praŭnukaŭ, chaj dahladajuć. Dy skazaŭ by, što viartajemsia da časoŭ Mikałaja II, u sałdaty na hadoŭ 10-15 zabirać, łapci dy inšy treš u XXI stahodździ samaje lepšaje dla rasiei i rasiejcaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera