Znajści
Ałharytmičny łacinski varyjant
28.11.2023 / 19:353RusŁacBieł

Pamierła praŭnučka Franciška Bahuševiča

Pajšła ŭ lepšy śviet pani Krystyna Šmańda — praŭnučka kłasika biełaruskaj litaratury Franciška Bahuševiča. Sumnuju navinu z Varšavy paviedamiŭ u fejsbuku žurnalist Viktar Šukiełovič.

Krystyna Šmańda naradziłasia ŭ 1932 hodzie ŭ leśničoŭcy Padzialonaja pad Smarhońniu. Tady heta byŭ Ašmianski paviet Vilenskaha vajavodstva ŭ składzie Polščy. Jaje maci — Stanisłava Tamašeŭskaja — była siaredniaj dačkoj Tamaša Bahuševiča, syna słynnaha paeta i abaroncy biełaruskaj movy Franciška Bahuševiča.

«Kali Krystynie było 7 hadoŭ, jaje razam z maci i bratam balšaviki vysłali ŭ Sibir. Bolšaść jaje ŭspaminaŭ z tych časoŭ była pra ježu: pra dzikuju morkvu na łuzie, kisłuju kapustu, słaniečnikavuju makuchu z fabryki aleju, landrynku ad susieda, jakaja tady zdałasia joj najvialikšym smakoćciem u śviecie…», — piša Viktar Šukiełovič. 

Z balšavickaha pałonu siamja Tamašeŭskich zdoleła vybracca ŭ 1942 hodzie, kali ŭ SSSR padčas Druhoj suśvietnaj vajny farmavałasia polskaja Armija Andersa. Spačatku Tamašeŭskija pierabralisia ŭ Piersiju, a paśla ŭ Indyju. 

Tolki paśla Druhoj suśvietnaj vajny, u 1947 hodzie, Stanisłava Tamašeŭskaja ź dziećmi zmahli pakinuć Indyju dy vyjechać u Polšču, dzie ŭźjadnańnia ź siamjoj čakaŭ muž i baćka — Juzaf Tamašeŭski. Padčas vajny jon zmahaŭsia ŭ Armii Krajovaj na Ašmianščynie, a paśla zakančeńnia bajavych dziejańniaŭ zdoleŭ vyjechać u Polšču na ziemli, atrymanyja ad Niamieččyny.

Siamja Tamašeŭskich žyła ŭ horadzie Hižyckie na Mazurach. Krystyna ž paśla zakančeńnia chimičnaha fakulteta ŭ Poznani pierajechała razam z mužam, chimikam i muzykam, u Varšavu. Tut jana pracavała nastaŭnicaj chimii ŭ škole.

U 2017 hodzie Krystyna Šmańda padzialiłasia ŭspaminami pra nialudskija ździeki, hoład, chvaroby dy strach z žurnalistam telekanała «Biełsat».

Nichto ź niepasrednych naščadkaŭ Franciška Bahuševiča ciapier nie žyvie ŭ Biełarusi — niekatoryja ź ich pierabyvajuć u Polščy, a častka vyjechała ŭ ZŠA.

Čytajcie taksama:

Pamior Valeryj Marozaŭ

Pamior Viktar Ščerba

Pamior Leŭ Tamilčyk

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Cikava/adkazać/
28.11.2023
A čym jość landrynka? Mo, chtości paviedaje.
0
Aleś/adkazać/
29.11.2023
Huhła kaža , što heta cukierki.ledziancy, mabyć samarobnyja u toj čas...
0
Cikava/adkazać/
29.11.2023
Aleś, Dziakuj
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera