Znajści
Ałharytmičny łacinski varyjant
28.11.2023 / 18:443RusŁacBieł

Biełaruś prypyniła dziejańnie Jeŭrapiejskaj kulturnaj kanviencyi

Kanviencyja staviła za metu achovu nacyjanalnaj kultury jak častki jeŭrapiejskaj i zaachvočvała vyvučeńnie inšych jeŭrapiejskich moŭ i kultur.

Fihury z sałomy. Fota: Tut.by

Adpaviednaja pastanova Savieta Ministraŭ Respubliki Biełaruś ad 28 listapada 2023 hoda zarehistravanaja ŭ Nacyjanalnym rejestry. 

Jeŭrapiejskaja kulturnaja kanviencyja była padpisanaja Radaj Jeŭropy ŭ Paryžy 19 śniežnia 1954 hoda i nabyła moc 5 maja 1955 hoda. Jaje padpisańnie źjaŭlajecca adnoj z umoŭ dla krain, kab stać udzielnicaj Bałonskaha pracesu i jahonaj Jeŭrapiejskaj prastory vyšejšaj adukacyi (EHEA). 

Kanviencyja ratyfikavanaja ŭsimi 47 dziaržavami-členami Rady Jeŭropy, a taksama Biełaruśsiu, Vatykanam i Kazachstanam. Dla Biełarusi jana nabyła moc 18 kastryčnika 1993 hoda, za hod da prychodu Łukašenki da ŭłady.

U kanviencyi adznačałasia, što metaj Rady Jeŭropy źjaŭlajecca dasiahnieńnie bolšaha adzinstva pamiž im členami z metaj abarony i ažyćciaŭleńnia ideałaŭ i pryncypaŭ, jakija źjaŭlajucca ich supolnym zdabytkam.

Kožny ŭdzielnik kanviencyi musić prymać miery, kab achoŭvać i zaachvočvać raźvićcio svajho nacyjanalnaha ŭniosku ŭ ahulny kulturny zdabytak Jeŭropy, zaachvočvać vyvučeńnie svaimi hramadzianami moŭ, historyi i kultury inšych jeŭrapiejskich krain, a taksama davać apošnim mahčymaść sadziejničać takomu vyvučeńniu.

Paśla šyrokamaštabnaha ŭvarvańnia Rasii va Ukrainu Kamitet ministraŭ Rady Jeŭropy 1 červienia 2022 hoda vyklučyŭ Rasiju i Biełaruś z orhanaŭ, źviazanych ź Jeŭrapiejskaj kulturnaj kanviencyjaj, u tym liku z kiraŭničych kamitetaŭ pa adukacyi, pa kultury, spadčynie i łandšafcie, pa spravach moładzi, Moładzievaj kansultacyjnaj rady dy Sumiesnaha kamiteta pa moładzi.

Prypynieńnie dziejańnia Jeŭrapiejskaj kulturnaj kanviencyi — adzin z krokaŭ režymu Łukašenki pa dezintehracyi Biełarusi ź jeŭrapiejskaj supolnaści.

«Naša Niva» — bastyjon biełaruščyny

PADTRYMAĆ

Čytajcie taksama:

Biełaruś i Rasija nakłali vieta na abrańnie Estonii staršynioj ABSIE. Estoncy zaklikajuć nie papuskać

Biełaruś vyjšła ź jašče adnoj mižnarodnaj kanviencyi

Što značyć prypynieńnie ŭdziełu Rasii ŭ Damovie ab stratehičnych nastupalnych uzbrajeńniach?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
dinamičnaja diktatura/adkazać/
28.11.2023
miedlenno społzajem v "dikosť" i kulturu, a točnieje bieskultuŕje aziatskoje
0
Alek. Ru/adkazać/
28.11.2023
Biełaruś zaraz maje tolki adzin viektar adnosin-stroha na úschod. Na kreml.
0
Kieku/adkazać/
28.11.2023
Heta ŭsio, kab zabaranić vučyć polskuju i anhlijskuju movu
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera